Génesis 21:23 - Kashibo-Kakataibo Biblia

²³ Usa ꞌain kamina, sinanatëkëntima okin Nukën ꞌIbu Diosan ismainun, ënë menuax, nukamabë ꞌatimonantima ꞌain, ꞌimainun kamina ꞌën bëchikëkama ꞌimainun ꞌën rëbúnkikamaribi ꞌain. Akima kamina sinanatëkënkinma ꞌën mi ꞌakësaribi okin ꞌëribi ꞌati ꞌain, ꞌanan kamina usaribiokin kamabi ënu ꞌikë unikama ꞌati ꞌain, anumi bërí tsókë me ënuxun.

Nukën 'Ibu Diosan ain unikama 'inan ain bana

²³ Usa 'ain kamina, sinanatëkëntima okin Nukën 'Ibu Diosan ismainun, ënë menuax, nukamabë 'atimonantima 'ain, 'imainun kamina 'ën bëchikëkama 'imainun 'ën rëbúnkikamaribi 'ain. Akima kamina sinanatëkënkinma 'ën mi 'akësaribi okin 'ëribi 'ati 'ain, 'anan kamina usaribiokin kamabi ënu 'ikë unikama 'ati 'ain, anumi bërí tsókë me ënuxun.

Génesis 21:23 ပူးပေါင်းရင်းမြစ်များ

Génesis 20:14

Usokian Abrahamnën kakëxun ka ꞌapu Abimélecnën aín xanu Sara Abraham ꞌinántëkëankëxa. ꞌInánkin ka aín ꞌarakakë ñuina ovejakama, vaca ꞌimainun an ñu mëëxunti uni ꞌimainun xanu an ñu ꞌaxúnti akamabi ꞌinánkëxa,

Génesis 21:24

Usokin kakëxun ka Abrahamnën kakëxa: —Nukën ꞌIbu Diosan ismainun kana sinanatëkëntima okin mi kain.

Génesis 24:3

sinanatëkëntima okin Nukën ꞌIbu naí ꞌimainun ënë me bërúankë an ka ꞌën bëchikë Isaacnën ënë menu ꞌikë xanukama binun ëntima ꞌikën, anu ꞌëx tsókë Canaán kakë me ënua,

Génesis 26:28

Ësokian kakëxunbi ka atun kakëxa: —Nun kananuna mi isan mix kamina Nukën ꞌIbu abë ꞌain, usa ꞌikë an mi ꞌakinia kananuna unan, usa ꞌain kananuna nukaman achúshi ñu mibëtan ꞌati ain. A achúshi ñu ꞌati ax ka ꞌikën:

Génesis 31:44

Usa ꞌain, kamina uti ꞌain mi ꞌimainun ꞌëx kana uisai karanuna ꞌiti ꞌai kiax kananti ꞌain, ax ka nu rabëtaxnu usai kananuna ꞌiti ꞌai kiax kanankë ꞌiti ꞌikën.

Génesis 31:53

Usokin kakëx ka min xuta Abraham ꞌimainun ꞌën xutókë Nahor aín Dios an nu uisakara nu rabë́ oti ꞌikën kiti ꞌikën. Usokin kakëxun ka Jacobnën Nukën ꞌIbu Dios aín papa Isaacnën rabia an ismainun sinanatëkëntima oi kikin rabiakëxa.

Génesis 39:3

ꞌAkinkëxuan upíokin Josénën ñu mëía ka a ñu mëxunkë unin, aín ꞌIbun ka Josébë ꞌixun ꞌakinia kixun. Usa ꞌain ka Josénën mëëkë ñukamax upí ꞌiakëxa.

Génesis 47:31

—¡Sinanátëkëntima okin! kamina ashikin ꞌë kati ꞌain —kixun ka amiribishi aín papan kakëxa. Ësakian kakëxuan Josénën sinanatëkëntima okin kakëx, ka Jacob anua ꞌuxkë anuax aín tëpiti ami tëtuti ñanati ꞌiakëxa.

2 Corintios 1:23

Nucën Papa Diosan ca ꞌën nuitu mëu ꞌën ësaquin sináncë ꞌunania, mitsu nuibaquin mitsúxmi upí ꞌicë isti cuëëni cana mitsu isi cuanti sinanibi cuancëma pain ꞌain. Nucën Papa Diosan ca ꞌunania, usa ca quixun.

Deuteronomio 6:13

Usa ꞌain kamina Nukën ꞌIbu ashi rabianan ax kuëënkësa okinshi ñu ꞌaxúnti ꞌain, ꞌimainun kamina sinanatëkënkinma asérabi aín anëinshi ñu ꞌati ꞌain.

Hebreos 6:16

Ënëx ca ësa ꞌicën. Unix ca uni itsían aín bana isa asérabi ꞌicë quixun ꞌunánun quiax, aín ꞌapu axa asamaira ꞌain, a ñui ësai quia: Nun ꞌapúnbi ca ꞌunania, ꞌën mi cacë bana ënëx ca asérabi ꞌicën. Usai quicëbëtan ca an aín bana ca asérabi ꞌicë quixun ꞌunánquin abë cuëbicanántima ꞌicën.

Josué 2:12

Usa ꞌain kana mi ñukatin ënuxunbi kamina Nukën ꞌIbun anën sinanátëkëntimokin asérabi ꞌë kati ꞌain, ꞌën aintsikama kamina mitsu bërí ꞌën ꞌakësaribi okin ënë ëmanu ꞌikë unikama ꞌakinbi ꞌatima ꞌain. Asérabi karamina këmëima ꞌunánnun kamina ꞌë kati ꞌain,

1 Samuel 20:13

ꞌaínbi kana ꞌën papan mi ꞌatima oti sinántëkënkëbëtan ꞌën mi abátanun kanan upitaxmi kuantanun ꞌakiniama Nukën ꞌIbun uisakin kara ꞌaisa tania, usakin ꞌë ꞌatima oti ꞌikën. ¡Usa ꞌain ka Nukën ꞌIbun mi ꞌakinti ꞌikën ꞌën papa ꞌakiansaribi okin!

1 Samuel 20:17

ësai ka Jonatán ꞌitsaira David nuibakë ꞌixun, ax ꞌikësabiokin nuibakin bërúain, amiribishi uisaxi sinanatëkëntima oi kítëkëankëxa.

1 Samuel 20:42

Usai ꞌitankëx sënënia ka Jonatánnën David kakëxa: —Chuámashi kamina kuanti ꞌain, nu rabëtax kananuna amiribishi bëtsiokin sinántëkëntima oi, Nukën ꞌIbun ismainunbi kian, ꞌimainun kananuna nu rabë́a ënxuma ꞌanun kan, usa ꞌain kananuna uínsaranbi ënananima nuibananti ꞌain, usa ꞌain ka min rëbúnkikama ꞌakianan ꞌën rëbúnki kamaribi ꞌakinti ꞌikën. Ësokin katankëx ka David kuantamainun Jonatánnëx anuaxa ukë ëmanu kuantëkëankënxa.