Génesis 19:25 - Kashibo-Kakataibo Biblia

²⁵ usakin ꞌakin ka Nukën ꞌIbu Diosan ëmanu tsókë unikama, ꞌimainun kamabi a menu kókë xubi ñu ꞌapákë ëma ꞌurama ꞌikë akamabi këñuakëxa.

Nukën 'Ibu Diosan ain unikama 'inan ain bana

²⁵ usakin 'akin ka Nukën 'Ibu Diosan ëmanu tsókë unikama, 'imainun kamabi a menu kókë xubi ñu 'apákë ëma 'urama 'ikë akamabi këñuakëxa.

Génesis 19:25 ပူးပေါင်းရင်းမြစ်များ

Génesis 13:10

Usakian Abramnën kakëxun ka Lotnën me upí anu ꞌiisa Jordán kakë baka ꞌurama anua ꞌumpax ꞌitsaira ꞌikë a isakëxa, iskin ka Sóar ꞌurama ꞌikë ëma chukúma aribi isakëxa, usa ꞌain ka a menu ꞌitsaira ꞌumpax ꞌimainun naësa me chaiira ꞌikë isakëxa. Ax ka Egipto me iskësa ꞌiakëxa. (Ënëx ka Nukën ꞌIbun Sodoma ꞌimainun Gomorra ëma këñutisama pain ꞌain ꞌiakëxa.)

Génesis 13:12

Usa ꞌain ka Abram axa Canaán kakë me anubi bërúmainun, Lot ax me sapan amia ꞌikë ëmakama Sodoma ꞌimainun Gomorra a ꞌurama tsóti kuankëxa,

Génesis 14:3

Ënë mapai achúshi ꞌapukaman ka aín suntárukama Sidim kakë me sapan anu timë́akëxa, anu ka parúmpapa bamakë kakë ax ꞌiakëxa.

Salmos 107:34

ꞌimianan ka mekama aribi anu ñu ꞌapátisama ꞌitánun; anu ꞌikë unikamaxa ñu ꞌatima ꞌai ꞌuchakë kupín ꞌimia;

Jeremías 20:16

¡A unix ka ëmakama Diosan xënibua ꞌaínbi usabi rakátanun këñuasaribi ꞌiti ꞌikën! ¡An ka pëkarakëma ꞌaínshi uni rakuë́ti ꞌakánanti ꞌain kuënkënkë a kuanan, bari xamarukëbëtan anun bënëtishi mëníokati ñu banókë kuati ꞌikën,

Jeremías 23:14

ꞌËn kana Jerusalénnu ꞌikë an ꞌën bana uni ñuixunkë unikama ꞌatima ñu an ꞌë ꞌaisama ꞌimikë ñuira ꞌaia isan: usakin ka atun aín xanuma bëtsi xanu aín nami ꞌanan, bëtsi unikama këmëkin paránia, usakin ꞌakin ka uni ꞌatima sinánñukama, a uínbia ꞌain ñu ꞌatima ꞌakë ënxuma ꞌanun kixun sinánmia. Usa ꞌain ka atu ꞌimainun a ëmanu tsókë unikamax Sodoma ꞌimainun Gomorranu ꞌikë uni tsóasaribi ꞌën iskëx ꞌikën.

Amós 4:11

“ꞌAnan kana atu ꞌatimaira okin achúshi ñun Sodoma ꞌimainun Gomorra ꞌasaribiokin ꞌakën; ax ka tsi ënxaira anua aín ëxku ënxaira bikësa ꞌiakëxa, ¡usa ꞌaínbi kamina mitsux ꞌëmi sinanatëkëinsama tankankën!” Usai ka Dios kiaxa.

2 Pedro 2:6

Usonan ca Nucën Papa Diosan ëma rabë́, Sodoma ꞌimainun Gomorra cacë, ꞌimainun anu ꞌicë unicamaribi atun ñu ꞌaisama ꞌacë cupí aín chimapuishi ꞌitánun nëancëxa. A bana cuatía an ñu ꞌatima ꞌacë unicama ñu ꞌatima ꞌatimi racuë́ti oquin ca Nucën Papa Diosan usoquin Sodoma ꞌimainun Gomorra ꞌacëxa.