Génesis 21:14 - Kashibo-Kakataibo Biblia

¹⁴ Usokin konkë a pëkarakëma ꞌaínshi ka Abrahamnën an ñu ꞌaxunkë xanu Agar aín xubunuax kuantanun xukin pán ꞌimainun aín piti ꞌinánan achúshi ñu xaká burasa okin ꞌakë ami aín ꞌumpax ꞌinánkëxa; ꞌinánkin ka aín kaxunu kañumiakëxa, usakin ꞌinántankëxun ka aín bëchikë Ismael kuantanun kixun aín titakëñun xuakëxa. Xukëx ka uimi kara kuanti ꞌikë kixun ꞌunánimabi anu uni ꞌikëma me aukikiani kuantankëx Beerseba au kuankëxa.

Nukën 'Ibu Diosan ain unikama 'inan ain bana

¹⁴ Usokin konkë a pëkarakëma 'aínshi ka Abrahamnën an ñu 'axunkë xanu Agar aín xubunuax kuantanun xukin pán 'imainun aín piti 'inánan achúshi ñu xaká burasa okin 'akë ami aín 'umpax 'inánkëxa; 'inánkin ka aín kaxunu kañumiakëxa, usakin 'inántankëxun ka aín bëchikë Ismael kuantanun kixun aín titakëñun xuakëxa. Xukëx ka uimi kara kuanti 'ikë kixun 'unánimabi anu uni 'ikëma me aukikiani kuantankëx Beerseba au kuankëxa.

Génesis 21:14 ပူးပေါင်းရင်းမြစ်များ

Génesis 16:7

Abákë ka Nukën ꞌIbun ángel achúshinën anu uni ꞌikëma menuxun mërakëxa, ax ka aín rëbumi kakin anëkë me anu kuanti bai rapasu ꞌumpax upíira ꞌikë anu ꞌiakëxa,

Génesis 19:27

Usai ꞌiónxa pëkarakëma ꞌaínshi ka Abraham anuaxa Nukën ꞌIbubë banonkë anubi kuantëankëxa;

Génesis 21:13

ꞌImainun ka an ñu ꞌaxunkë xanu aín tuá, aribi ñuikin ësokin kakëxa: ꞌËn kana aín rëbúnkinëxa achúshi ëma chaiira ꞌinun ꞌimiti ꞌain ax ka min bëchikëbi ꞌikë usa ꞌain.

Génesis 21:15

Kuankin ka aín ꞌumpax ñu xakánu buánkë a këñutankëxun a xëati bëtsi ꞌumpax ꞌaíma ꞌain, ni menuaxbia pëñanakëti kanikë a tëmú aín tuá tsóankëxa,

Génesis 21:31

Usokin anuxun a rabë́xunbi ꞌakë kupín ka Beerseba kakin anëakëxa, anuax ka sinanati ꞌitëkëntima oi mëniónankëxa.

Génesis 21:33

Usa ꞌain, ka Abrahamnën Beerseba kakë me anu achúshi i tamarisco ꞌapákëxa, anuxun ka unin Nukën ꞌIbun Diosan anë rabiakëxa, axa bamatima oí tsókë a.

Génesis 22:19

Usokin ꞌabëtsini ka Abraham anua an ñu mëëmikë uni ëbiankë anubi utëkëankëxa. Utankëx ka akamaxbi biranankiani Beerseba kakë me anu kuantëkëankëxa, anu ka Abraham aín aintsi ꞌimainun an ñu mëëxunkë unikamabë tsóti bërúakëxa.

Génesis 22:3

Usakian koónkëxun, ka pëkarakëma ꞌaínshi, nirukin Abrahamnën aín asno kaxu mëníotankëxun; anu karu tëapaxun nëakë, puruakëxa anun ñuina xaroti usakin ꞌabiani ka Nukën ꞌIbu Diosan anu kuanun kakë anu, aín bëchikë Isaac ꞌimainun an ñu mëëmikë uni rabë́ buani kuankëxa.

