Génesis 21:17 - Kashibo-Kakataibo Biblia

¹⁷ Usai tuá ax inia ka Nukën ꞌIbu Diosan kuakëxa; kuakin ka Nukën ꞌIbu Diosan ángelnën naí manámixun Agar kuënkin ësokin kakëxa: ¿Uisai kaina ꞌian Agar? Kamina rakuë́tima ꞌain Nukën ꞌIbu Diosan ka mi ꞌimainun min tuá bëunan mëskuti inia kuaxa uinu kara min tuá ꞌikën.

Nukën 'Ibu Diosan ain unikama 'inan ain bana

¹⁷ Usai tuá ax inia ka Nukën 'Ibu Diosan kuakëxa; kuakin ka Nukën 'Ibu Diosan ángelnën naí manámixun Agar kuënkin ësokin kakëxa: ¿Uisai kaina 'ian Agar? Kamina rakuë́tima 'ain Nukën 'Ibu Diosan ka mi 'imainun min tuá bëunan mëskuti inia kuaxa uinu kara min tuá 'ikën.

Génesis 21:17 ပူးပေါင်းရင်းမြစ်များ

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Génesis 16:11

A mi tuukë ënëx ka achúshi bëbu tuá ꞌikën, usa ꞌain kamina bakëntankëxun Ismael kakin anëti ꞌain, Nukën ꞌIbun ka mix tëmërai uin kara ꞌë ꞌakinti ꞌikë kiax nuibakati nitsia isaxa.

Génesis 16:7

Abákë ka Nukën ꞌIbun ángel achúshinën anu uni ꞌikëma menuxun mërakëxa, ax ka aín rëbumi kakin anëkë me anu kuanti bai rapasu ꞌumpax upíira ꞌikë anu ꞌiakëxa,

Génesis 16:8

anua mërakin ka ñukákëxa: —Agar, mix kamina Sarainën ñu mëëmikë aín, ¿uinuax kaina aín, ꞌimainun kaina uinu kuanin? —ꞌËx kana an ꞌë ñumëmikë xanu Sarai anuax abatin —kixun ka an kakëxa.

Génesis 16:9

Usokian kakëxun ka Nukën ꞌIbun ángelnën ësokin kakëxa: —Kamina amiribishi kuantëkëti ꞌain ami ñu mëëxunkë xanu anubi kuanxun, kamina an mi kakësabiokin kamabi ñu mëëxunti ꞌain.

Génesis 22:11

nukën ꞌIbu ángelnën kuënkin naínuxun kakëxa: —¡Abraham! ¡Abraham! ësokian kakëxun ka. —Ënu kana ꞌain ꞌën ꞌIbu —kixun an kakëxa.

Génesis 24:7

Nukën ꞌIbu Dios, naínu ꞌikë an ka ꞌën aintsikaman menua chikinbëtsinkin bëxun ꞌë ꞌimainun ꞌën rëbúnkikama ënë me ꞌinan, an ka aín ángel abë kuantankëxumi achúshi xanu ꞌën bëchikë bixunun mi ꞌakinti ꞌikën.

Génesis 26:24

“Anu bëbaxa ñantabukë a imë́ ami mërakin ka Nukën ꞌIbun kakëxa: ꞌËx kana min papa Abraham aín Dios ꞌain. Usa ꞌain kamina rakuë́tima ꞌain; ꞌëx kana mibë ꞌain. Usa ꞌain kana ꞌën uni Abraham a kupín upíokin sinánxunkin, min rëbúnkinëxa ꞌaisamaira ꞌuákamë ꞌëonun ꞌimiti ꞌain.”

Génesis 46:3

Kakëxun ka Diosan kakëxa: —ꞌËx kana Dios min papan rabia a ꞌain. Usa ꞌain kamina Egipto menu kuanti rakuë́tima ꞌain: Anuxun kana ꞌën min rëbúnkikama achúshi ëma kushiira ꞌianan chaiira ꞌitánun ꞌuákamë ꞌëomiti ꞌain.

Salmos 65:2

min kamina mibë banakin nun ñukákëxun kuatin! Kamabi menu ꞌikë unin ka mibë banakin mi rabiti ꞌikën.

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Éxodo 14:13

Usai kikaniabi ka Moisésnën kakëxa: —Kamina rakuë́kantima ꞌain. Mitsun kamina ꞌatima okin sinánkima chuámashirua tankin bëría Nukën ꞌIbun mitsu ꞌiëminuxun ñu ꞌaia isti ꞌain, uínsaranbi kamina egipcio unikama amiribishi bërími iskankësa okin istëkënxuma ꞌain.

Éxodo 3:2

Anuax ka Nukën ꞌIbun ángel tsi rëkirukësa ꞌinun mërakëxa, mëratika i muxañu pëñanakëkë a nëbëtsinuax ꞌiakëxa, ꞌia Moisésnën upíokin iskëxbi ka i pëñanakëkë rëkirukë ax këñutima usabi ꞌikë isakëxa.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Mateo 15:32

ꞌItsa uníxa timëcamë ꞌëocë ꞌain ca aín ꞌunánmicë unicama cuënxun Jesusan atu cacëxa: —Ënë unicamax ca ënu rabë́ ꞌimainun achúshi nëtë ꞌëbë ꞌicën. Usa ꞌaish ca a atun piti ñuñuma ꞌicën. Usa ꞌain cana ꞌën atu ꞌitsaira nuibaquin ꞌaquinsa tanin. Cuaníbima atux bainuax bëënania, usa ꞌain cana ñu naracamixunma xuisama tanin.

Marcos 5:36

Caia cuaquin ca Jesusan a ꞌapu cacëxa: —Racuë́axma ca ꞌit. ꞌËn cana mi ꞌaquinti ꞌai quixun ca sinan.

Deuteronomio 26:7

Usa ꞌain kananuna nun chaitiokë kaman Dios a ñukákën, ñukákëxun ka nun bana kuakin egipcio unikaman ꞌaisamaira okin ñu mëëmikëx tëmërai ñutisari ꞌia an nu isakëxa;

1 Samuel 11:5

Usai nishkankëbë ka Saúl ain pastonuax vaca bënë raíri bëi ukinbi usaía inkania iskin ñukákëxa: —¿Uisai kara unikama ꞌiax? ¿Uisai ꞌiax kara kamabi unikama inin? Kia ka Jabésnu ꞌikë unikaman kuanxua ñuikë bana a ñuixukin kakëxa.