Génesis 23:16 - Kashibo-Kakataibo Biblia

¹⁶ Usakian kakëxun ka Abrahamnën asábi ka kana mi uiti kara aín kupí ꞌikën atibi mi kupíoti ꞌai kixun ka Efrón aín aintsi hititakaman ismainunbi, aín kuríki abia tupunun kixun kupíokin banatanun rërëkaxuankëxa.

Nukën 'Ibu Diosan ain unikama 'inan ain bana

¹⁶ Usakian kakëxun ka Abrahamnën asábi ka kana mi uiti kara aín kupí 'ikën atibi mi kupíoti 'ai kixun ka Efrón aín aintsi hititakaman ismainunbi, aín kuríki abia tupunun kixun kupíokin banatanun rërëkaxuankëxa.

Génesis 23:16 ပူးပေါင်းရင်းမြစ်များ

Génesis 23:15

—Mi kamainun kamina kuati ꞌain, ꞌën ꞌIbu: Me aín kupí ka cuatrocientas manë kuríki ꞌikën. Usa ꞌain kananuna ꞌati ꞌain kupí aín ꞌitsa kuëbikanantima ꞌain, usa ꞌain kamina bërí anu min xanu mainikuanti ꞌain.

Génesis 43:21

ꞌaínbi kananuna ënuax kuantankëx anu nu imë́ uxti anu nukuxun nun pisha rëchurupakinbi, kananuna pisha bërakankin achúshi achúshi nun pishanua kuríki ꞌarukë mëran, a kuríki ka kamabi ꞌiaxa. A kananuna bërí ꞌinántëkënti bëan,

Génesis 49:29

Achúshi nëtën ka Jacobnën aín bakë bëchikëkama ësokin kakëxa: “Ënuax ꞌitsama nëtë ꞌikëbë kana ñuti ꞌain. Usa ꞌain kamina ꞌë ñuia ënu mainkima anua ꞌën chaitiokëkama maían kini anubi ꞌë maínti ꞌain, ax ka Efrón kakë hitita uni aín me ꞌikën,

Génesis 50:13

usakin ꞌatankëxun ka Canaán kakë me anua ꞌikë Macpelá kakë me anua ꞌikë kini, Abrahamnën Efrón kakë uni hitita ainan ꞌikëbi anu aín aintsikama ñuia maínti marua anu maíankëxa. A me ꞌimainun a kinix ka Mamré kakë me amiaxa bari urukë au ꞌiakëxa.

2 Samuel 14:26

Usa uni ꞌikë ka baritia këñukëtibi aín bu chaxkë́ti ꞌiëkin masámikëxun tëamiakëxa, usokin tëakëx ka aín bux ꞌapun tupumikëx rabë́ kilo inúkë ꞌiakëxa.

Mateo 7:12

Bëtsi uníxa mibë upí ꞌianan mi ꞌaquintimi mix cuëëncë, usaribi oquin camina min bëtsi unibë upí ꞌianan a ꞌaquinti ꞌain. Usaquin ꞌanun ca Moisésnën cuënëo bana quia. ꞌImainun ca an Nucën Papa Dios quicë bana uni ñuixuncë unicaman cuënëo banaribi usai quia.

Hechos 7:16

Jacob bamacë ca aín me, Canaán, anu ꞌicë ëma Siquem cacë, anu buántancëxun anuxunbi aín bëchicënën maíancëxa. A mex ca Abrahamnëan Hamor cacë unin bëchicëcama curíqui ꞌinánquin marua ꞌiacëxa.

Romanos 13:8

Uni camina ribíntima ꞌain. Usa ꞌixun camina a nuibacëma ꞌaish a ribíncësa ꞌitin rabanan, uni itsi upí oquinra nuibati ꞌain. Asérabi uni nuibacë ꞌixun ca unin uni itsi uisabi otima ꞌicën.

Filipenses 4:8

ꞌËn xucë́antu, ësaquinshi cana mitsu cain, unían ësa ñu ꞌaia isquin camina mitsun —ax ca asábi ꞌicë —quixun sinánti ꞌain, cëmëma banacama ꞌimainun —upí ca —quixun ñuicë ñucama, ꞌimainun uni itsi paránquinma upí ñu ꞌacë, ꞌimainun ñu ꞌatima ꞌati sinánquinma upíshi ꞌiti sináncë, ꞌimainun bëtsibë upiti nuibananti, acama ꞌimainun rabiquian unin —upí ca a uni ꞌicë —quixun mitsu ñuixuncë, acama. ꞌImainun camina uisa ñu ꞌati cara upí ꞌicë, uisa ñu ꞌati ñui cara —asábi ca —quiax uni quiti ꞌicë, acama sinánti ꞌain.

1 Tesalonicenses 4:6

ꞌianan aín xanubë ꞌi bëtsi unimi ꞌuchatima. Usaía ax ꞌicë uni a ca aín ꞌucha cupí, Nucën ꞌIbu Jesucristonën uisa cara oti ꞌicë usoquin ꞌati ꞌicën, nun mitsu ñuixuncësabi oquin.