Génesis 19:13 - Kashibo-Kakataibo Biblia

¹³ kixun katankëxun ka ángel rabëtan Lot ësokinribi kakëxa. Nun kananuna ënë ëma añu kara anu axa akama këñunbi këñui uan, usakin ꞌanun ka nu Nukën ꞌIbun xuaxa ꞌaisamaira unix ka uisa kupín kara ënë ëma Nukën ꞌIbun ñu ꞌatima ꞌaia iskinbi këñuima kiax kia, usa ꞌain kananuna nun bërí ënë ëma këñuin.

Nukën 'Ibu Diosan ain unikama 'inan ain bana

¹³ kixun katankëxun ka ángel rabëtan Lot ësokinribi kakëxa. Nun kananuna ënë ëma añu kara anu axa akama këñunbi këñui uan, usakin 'anun ka nu Nukën 'Ibun xuaxa 'aisamaira unix ka uisa kupín kara ënë ëma Nukën 'Ibun ñu 'atima 'aia iskinbi këñuima kiax kia, usa 'ain kananuna nun bërí ënë ëma këñuin.

Génesis 19:13 ပူးပေါင်းရင်းမြစ်များ

Génesis 13:13

anuxun ka kamabi unin ꞌatima ꞌixun ꞌaisamairai Nukën ꞌIbumi ꞌuchakin bëtsi bëtsi ñu akëxa.

Génesis 18:20

Ësakin ka Nukën ꞌIbun kakëxa: —Ësai ka Sodoma ꞌimainun Gomorra ëmanu ꞌikë unikama ñui uni kia, atux ꞌatima ñuira ꞌai ꞌuchakë, ax ka ꞌucha chaiira ꞌikën,

Génesis 19:12

Usokin ꞌatankëxun ka a isia kuankë uni rabë́ an Lot kakëxa: —¿Min aintsi ꞌibukama kara ënë ëmanu ꞌaíma ꞌik? Kamina biti ꞌain min bëchikë bëbu, ꞌimainun xanu min piaka min bëchikë an binuxun katakë uni akama kamina ënë ëmanua chikínbiankin ꞌura buánti ꞌain,

Hechos 12:23

Usaía quicancëbëbi ca Herodes: ꞌËx cana diosma ꞌain, ꞌë rabixunma ca Diosëshi rabican —quiama ꞌicën. Usa ꞌain ca unicaman a rabicëbëtan, Nucën ꞌIbu Diosan bënë́nquinshi xucëxuan, aín ángelnën ꞌimicëx Herodes ꞌinsíancëxa. ꞌInsíanx ca xënan picëx bamacëxa.

Deuteronomio 4:26

ꞌën kana bërí mitsu naíkamë ꞌëo ꞌimainun men unin kuakësa ꞌitanua kuamainun kain, ꞌaínbi kamina mitsux ꞌën kakë bana kikësabiokin ꞌaíma anumi tsókankë me Jordán kakë baka ꞌukëmanan ꞌitsama baritia tsókanti ꞌain. Anuax ka ꞌitsama baritiashi tsótankëx raírinëx ñuti ꞌikën.

Santiago 5:4

An mitsu naënuxun ñu mëëxuncë uni camina cupíocëma ꞌain. Cupíocëma ꞌaish ca mitsu ñui banaia. Usaquian mitsu ñuia ca ángelcaman ꞌapu, Nucën ꞌIbu Dios, an cuaxa.

Judas 1:7

A ángelcamaxa abë ꞌiisama tanan Nucën Papa Dios cuëëncësabi oi ꞌiisama tani ꞌiásaribiti ca Sodoma ꞌimainun Gomorra ꞌimainun a ꞌurama ꞌicë ëmacamanu ꞌicë unicamaxribi ꞌiacëxa. Nucën Papa Diosan ca aín xanubëishia ꞌiti uni ꞌanan xanuribi aín bënëbëishia ꞌiti uniocëxa. Usa ꞌaínbi ca a ëmacamanu ꞌicë unicama aín xanuma ꞌaínbi bëtsi xanubë ꞌimainun xanúxribi aín bënëma ꞌaínbi bëtsi unibë ꞌimainun uníxribi xanúxmabi bëtsi unibë ꞌi, ꞌaisamairai ꞌuchacëxa. Usaía ꞌicë ca Nucën Papa Diosan aín ꞌucha cupíbi, manë tsin nëancëxa, xënibua ꞌaínbi ainanma ꞌinun. Usaía ꞌiá a sinani cananuna nuxribi usai ꞌitin rabanan bërúancati ꞌain.