Génesis 21:22 - Kashibo-Kakataibo Biblia

²² Usai ꞌikë basirakëma ꞌaínshi ka ꞌapu Abimélec Abrahambë banai kuankëxa. Kuankëbë ka aín suntárunën kushi Ficol, axribi abë kuankëxa. Kuantankëxun ka Abimélecnën Abraham ësokin kakëxa: —Nun kananuna isan Nukën ꞌIbu Diosan ka kamabi añu ñukama karamina ꞌai akamabi mi ꞌakinia.

Nukën 'Ibu Diosan ain unikama 'inan ain bana

²² Usai 'ikë basirakëma 'aínshi ka 'apu Abimélec Abrahambë banai kuankëxa. Kuankëbë ka aín suntárunën kushi Ficol, axribi abë kuankëxa. Kuantankëxun ka Abimélecnën Abraham ësokin kakëxa: —Nun kananuna isan Nukën 'Ibu Diosan ka kamabi añu ñukama karamina 'ai akamabi mi 'akinia.

Génesis 21:22 ပူးပေါင်းရင်းမြစ်များ

Génesis 20:14

Usokian Abrahamnën kakëxun ka ꞌapu Abimélecnën aín xanu Sara Abraham ꞌinántëkëankëxa. ꞌInánkin ka aín ꞌarakakë ñuina ovejakama, vaca ꞌimainun an ñu mëëxunti uni ꞌimainun xanu an ñu ꞌaxúnti akamabi ꞌinánkëxa,

Génesis 20:17

Usokian kakëxun ka Abrahamnën Nukën ꞌIbu Dios ñukáxuankëxa, ñukáxunkëxun ka Nukën ꞌIbu Diosan Abimélec aín xanukëñunbi pëxkuakëxa. Usokin ꞌanan ka an ñu ꞌaxunkë xanukamaribi tuánun ꞌimiakëxa,

Génesis 20:2

A menuax ka Abraham kiakëxa aín, xanu Sara ñui, ënë xanux ka ꞌën xanuma ꞌikën, ax ka ꞌën chirabakë ꞌikën. Kixun a rabë́xunbi sinántankëxun ka, ꞌapu Abimélec paránkëxa, usakin kakian paránkëxun ka ꞌapu Guerarnu ꞌikë, an Sara aín xanu ꞌiti bënun kixun uni xuakëxa;

Génesis 26:26

Usa ꞌain ka achúshi nëtën, Abimélec Guerar kakë ëma anuax Isaacbë banai ubakëxa. Usaia ukëbë ka an ꞌunánkë unikama an bana ñuixunkë Ahuzat, ꞌimainun suntárunën kushi Ficol akamaribi abë ubakëxa.

Génesis 26:28

Ësokian kakëxunbi ka atun kakëxa: —Nun kananuna mi isan mix kamina Nukën ꞌIbu abë ꞌain, usa ꞌikë an mi ꞌakinia kananuna unan, usa ꞌain kananuna nukaman achúshi ñu mibëtan ꞌati ain. A achúshi ñu ꞌati ax ka ꞌikën:

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Génesis 30:27

Kakëxunbi ka aín kuku Labánën kakëxa: —Usama ka ꞌëbëbi ꞌi kamina bërúti ꞌain. ꞌËn kana ꞌunanin Nukën ꞌIbun ka ꞌën sinánkëxun mix ënu ꞌëbë ꞌain ꞌitsaira ꞌë ꞌakinia usa ꞌain.

Génesis 31:5

ꞌaia ka ësokin kakëxa: —ꞌËn kana bërí ꞌunan mitsun papan ka bëráma ꞌasa okin bërí ꞌë ꞌupiokin isima; usakin ꞌaiabi ka ꞌën ꞌIbu Diosan ënkinma ꞌë ꞌakinia kixun kana ꞌunan.

Isaías 45:14

Ësakin ka Diosan Israel unikama kaxa: “Egipto menua ꞌikë naënu ꞌikë unikama, ꞌimainun an ñu marukë Etiopíanu ꞌikë unikama, ꞌianan Sabánu ꞌikë unikama, atux ka nënkëirabu ꞌikën akamina, mitsunu ꞌinamëtia ñu mëëmiti ꞌain; usokëx ka manë risin tëkërëkakë ꞌaish mitsu kaxú, kuani mitsu bëtanain rantinpurunkin mitsu kati ꞌikën: Asérabi ka Diosan mitsu ꞌakinia, usa ꞌain ka bëtsi dios ꞌaíma ꞌikën.”

Isaías 8:10

ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

1 Corintios 14:25

—ꞌËn unë́xun ꞌacë ñuribi ca Nucën Papa Diosan isaxa —quixun sinánquin ca a ñucama chiquinaquin Nucën Papa Dios rabiti ꞌicën. Rabianan ca —asérabi ca Nucën Papa Dios mitsubë ꞌicë —quiti ꞌicën.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

Josué 3:7

Usokëbëtan ka Nukën ꞌIbun Josué kakëxa: Bërí ka Israel unikaman ësokin ꞌën ꞌakëbëtan mix kamina ꞌën kaískë uni atun ꞌapu ꞌai kixun ꞌunánti ꞌikën. Usa ꞌain ka ꞌën kana Moisés ꞌakiansaribi okin mi ꞌakini kixun ꞌunánti ꞌikën.

Apocalipsis 3:9

Usa ꞌain cana ñunshin ꞌatimanën ꞌapun sinánmicë unicama axa, ꞌëx cana asérabi judío uni ꞌai quibi cëmëi ꞌëmi sináncëma unicama a mitsun bana cuatia mitsumi sinánun ꞌimiti ꞌain. ꞌImicëxun ca ꞌunánti ꞌicën, ꞌën cana asérabi mitsu nuibati quixun.

1 Samuel 24:22

Usakian kakëxun ka Davidnën Saúl sinántëkëntima okin mëníokëxa. Usakin ꞌakëx ka Saúl aín xubunu kuantamainun David aín suntárukamabëbi anuaxa ukë aín bashi kini anubi kuantëkëankëxa.

1 Samuel 3:19

Usa ꞌikë ka xura ꞌaish bërunania ënkinma ꞌakinkin Samuel ax kikësabiokin Nukën ꞌIbun ꞌakiankëxa.