Génesis 24:26 - Kashibo-Kakataibo Biblia

²⁶ Usa ꞌain ka a unin rantinpuruni tsóbukin Nukën ꞌIbu,

Nukën 'Ibu Diosan ain unikama 'inan ain bana

²⁶ Usa 'ain ka a unin rantinpuruni tsóbukin Nukën 'Ibu,

Génesis 24:26 ပူးပေါင်းရင်းမြစ်များ

Génesis 22:5

Usai kuankin ꞌuraxun iskin ka Abrahamnën an ñu mëëmikë uni rabë́ kakëxa: —Ënuxun kamina asno bërúanti ꞌain ꞌëx kana ꞌën bëchikë buani anuxun a rabinun Nukën ꞌIbu Diosan kakë matá me anu kuanin anuxun rabibëtsini, kana utëkënti ꞌain.

Génesis 24:25

Nun xubunu ka anu ꞌiti ꞌikën usa ꞌain kamina ënë imë́ anu mikama ꞌuxi kuanti ꞌain, ꞌimainun ka basi ꞌitsa axa min camellokama pimiti.

Génesis 24:48

rantinpuruni tsóbukin kana Nukën ꞌIbu rabikin kan; an ꞌë ñumëmikë Abraham aín Dios, min kamina ꞌë bai upitan an ꞌë ñumëmikë uni aín bëchikë xanu achúshi aín aintsikaman bëchikëbi bixunun kixun ꞌë bëan.

Génesis 24:52

Ësokian kakëxun kuati ka Abrahamnën ñumëmikë uni rantinpuruni memi bëtiki tsóbukin, Nukën ꞌIbu asábi ka kixun kakëxa.

Nehemías 8:6

Usakin ꞌatankëxun ka Esdrasnën Dios kamabi kushiñu a rabiakëxa, ꞌimainun ka kamabi unikama timë́kë atun ka mëkën manámi oi mëshpati kikankëxa: “Asábi ka asábi ka.” Usakin ꞌatankëx aín bëmánanën me tikai tsóbukin ka Dios rabikankëxa.

Salmos 22:29

Usa ꞌikë ka ami ñanati tëtúbukin ashi rabi kamabi uni axa ꞌuakamë ꞌëoi tsókë unikama ꞌimainun, axa ñuti ꞌurama unikama, atúnribi ka mimi ñanati ꞌikin mi rabikanti ꞌikën.

Salmos 66:4

kamabi menu ꞌikë unikaman ka kuëënkin mi rabia, ꞌianan ka kantakin min anë ñuikin mi rabia!

Salmos 72:9

¡Axa ami nishkë unikama, anu uni ꞌikëma menua ꞌikë, akamax ka an ñu ꞌaia kuati ami rakuë́ti ꞌikën!

Salmos 95:6

Usa ꞌain kananuna rantinpuruni ꞌikin a rabiti ukanti ꞌain; a rabi kananuna Diosan ismainunbi rantinpuruni ꞌiti ꞌain, an ka nuribi uniokëxa.

Éxodo 12:27

kixuan mitsu ñukákëxun kamina kati ꞌain: Ënë ñuinanëx ka Pascua inúkin xaronan, Nukën ꞌIbu rabikin ꞌakë ꞌikën. Ënë nëtën ka Egipto mekama oi kuankin egipcio unikaman rëkuë́n bëchikëkama bamamikinbi, Israel unikaman xubu isi a ꞌurama oíma a uri inúkin Egiptonu ꞌikë nun aintsikama uisabi okima ië́miakëxa. Usakin atun kaia Moisés sënë́nkëbëishi ka Israel unikama rantinpuruni tsóbukin Dios rabiakëxa,

Éxodo 34:8

Ësakin kakëxun kuati bënëtishi tsóbukin aín bëmánanën me tikai ꞌikin ka Moisésnën Nukën ꞌIbu rabikin,

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Miqueas 6:6

¿Uisa ñu uani kuanxun karanuna, Nukën ꞌIbu Dios manámi ꞌikë a rabiti ꞌain? ¿ꞌIanan karana vaca bakë achúshi baritiañukama ꞌaímai këñutanu xaroxunti ꞌain?

Filipenses 2:10

Usa ꞌain ca a ñuicë a bana cuaquin, camabi nëtënu ꞌicë unicama ꞌimainun naínu ꞌicë ángelcama ꞌimainun anua uni bamacë anu ꞌicëcamanribi ami racuë́quin a rabiti ꞌicën.

Jueces 7:15

Ësokia bëtsin aín namákë ñuixunia kuaxun ka, Gedeónën Nukën ꞌIbu rabiakëxa. Rabitankëx ka anua israel suntárukama bukukë anu kuanxun atu kakëxa: —¡ꞌAkanani kuanti kamina mëníokakanti ꞌain, Nukën ꞌIbun ka madianita unikama ꞌanun nu ꞌakinti ꞌikën!

1 Samuel 1:28

Usa ꞌixun kana ꞌën Nukën ꞌIbu Diosan ñu mëëti ꞌanun ꞌimian, usa ꞌain ka ainan ꞌiti ꞌikën. Ësakin kakëx ka Elí ꞌain bëmánanën me tikai tsóbukin Dios rabiakëxa.