Génesis 24:28 - Kashibo-Kakataibo Biblia

²⁸ Usai ꞌitankëx ka Rebeca abákiani aín titan xubunu kuani bëbakin uisai kara ꞌiaxa akamabi ñuixunkin kakëxa.

Nukën 'Ibu Diosan ain unikama 'inan ain bana

²⁸ Usai 'itankëx ka Rebeca abákiani aín titan xubunu kuani bëbakin uisai kara 'iaxa akamabi ñuixunkin kakëxa.

Génesis 24:28 ပူးပေါင်းရင်းမြစ်များ

Génesis 24:29

Usakian aín chirabakën bana ñuia kuabiani ka Labán kakë, ax a uni bari abákiani anua ꞌumpax biti kini anu abákiani kuankëxa,

Génesis 24:48

rantinpuruni tsóbukin kana Nukën ꞌIbu rabikin kan; an ꞌë ñumëmikë Abraham aín Dios, min kamina ꞌë bai upitan an ꞌë ñumëmikë uni aín bëchikë xanu achúshi aín aintsikaman bëchikëbi bixunun kixun ꞌë bëan.

Génesis 24:55

Ësai kiabi ka Rebecanën rarëbakë apanën aín titabëtan kakëxa: —Nun sinánkëx ka ënë xanu nubëpain mapai rabë́ nëtë nubë ꞌiti ꞌikën, ꞌitankëx ka mibë kuanti ꞌikën.

Génesis 24:67

Usokin unikaman ñuia kuatankëxun ka Isaacnën Rebeca bibiankin aín xubusa okían chupa këxtú ꞌakë anua aín tita Sara ꞌikë anu buánkëxa, anu buánxun ka biakëxa, usakin bitankëxun ka Isaacnën Rebeca ꞌitsaira kuëëankëxa, usakin aín xanu Rebeca ꞌitsaira kuëëni ka aín tita ñukë sinania masá nuitukë a sinántëkënima manúakëxa.

Génesis 29:12

Usai ꞌi sënë́nkin ka Jacobnën ñuixunkin kakëxa ꞌëx kana Rebecanën tuá ꞌain ꞌimainun kana min papan Labán aín piaka ꞌain, ësokian kakëx ka Raquel abákiani kuanxun aín papa ñuixuankëxa.

Génesis 31:33

Usakin kakëx ka Labán anua Jacob ꞌikë xubusa okían ꞌakë anu atsíankëxa, atsíntankëx ka anua aín bëchikë Lía ꞌikë anuribi atsíanan, anua an ñu ꞌaxunkë xanu rabë́ ꞌikë anuribi atsíankëxa, atsínkinbi ka aín dioskama mërama ꞌikën. Usai anu pain atsíntankëx anua Lía ꞌikë anuax chikiti ka Raquel anu ꞌikë anuribi bari atsínbëkiankëxa,