Génesis 24:54

Usakin na buánkë ñukama a pain ꞌinántankëxun ka pitia nanxunkë a pitankëxun xëakëxa, abëa kuankë a uni kamabëtan usakin ꞌai ka a imë́ anu ꞌiakëxa: —Usai anu ꞌuxnë́ti pëkarakëbë nirukin, ka a unin kakëxa: Kana kuantëkënti ꞌain, anua an ꞌë ñu mëëmikë uni ꞌikë aín xubunu.

Génesis 25:6

Usakin ꞌanan ka bëtsi xanumia ꞌakë, aín bëchikëkama Abrahamnën aín ñu ꞌitsamashi ꞌinánkëxa, usokin ꞌinántankëxun ka ñukëmapain ꞌixun aín bëchikë raíri amanu kuantanun kixun xuakëxa, xuanan ka Isaac axëshia anua ꞌikë me anu ꞌinun kixun kakëxa.

Génesis 26:31

Usai ꞌiónx pëkarakëma ꞌaínshi nirui ka sinanatëkëntima oi atúxbi kánani kiakëxa. Usai kanantankëxun ka Isaacnën bërúanx kamina kuanti ꞌain kixun amiribishi atubë isanantëkëxuma kakëxa, kakin ka upíokin aín ꞌunánkë uni ꞌakësokin kuantanun xuakëxa.

Génesis 26:33

Usakian mërakë ka Isaacnën anua ꞌumpax ꞌikë kini a Sebá kakin anëakëxa. Usa ꞌain ka a ëma Beerseba kakin anëkë ꞌiakëxa.

Génesis 28:18

Usai ꞌiónx pëkarakëma ꞌaínshi nirukin ka Jacobnën, anu tëkëpimëti noonkë maxáx bikin ꞌunánti okin nitsíankëxa, usakin ꞌatankëxun ka ënëx ka Nukën ꞌIbu Diosnan ꞌiti ꞌikë kixun sinánkin xëni bitankëxun ami anpënkakëxa.

Génesis 37:15

bëbax kuaníbi ka me pampaira ꞌain amami kiakëxa. Amami kikë mërakin ka achúshi unin ñukákëxa: —¿Añu bari kaina uan?

Génesis 46:1

Usai ꞌitankëx ka Jacob kamabi aín ñu ꞌimainun aín ñuina ꞌarakakëkama buani bain kuankëxa. Kuani Beerseba kakë menu bëbaxun ka ñuina rëtankëxun usakin ꞌati sinánxun aín papa Isaacnën Dios xaroxuankëxa.

1 Reyes 19:3

Usakian kamikëxun a bana kuati ꞌitsaira rakuë́ti ka Elías ënu kana ꞌitima ꞌai kixun sinani aín uni achúshibë Beerseba kakë ëma Judá menua ꞌikë anu abati kuankëxa, kuanx anu bëbaxun ka abëa kuankë aín uni anu ëankëxa.

Salmos 107:4

Nun xutakamax ka me ꞌunánxma bënuax ꞌikësai anu uni ꞌikëma masiñu me anun nikinbi, anun ëma achúshi anu tsónux kuanti bai mëraimabi niakëxa;

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Juan 8:35

Ca ësa ꞌicën. An uni ñu mëëxuncë unix ca an ñu mëëmicë unin xubunubi ꞌima. An uni ñu mëëmicë unin bëchicënëx cuni ca aín papan xubunubi ꞌia.

Josué 3:1

Usakian kónkëx ka pëkarakëma ꞌaínshi, Josué ꞌimainun israel unibu Sitim kakë anu paia bukukë anuax kuantankëx Jordán kakë baka anu bëbakankëxa; bëbatankëx ka sikarakënux anu pain ꞌikankëxa.

1 Samuel 15:12

Usai ꞌinëti ka Samuel pëkarakëma ꞌaínshi nirukiani Saúl bari kuankëxa, kuaniabi ka abë mëranankëmabi kakankëxa, Saúl ka Carmel kakë menu kuanxun anu achúshi mapara chaxkë́ a iskin ami unin sinántisa kixun nitsintankëx, ami achúshi oi kuainakëkiani Guilgal kakë ëmanu kuanxa kixun ñuixuankëxa.