Génesis 22:18 - Kashibo-Kakataibo Biblia

¹⁸ usa ꞌain ka kamabi menu ꞌikë unikama atu kupin upíokin sinánxunkë ꞌiti ꞌikën, min kamina ꞌën kakësabiokin ꞌan usa ꞌain.

Nukën 'Ibu Diosan ain unikama 'inan ain bana

¹⁸ usa 'ain ka kamabi menu 'ikë unikama atu kupin upíokin sinánxunkë 'iti 'ikën, min kamina 'ën kakësabiokin 'an usa 'ain.

Génesis 22:18 ပူးပေါင်းရင်းမြစ်များ

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

Génesis 12:3

Uin kara mi upíokin ꞌakinia aribi kana ꞌën upíokin sinánxunti ꞌain, ꞌimainun kana uin kara mi ꞌatima oia aribi ꞌënribi ꞌatima oti ꞌain; mi kupí kana kamabi menu ꞌikë unikama upíokin sinánxunti ꞌain.

Génesis 18:18

ax ka kamabi unin chaitiokë ꞌaish achúshi ëma chaiira ꞌimainun kushiira ꞌiti ꞌikën. ꞌËn kana a kupín kamabi menu ꞌikë ëmakamanu ꞌikë unikama upíokin sinánxunti ꞌai kixun kana kan.

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Génesis 22:10

rakankëxa rakamainun ka aín manë xëtókë bikian aín bëchikëmi okin sananiabi ka

Génesis 22:3

Usakian koónkëxun, ka pëkarakëma ꞌaínshi, nirukin Abrahamnën aín asno kaxu mëníotankëxun; anu karu tëapaxun nëakë, puruakëxa anun ñuina xaroti usakin ꞌabiani ka Nukën ꞌIbu Diosan anu kuanun kakë anu, aín bëchikë Isaac ꞌimainun an ñu mëëmikë uni rabë́ buani kuankëxa.

Génesis 28:14

Usa ꞌain ka atux ꞌaisamaira ꞌuakamë ꞌëoi me putu iskësaira ꞌi aín tsipumiki ꞌimainun aín rëbumiki kuanan amiaxa bari urukë au ꞌimainun amia bari kuabúkë amiki amami amami kuankanti ꞌikën, usa ꞌain ka kamabi menu ꞌikë unikama upíokin sinánxunkë ꞌiti ꞌikën mi ꞌimainun min rëbúnkikama kupí.

Salmos 72:17

¡Usa ꞌain ka ꞌapun anë ax manukima usabi okin sinánkë ꞌiti ꞌikën; usa ꞌain ka an ꞌakë ñukama kamaxunbi ꞌunánkë ꞌaish bari këñutisama pain ꞌain an ꞌakë ñukamaxribi këñutima ꞌikën! ¡ꞌIanan ka kamabi menu tsókë unikama a ꞌapu kupín upíokin sinánxunkë ꞌiti ꞌikën! ¡Usa ꞌain ka kamabi menu ꞌikë unikaman ax ka chuámarua tsotia kiax kiti ꞌikën!

Éxodo 7:6

Usakin ka Moisés ꞌimainun Aarónën Nukën ꞌIbun kakësabiokin ꞌakëxa.

Jeremías 7:23

ꞌAínbi kana ësaia ꞌën bana tani ꞌikanun kakën; ꞌëx atun Dios ꞌimainua atux ꞌën unikama ꞌinun kixun kana kakën. Usai ꞌia ꞌën kakësabi oi ꞌikëbë ka mitsun ꞌakë ñukama upí ꞌiti ꞌikën.

Mateo 1:1

Jesucristo ax Davitan rëbúnqui ꞌaish ca Abrahamnën rëbúnquiribi ꞌiacëxa. Jesucristonën raracama ca ënë unicama ꞌiacëxa:

Hechos 3:25

Ësoquin canan ca Pedronën ësaquinribi cacëxa: —A unicaman axa uti ñuia, ax ucë cupí camina mitsúnribi chuámarua ꞌinuxun aín bana cuati ꞌain. Usai ꞌiti oquin ca Nucën Papa Diosan bëráma mitsun rara Abraham ësaquin cacëxa: “Min rëbúnqui achúshi cupí ca camabi menu ꞌicë unicamax cuëënuxun ꞌaia”.

Romanos 1:3

A cuënëomia banax ca aín Bëchicë, Nucën ꞌIbu Jesucristo ñui quicë ꞌicën. Aín ꞌunan papa ax ca Davidnën rëbúnqui ꞌiacëxa.

Gálatas 3:16

Usaribi ca Nucën Papa Diosan Abraham cá bana ꞌicën. An ca Abraham aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun cacëxa. Usaquian Nucën Papa Diosan Abraham cá bana ax ca “aín rëbúnquicama” ñui quima, “aín rëbúnqui achúshi” ñui quia. Usa ꞌain ca aín rëbúnqui achúshi a ñuia quiá ax Cristo ꞌicën.

Gálatas 3:18

Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupía uni Nucën Papa Diosan iscëx upí ꞌain ca an Abrahambëtan mënío bana ñancáishi ꞌitsíanxa. Usa ꞌaínbi ca usama ꞌicën. A ñuiquian an Abrahambëtan mënío achúshi uni a cupíshi ca uni ami catamëtia Nucën Papa Diosan upí isia.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.