Génesis 22:23 - Kashibo-Kakataibo Biblia

²³ Betuel ax ka Rebecanën papa ꞌiakëxa. Usa ꞌain ka, mapai achúshi ꞌimainun rabë́ ꞌimainun achúshi akamax ka Milcámia ꞌakë tuá Abrahamnën ꞌanáka Nahor ain bëchikëkama ꞌiakëxa.

Nukën 'Ibu Diosan ain unikama 'inan ain bana

²³ Betuel ax ka Rebecanën papa 'iakëxa. Usa 'ain ka, mapai achúshi 'imainun rabë́ 'imainun achúshi akamax ka Milcámia 'akë tuá Abrahamnën 'anáka Nahor ain bëchikëkama 'iakëxa.

Génesis 22:23 ပူးပေါင်းရင်းမြစ်များ

Génesis 11:29

Usa ꞌain ka Abramnën aín xanu Sarai bimainun, Nahor anribi aín xanu Milcá biakëxa, ax ka Haránnën bëchikë ꞌimainun Iscá aín chirabakë ꞌiakëxa.

Génesis 22:22

Usokin ꞌatankëxun ka amiribishi bëchipakëxa aín anë ka ꞌiakëxa Quésed, Hazó, Pildás, Idlaf ꞌimainun Betuel.

Génesis 22:24

Usa ꞌain ka Nahor an ñu ꞌaxunkë xanubia bikë Reumá aín xanusa ꞌain amiribi bëchipakëxa, ënëkamax ka aín anë ꞌikën Teba, Gáham, Tahas ꞌimainun Maacá.

Génesis 24:15

Usai abë banai sënë́nkëma ꞌixunbi ka xanu achúshi me ñutë ꞌakë tëxanu nanxun tuinbëtsinia isakëxa. Ax ka Rebeca Betuel kakë uni aín bëchikë xanu ꞌiakëxa. Betuel ax ka Milcámia Nahornën bëchia ꞌiakëxa, ax ka Abrahamnën xukënan bëchikë ꞌiakëxa.

Génesis 24:24

Kixuan ñukákëxun ka Rebecanën kakëxa: —ꞌËx kana Abrahamnën xukë́n Nahor an Milcámi bëchia Betuel kakë uni aín bëchikë ꞌain.

Génesis 24:47

Usakian ꞌaia kana ꞌën ñukan: ¿Mix karamina uin bëchikë ꞌain? kakëxun ka an ꞌë kaxa: ꞌËx kana Betuelnën bëchikë xanu ꞌain, ax ka Nahornëan Milcámi bëchia ꞌikën. Ësai kia kana achúshi rëñuti ñu bitankëxun rëñumianan kana rabë́ aín pëñanuribi pëñumian usakin ꞌai,

Génesis 24:51

Ka kuat, ënu ka Rebeca ꞌikën; kamina bibiankin buánti ꞌain. Ax ka an mi ñumëmikë uni aín bëchikënën xanu ꞌiti ꞌikën, Nukën ꞌIbun kakësabi oi.

Génesis 24:60

Usai kuania ka Rebeca upíokin sinánxunkin ësokin kakëxa: “Nukaman chirabakë, ¡min rëbúnkinëx ka ꞌaisamaira tupuntisama ꞌiti ꞌikën! ¡usa ꞌixun ka min rëbúnki kaman axa ami nishkë unikama abámikin ꞌatankëxun atun ëmakama biti ꞌikën!”

Génesis 24:67

Usokin unikaman ñuia kuatankëxun ka Isaacnën Rebeca bibiankin aín xubusa okían chupa këxtú ꞌakë anua aín tita Sara ꞌikë anu buánkëxa, anu buánxun ka biakëxa, usakin bitankëxun ka Isaacnën Rebeca ꞌitsaira kuëëankëxa, usakin aín xanu Rebeca ꞌitsaira kuëëni ka aín tita ñukë sinania masá nuitukë a sinántëkënima manúakëxa.

Génesis 25:20

Isaacnën ka cuarenta baritiañu ꞌixun Rebeca aín xanu ꞌiti biakëxa, ax ka Betuelnën bëchikë Labánën chirabakë ꞌiakëxa, akamax ka Arameos unibu Padán-aram kakë me anu tsókë ꞌiakëxa.

Génesis 28:2

Kamina Padán-aram, anua min xuta Betuel ꞌia me anu kuanti ꞌain, anu kuantankëxun kamina anua min kuku Labánnën bëchikë xanukama achúshi biti ꞌain.

Génesis 28:5

Ësokin katankëxun ka Isaacnën aín bëchikë Jacob a Padán-aram anu xuakëxa. Xukëx kuanx ka Jacob Labánnën xubunu bëbakëxa, ax ka Betuel arameo uni aín bëchikë ꞌianan Rebeca Jacob ꞌimainun Esaú aín titan rarëbakë ꞌiakëxa.

Romanos 9:10

Ënëribi cananuna sinánti ꞌain: Rebecanën tuá rabë́ ax ca nucën rara Isaacnënbia bëchicë ꞌiacëxa.