Génesis 21:15 - Kashibo-Kakataibo Biblia

¹⁵ Kuankin ka aín ꞌumpax ñu xakánu buánkë a këñutankëxun a xëati bëtsi ꞌumpax ꞌaíma ꞌain, ni menuaxbia pëñanakëti kanikë a tëmú aín tuá tsóankëxa,

Nukën 'Ibu Diosan ain unikama 'inan ain bana

¹⁵ Kuankin ka aín 'umpax ñu xakánu buánkë a këñutankëxun a xëati bëtsi 'umpax 'aíma 'ain, ni menuaxbia pëñanakëti kanikë a tëmú aín tuá tsóankëxa,

Génesis 21:15 ပူးပေါင်းရင်းမြစ်များ

Génesis 21:14

Usokin konkë a pëkarakëma ꞌaínshi ka Abrahamnën an ñu ꞌaxunkë xanu Agar aín xubunuax kuantanun xukin pán ꞌimainun aín piti ꞌinánan achúshi ñu xaká burasa okin ꞌakë ami aín ꞌumpax ꞌinánkëxa; ꞌinánkin ka aín kaxunu kañumiakëxa, usakin ꞌinántankëxun ka aín bëchikë Ismael kuantanun kixun aín titakëñun xuakëxa. Xukëx ka uimi kara kuanti ꞌikë kixun ꞌunánimabi anu uni ꞌikëma me aukikiani kuantankëx Beerseba au kuankëxa.

Génesis 21:16

tsónbiani ka uri tsóti ax kuankëxa, ꞌën tuá kana ñuia istima ꞌai kixun sinánbiani. ꞌUri kuantankëx anu tsóbukinshi ka aín tuá munuma kuënkëni inia kuakëxa.

1 Reyes 17:12

Kixun kakëxun ka xanuxun Elías kakëxa: —Asérabi kana paránkinma ami sinánun min Diosanbi kuamainun mi kain, ꞌëx kana pán xuikë achúshirabi nankëñuma ꞌain. ꞌAínbi kana mëkën achúshi harinara ꞌën chumunu xëni chamarakëñun anu ꞌaruti anu ꞌaruxun nan, usa ꞌain kana bërí karu chamara anu ꞌën tuanan ꞌimainun ꞌën piti xui kuanxun bian. Usa ꞌain kananuna a chamara pitankëx a piti ꞌaíma ꞌain numin bamati ꞌain.

Salmos 63:1

¡ꞌËn ꞌIbu Dios, mix kamina ꞌën Dios ꞌain! Usa ꞌikë kana mi ꞌaisabi tankin kuëënkin barin: ꞌën kana shimaxun ꞌumpax barikë usaribi okin mi barin; usa ꞌain ka anu ꞌumpax ꞌikëma me ëskikë usa ꞌën nán ꞌikën.

Isaías 44:12

Axa manën tëkë unin kara uisakin ꞌaia kananuna isti ꞌain: an ka anuxun xana okë tsi ënxaira anua bitankëxun manë xëtokë sincel anun uisa ñu kara ꞌaisatania, usakin martillonan chakakin mënioia. Usakin ka ain pëñan kushiokin anun tëkin ꞌaia. ꞌAínbi ka an manën tëëkë uni ax pima ꞌianan, ꞌumpaxbi xëaima ꞌianan aín kushi nëtë́ti atsania.

Jeremías 14:3

Usai ꞌimainun ka ñuñuira unikaman an ñu mëmikë unikama ꞌumpax bitánun xutia; xukëx kuanxunbi ka atun anua ꞌumpax biti ꞌakë kini anua ꞌumpaxñuma okin, anun ꞌumpax biti ꞌakë na buankankë a ñankáishi buani ritëkënkiani; ꞌumpaxbitsi kuanxi ꞌumpaxñuma obiani kuani, chupan rabinkësa ꞌaish mamápukukankëxa.