Génesis 24:27 - Kashibo-Kakataibo Biblia

²⁷ asabi ka kakin: ¡ꞌËn ꞌibu Abraham aín Dios, ax ka abë upí ꞌianan a nuibakë ꞌixun ꞌëx aín aintsikaman xubunu bëbanun ꞌë bërúanxun bëaxa kiax kiakëxa!

Nukën 'Ibu Diosan ain unikama 'inan ain bana

²⁷ asabi ka kakin: ¡'Ën 'ibu Abraham aín Dios, ax ka abë upí 'ianan a nuibakë 'ixun 'ëx aín aintsikaman xubunu bëbanun 'ë bërúanxun bëaxa kiax kiakëxa!

Génesis 24:27 ပူးပေါင်းရင်းမြစ်များ

Génesis 13:8

Usa ꞌain ka Abramnën achúshi nëtën aín xukë́nan bëchikë Lot ësokin kakëxa: Mix kamina ꞌën ꞌaintsi ꞌibu ꞌain, usa ꞌain kananuna nu rabë́ upiti nuibananti ꞌain, usaribiti ka an nun ñuina bërúankë unikama nishananima nuibananti ꞌikën.

Génesis 14:20

ꞌianan ka Nukën ꞌIbu Dios kamabi kushiñu an mi, abëmi ꞌakanankë unikama ꞌanun ꞌamikë ax ꞌupiokin rabikë ꞌiti ꞌikën. Usakian Melquisedecnën kakëxun ka Abramnën an bibiankin buánkë ñukama raíri ꞌinánkëxa.

Génesis 24:12

usai anu bukuxun iskëxbia xanukama ukëbëtan ka Nukën ꞌIbu abë banakin kakëxa: ꞌËn ꞌIbu ꞌimainun ꞌën ñu mëëxunkë uni Abraham aín Dios kana ësokin mi ñukatin, usa ꞌain kamina bërí ꞌën ꞌati ñukama upí ꞌinun ꞌë ꞌakinti ꞌain, ꞌimainun kamina ꞌën a ñu mëëxunkë uni aribi nuibakin upíokin ꞌakinti ꞌain.

Génesis 24:21

Usakin ꞌaia ka a unin uisakinbi kakinma isakëxa, an ka unántisa tankëxa asérabi kara Nukën ꞌIbun ax kuëënkësabi oi kuania upíokin ꞌakianxa kixun.

Génesis 24:4

usa ꞌain ka Abrahamnën an ñu mëmikë uni kakëxa, anuax ꞌëx uá ꞌën nëtë anu kuantankëxun ꞌën aintsikaman bëchikë xanu achúshi barixuni kuanti ꞌain.

Génesis 24:42

Usa ꞌain kana bërí ꞌën anua ꞌumpax biti kini anu bëbaxun abë banakin ësokin Nukën ꞌIbu kan, ꞌën ñu mëëxunkë uni Abraham aín Dios: Asérabi kamina ꞌëx ënu uti ꞌë ꞌakian,

Génesis 24:48

rantinpuruni tsóbukin kana Nukën ꞌIbu rabikin kan; an ꞌë ñumëmikë Abraham aín Dios, min kamina ꞌë bai upitan an ꞌë ñumëmikë uni aín bëchikë xanu achúshi aín aintsikaman bëchikëbi bixunun kixun ꞌë bëan.

Génesis 32:10

ꞌëx kana upíma ꞌain minmi ꞌë bërúanan upíokin ꞌakinkë ꞌaínbi. ꞌËx kana Jordán kakë baka ënë, añu ñubi bëíma ꞌën tsatishi tuianx min kakëx sikákën, ꞌaínbi kana bërí ꞌaisamaira ñuina ꞌarakakëñu ꞌimainun an ꞌë ñu mëëxunkë uniñu ꞌain, akamax ka rabë́ ëmanu ꞌikë unisa ꞌikën.

Génesis 32:11

Usa ꞌain kamina mix kikësabiokin ꞌakianan ꞌë ië́miti ꞌain, ꞌën xukë́n Esaúnën ꞌë ꞌati sinani kana rakuë́tin. ꞌImainun ka ꞌë ꞌakin xanukama ꞌimainun tuákamaribi ꞌati ꞌikën.

Génesis 9:26

Usokin ꞌaxa basikëbëtan ka ësokinribi kakëxa: Chúamarua ka Nukën ꞌIbu Semnën Dios ꞌiti ꞌikën, Canaánën bëchikëkama ax ka tëmërakin an uni ñu mëëxunkëishi ꞌiti ꞌikën.

