Génesis 19:24 - Kashibo-Kakataibo Biblia

²⁴ usaía ëmanu bëbakëbëtanshi ka Nukën ꞌIbu tsi ꞌimainun azufre naínua ꞌibúmikin Sodoma ꞌimainun Gomorra kakë ëma a këñuakëxa;

Nukën 'Ibu Diosan ain unikama 'inan ain bana

²⁴ usaía ëmanu bëbakëbëtanshi ka Nukën 'Ibu tsi 'imainun azufre naínua 'ibúmikin Sodoma 'imainun Gomorra kakë ëma a këñuakëxa;

Génesis 19:24 ပူးပေါင်းရင်းမြစ်များ

Génesis 13:10

Usakian Abramnën kakëxun ka Lotnën me upí anu ꞌiisa Jordán kakë baka ꞌurama anua ꞌumpax ꞌitsaira ꞌikë a isakëxa, iskin ka Sóar ꞌurama ꞌikë ëma chukúma aribi isakëxa, usa ꞌain ka a menu ꞌitsaira ꞌumpax ꞌimainun naësa me chaiira ꞌikë isakëxa. Ax ka Egipto me iskësa ꞌiakëxa. (Ënëx ka Nukën ꞌIbun Sodoma ꞌimainun Gomorra ëma këñutisama pain ꞌain ꞌiakëxa.)

Génesis 13:12

Usa ꞌain ka Abram axa Canaán kakë me anubi bërúmainun, Lot ax me sapan amia ꞌikë ëmakama Sodoma ꞌimainun Gomorra a ꞌurama tsóti kuankëxa,

Génesis 18:17

Usa ꞌain ka Nukën ꞌIbun sinánkëxa: “Kana Abraham kati ꞌain añu karana ꞌai kuani kixun,

Génesis 19:23

Kuankëbë pë́karakëbëa bari urukëbë ka Lot ꞌimainun aín bëchikë xanu akamabë bëbakëxa Sóar kakë ëma chukúmara anu,

Job 1:16

Ësokin kakian sënë́onkë ꞌaímabi axribi ukin ka an ñu mëëxunkë uni itsínribi anu bëbakin Job kakëxa: —Kaná anubi ꞌibúti kushiira banakin ka an ñuina bërúankë unikama ꞌimainun ovejakama këñukin rëtëaxa. Usokin atu ꞌakëbë kana ꞌëxëshi mi kai unux abán.

Éxodo 9:23

Kakëxun ka Moisésnën, manámi mëshpakin aín tsatin naími sanankëxa usakin ꞌakëbëshi ka Nukën ꞌIbun ꞌimikëx kanákamë ꞌëo mëríru mërirui sharakirukëbëishi ka matsin tita bëruñu menu pakëakëxa. Pakënun ꞌimikëbë ka kamabi Egipto menu matsintita ꞌibúakëxa,

Isaías 1:9

Nukën ꞌIbu Dios ax kamabi kushiñu ꞌixun ka nun chaitiokëkama ië́miama ꞌain sapi kananuna, nukamax bëríbi Sodoma ꞌimainun Gomorra ꞌiásai ꞌaíma ꞌitánun këñúkë ꞌitsían.

Jeremías 20:16

¡A unix ka ëmakama Diosan xënibua ꞌaínbi usabi rakátanun këñuasaribi ꞌiti ꞌikën! ¡An ka pëkarakëma ꞌaínshi uni rakuë́ti ꞌakánanti ꞌain kuënkënkë a kuanan, bari xamarukëbëtan anun bënëtishi mëníokati ñu banókë kuati ꞌikën,

Jeremías 23:14

ꞌËn kana Jerusalénnu ꞌikë an ꞌën bana uni ñuixunkë unikama ꞌatima ñu an ꞌë ꞌaisama ꞌimikë ñuira ꞌaia isan: usakin ka atun aín xanuma bëtsi xanu aín nami ꞌanan, bëtsi unikama këmëkin paránia, usakin ꞌakin ka uni ꞌatima sinánñukama, a uínbia ꞌain ñu ꞌatima ꞌakë ënxuma ꞌanun kixun sinánmia. Usa ꞌain ka atu ꞌimainun a ëmanu tsókë unikamax Sodoma ꞌimainun Gomorranu ꞌikë uni tsóasaribi ꞌën iskëx ꞌikën.

Oseas 11:8

“¿Uisa ꞌixun karana ꞌën Efraín ënti ꞌain? ¿Uisa ꞌaish karana ꞌëx Israel unikamami manuti ꞌain? ¿Admá kakë ëma ꞌásaribiokin karana mi masókin ꞌati ꞌain, ꞌanan karana mi Seboím ꞌasaribiokin ꞌati ꞌain? ¡ꞌËn mitsumi ꞌitsaira sinánkë an ka ꞌitsaira mitsu nuibanun ꞌë ꞌimia!

Amós 4:11

“ꞌAnan kana atu ꞌatimaira okin achúshi ñun Sodoma ꞌimainun Gomorra ꞌasaribiokin ꞌakën; ax ka tsi ënxaira anua aín ëxku ënxaira bikësa ꞌiakëxa, ¡usa ꞌaínbi kamina mitsux ꞌëmi sinanatëkëinsama tankankën!” Usai ka Dios kiaxa.

Lucas 10:12

ꞌËn cana mitsu cain, Sodoma ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca a ëmanu ꞌicë unicama an mitsu bicëma cupí ꞌiti ꞌicën.

2 Pedro 2:6

Usonan ca Nucën Papa Diosan ëma rabë́, Sodoma ꞌimainun Gomorra cacë, ꞌimainun anu ꞌicë unicamaribi atun ñu ꞌaisama ꞌacë cupí aín chimapuishi ꞌitánun nëancëxa. A bana cuatía an ñu ꞌatima ꞌacë unicama ñu ꞌatima ꞌatimi racuë́ti oquin ca Nucën Papa Diosan usoquin Sodoma ꞌimainun Gomorra ꞌacëxa.

Judas 1:7

A ángelcamaxa abë ꞌiisama tanan Nucën Papa Dios cuëëncësabi oi ꞌiisama tani ꞌiásaribiti ca Sodoma ꞌimainun Gomorra ꞌimainun a ꞌurama ꞌicë ëmacamanu ꞌicë unicamaxribi ꞌiacëxa. Nucën Papa Diosan ca aín xanubëishia ꞌiti uni ꞌanan xanuribi aín bënëbëishia ꞌiti uniocëxa. Usa ꞌaínbi ca a ëmacamanu ꞌicë unicama aín xanuma ꞌaínbi bëtsi xanubë ꞌimainun xanúxribi aín bënëma ꞌaínbi bëtsi unibë ꞌimainun uníxribi xanúxmabi bëtsi unibë ꞌi, ꞌaisamairai ꞌuchacëxa. Usaía ꞌicë ca Nucën Papa Diosan aín ꞌucha cupíbi, manë tsin nëancëxa, xënibua ꞌaínbi ainanma ꞌinun. Usaía ꞌiá a sinani cananuna nuxribi usai ꞌitin rabanan bërúancati ꞌain.

Apocalipsis 14:10

a unicama ca Nucën Papa Diosan ꞌaisamairai ami nishquin castícanti ꞌicën. Acaman ca anuaxa manë tsi ꞌimainun azufre rëquirucë, anuxun ꞌaisamaira oquin paë tanti ꞌicën. Nucën Papa Diosan ángelcama ꞌimainun Carnero ꞌicësaribitia unin ꞌucha cupí bama, acaman ca atúxa usai ꞌia isti ꞌicën.