Génesis 20:17 - Kashibo-Kakataibo Biblia

¹⁷ Usokian kakëxun ka Abrahamnën Nukën ꞌIbu Dios ñukáxuankëxa, ñukáxunkëxun ka Nukën ꞌIbu Diosan Abimélec aín xanukëñunbi pëxkuakëxa. Usokin ꞌanan ka an ñu ꞌaxunkë xanukamaribi tuánun ꞌimiakëxa,

Nukën 'Ibu Diosan ain unikama 'inan ain bana

¹⁷ Usokian kakëxun ka Abrahamnën Nukën 'Ibu Dios ñukáxuankëxa, ñukáxunkëxun ka Nukën 'Ibu Diosan Abimélec aín xanukëñunbi pëxkuakëxa. Usokin 'anan ka an ñu 'axunkë xanukamaribi tuánun 'imiakëxa,

Génesis 20:17 ပူးပေါင်းရင်းမြစ်များ

Génesis 12:17

ꞌAínbi ka Sarai kupí, Nukën ꞌIbun faraón ꞌatimokin tëmëramiakëxa aín aintsikama këñunbi ꞌanan kamabi unikamaribi ꞌinsínmiakëxa.

Génesis 20:7

ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Génesis 29:31

Usa ꞌaínbi ka Nukën ꞌIbun isakëxa Jacobnën Lía kuëëniama, usa ꞌain ka tuapanun ꞌimianan, Raquelnëx tuáñuma ꞌinun ꞌimiakëxa.

Esdras 6:10

ꞌinánkëxun ka ax kuëëntisabi okin akama Dios xaroxunkin ꞌë ñukáxuanan ꞌën bakë chikëkamaribi Dios ñukáxunti ꞌikën.

Job 42:8

Usa ꞌain kamina bërí ꞌëx mitsumi nishkë a nëtë́tanun, mapai achúshi ꞌimainun rabë́ vaca bërí kanikë këñun mapai achúshi ꞌimainun rabë́ carnero bibiani uinu kara ꞌën uni Job ꞌia anu a buani kuanti ꞌain, anuxun kamina a ñuinakama rëxun ꞌaímai këñutanun xaroti ꞌain. Usakin ꞌakëbëtan ka ꞌën uni Jobnën mitsu ꞌë ñukáxunti ꞌikën, ñukákëxun kana an ꞌë kakësabiokin, mitsu uisabi otima ꞌain, mitsun kamina asérabi ꞌë ñui upiti banaiman, ꞌën uni Job ax kikësai.

Proverbios 15:8

Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Isaías 45:11

Ësai ka aín Israel unikama ꞌIbu Dios upíira an unio ax kia: “¿Mitsun kaina uisai kara ꞌën bakë bëchikëkama ꞌinuxun ꞌaia ꞌë ñuixuanan, uisakin karana ꞌën ñu ꞌati ꞌai kixun ꞌë ꞌunánmiti ꞌain?

Números 21:7

Usokëbë anua ꞌikë anu kuanxun ka Israel unibunën Moisés kakëxa: —¡Nukamax kananuna Nukën ꞌIbu ñui ꞌatimati bananan mi ñuiribi ꞌatimati banai ꞌuchan! ¡Usa ꞌain kamina Nukën ꞌIbu ënua runu nëtëminun kati ꞌain! Kakëxun ka Moisésnën atun ꞌuchakama tërënxunun Nukën ꞌIbu ñukáxuankëxa,

Mateo 21:22

Mitsun —asérabi ca Nucën Papa Diosan ꞌën cacëxun ꞌë ꞌaxunti ꞌicë —quixun sinania ca an mitsúnmi ñucácësabi oquin mitsu ꞌaxúnti ꞌicën.

Mateo 7:7

Camina ꞌunánti ꞌain, ui unin cara Nucën Papa Dios ñucáquin caia a uni ca Nucën Papa Diosan ꞌinania. Ësa ca: Bari bariquin ca unin ñu mëraia. ꞌImainun ca unin bëtsi unían xëcuë taxcaia cuaquin a xubunu ꞌicë unin xëocaxunia. Usaribi oquinmi mitsun ñucáquin cacëxun ca mitsun bana cuaquin Nucën Papa Diosan mitsux cuëëncë ñu mitsu ꞌaxunti ꞌicën.

Hechos 3:24

Moisésnëan usaquin cuënëosabi oquin ca Samuelnën pan ꞌacëbëtan an Nucën Papa Dios quicë bana uni ñuixuncë uni raírinënribi, Cristo uti nëtë ñuiquin unicama ñuixuancëxa.

Filipenses 4:6

Usa ꞌain camina uisa ñu cara ꞌicëbëbi bënë́tima ꞌain. Bënë́quinma camina abë banaquin Nucën Papa Dios a ñucama ñuiquin cati ꞌain. An mitsu ꞌaquinun ñucáquin camina ami catamëquin —asábi ca —quixun rabiquin cati ꞌain.

1 Tesalonicenses 5:25

Nucën xucë́antu, camina nu sinánquin Nucën Papa Dios nu ñucáxunti ꞌain.

Santiago 5:16

Usa ꞌain camina mitsúnmi min ꞌatimaquin sináncë a ñuixuananquin abëmi Jesucristomi catamëcë uni raíribë mia usa ñucama mëníoxunun Nucën Papa Dios ñucáxuananti ꞌain. Upíira oquin sinánquin ñucácë cupí ca Nucën Papa Diosan upí oquin uni ꞌaquinti ꞌicën.