2 Samuel 18:28

Usa ꞌain ka anu nukúkin a ꞌurama oi ami ñanati memi bëtiki ꞌikin Ahimaasnën ꞌapu uisa kaina ꞌai kixun pain kakëxa: —Min ꞌIbu Dios ka upíokin rabikë ꞌiti ꞌikën ax min Dios ꞌixun ka. Axa mimi nishkë unikama min suntárukaman ꞌanun ꞌamiaxa.

Salmos 100:5

Nukën ꞌIbu Dios ax ka upíira ꞌikën; an uni nuibakë ax ka bërí ꞌa ꞌixunma nu nuibakë ꞌikën, ꞌianan ka an upí ñubu ꞌa ax uínsaranbi këñutima oi ꞌia ꞌikën.

Éxodo 2:11

Usai anuax kani aín baritia sënëni ka Moisés faraónën xubunu ꞌiakëxa, anuax ka achúshi nëtën aín aintsi ꞌimainun aín kaibu kamaribi isi kuankëxa, Egiptonu ꞌikë unikaman ꞌaisamaira okin ñu mëëmia ꞌunánkë ꞌaish. Usakin ꞌunánx kuankinbi ka egipcio uni achúshinëan aín aintsi achúshi mëía mërakëxa.

Éxodo 2:13

Usakin ꞌoonx pëkarakëbë kuantëkënkinbi ka hebreo uni rabëtax mëëanania mërakëxa. Mërakin ka an bëtsi mëëkë uni a kakëxa: —¿Uisa kupín kaina min aintsibëbi mëëananin?

Éxodo 34:6

Kai ka Moisésnën kuanun a inubuini munuma banai ësai Dios kiakëxa: —¡ꞌËx kana Israel unikaman ꞌIbu ꞌain! ¡ꞌËx kana Dios ira ꞌain, usa ꞌixun kana ꞌën anë mitsu ꞌunánmin! ¡ꞌËx Dios ꞌixun kana nuibakin mitsun nuibakëxunmabi ꞌakinin, usa ꞌixun kana ꞌatima okima unikama nuibatin usokëxun tani ka unikama ꞌëmi katamëti ꞌikën!

Proverbios 3:6

Kamabi ñu ꞌakin kamina Nukën ꞌIbu Dios mia ꞌakinun a pain ñukáti ꞌain, usokinmi ꞌakëxun ka kamabi upíokin ꞌanun mi ꞌamiti ꞌikën.

Proverbios 8:20

ꞌËn kana ñu upí ꞌati sinani bai puntëtan nikësa ꞌixun, upí ñushi ꞌati sinanin.

Miqueas 7:20

¡ꞌËn ꞌIbu mix upí ꞌixun nu nuibakin kamina bërámami nun chaitiokëkama Abraham ꞌimainun Jacob kásabiokin nuribi ꞌakinti ꞌain!

Lucas 1:68

—Nucën ꞌIbu Dios, a Israel ꞌimainun aín rëbúnquicaman rabicë, a ca camabi unin rabiti ꞌicën. An ca aín unicama ꞌicë nu nuibaquin, an nuxnu ami sinánun nu sinánmiti a xuaxa.

Juan 1:17

Uisai cara Nucën Papa Diosan uni ꞌiti ꞌicë quixun ca Moisésnën nucën raracama ꞌunánmiacëxa. Usa ꞌaínbi ca axira uxun Jesucristonën asérabi nuibaquin aín ꞌucha tërë́nquin Nucën Papa Dios cuëëncësabi oía aín uni ꞌinun ꞌimiaxa.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

1 Timoteo 1:17

Usa ꞌain cananuna Nucën Papa Dios, axa usabi ꞌApuira ꞌiá ꞌaish cëñútimoi usabi ꞌiti, a unin aín bërúnbi iscëma, ꞌianan an camabi ñu ꞌunáncë, axëshia Dios, a xënibua ꞌaínbi rabiti ꞌain. Usai ca ꞌiti ꞌicën.

Rut 4:14

Usakian ꞌan ka anu ꞌikë xanu kaman Noemí kakëxa: —¡An min baba achúshi mi ꞌinánkë Nukën ꞌIbu ax ka upíokin rabikë ꞌiti ꞌikën, an ka min kani oia atua bërúanti ꞌikën! ¡Usa ꞌain kananuna min baba ax kara kanitankëx Israel kamanuax uisa uni kara ꞌiti ꞌikë kixun isti ꞌain!