Génesis 18:19 - Kashibo-Kakataibo Biblia

¹⁹ ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Nukën 'Ibu Diosan ain unikama 'inan ain bana

¹⁹ 'Ën kana mi kaísan usa 'ain kamina min bëchikëkama 'inánan, min rëbúnkikama mi 'unánmikë bana upíokin kuakin 'unánkin uinu 'ikëx kara 'aisa 'imainun upí 'ikë a 'ati 'ikën, usakin 'akëbëtan kana 'ën usakin 'axunuxun kakë usakinbi 'axúnti 'ain.”

Génesis 18:19 ပူးပေါင်းရင်းမြစ်များ

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

Génesis 12:3

Uin kara mi upíokin ꞌakinia aribi kana ꞌën upíokin sinánxunti ꞌain, ꞌimainun kana uin kara mi ꞌatima oia aribi ꞌënribi ꞌatima oti ꞌain; mi kupí kana kamabi menu ꞌikë unikama upíokin sinánxunti ꞌain.

Génesis 17:9

Katankëxun ka ësokinribi, Nukën ꞌIbu Diosan Abraham kakëxa: —ꞌAínbi kamina min, achúshi ñu ꞌën mibëtan ꞌakë ax kikësabiokin ꞌati ꞌain, ꞌimainun ka kamabi min rëbúnki kamanribi ax kikësaibi ꞌiti ꞌikën.

Génesis 22:18

usa ꞌain ka kamabi menu ꞌikë unikama atu kupin upíokin sinánxunkë ꞌiti ꞌikën, min kamina ꞌën kakësabiokin ꞌan usa ꞌain.

Génesis 35:2

Ësakian kakëxun ka Jacobnën aín aintsikama kanan an ñu mëëxunkë unikama ꞌimainun an ñu ꞌaxunkë xanukamaribi kakëxa: —Kamina mitsun bëtsi dioskama ami rabikëkama a ꞌë bëxunkanti ꞌain, bëanan kamina nashitankëxun mitsun chupa upíbu pañuti ꞌain.

2 Samuel 22:22

ꞌën kana añu ꞌanun kara ꞌë kaia ashi ꞌaxunkin aín bana kuakëmasa ꞌixun ñu ꞌatima ꞌakin aín bana kikësama okin ꞌaxunkinma kana ¡uínsaranbi ꞌën Diosan bana ënkëma ꞌain!

2 Samuel 7:20

¿ꞌËn ꞌIbu Dios min uni ꞌixun karana uisa banaribi mi kati ꞌain?

Nehemías 9:7

Usa ꞌain ka anu ꞌikë ꞌispakamanribi mi rabia, Dios min kamina min uni ꞌiminuxun Abraham kaisakën usa ꞌixun kamina Ur kakë caldeokaman, ëma anua chikíntankëxun Abraham kakin minbi anëakën.

Job 1:5

Usakin ꞌakian anun timë́xun piti nëtë inuti sënëni sënë́nkëbëtan ka Jobnën aín bakë bëchikë bëbukama kuënxun, uinuxun kara ꞌati ꞌikë anu kuëënxun pë́karakëma ꞌaínshi nirutankëxun ñuina xarokin aín bëchikë achúshi achúshinëxa aín ꞌucha mëníokanun ꞌaxuankëxa. Ësokin ka Jobnën ꞌakëxa, ꞌën bëchikë bëbukamax sapika, ꞌatimakin Diosmi sinani ꞌuchaxa kixun sinánkin ꞌakëxa.

Salmos 1:6

Diosan ka an ñu upíshi ꞌakë unikama atun tsóti bërúaia, ꞌaínbi ka an ꞌatima ñu ꞌakë unikamax ꞌaisama ñu ꞌai anunbi ꞌatimatia.

Salmos 34:15

Nukën ꞌIbun ka aín bana ꞌakë unikama bërúaia, usa ꞌixun ka an ñukákëxun kuakin ꞌakinia.

Proverbios 22:6

Min bakë bëchikë kamina xuratsu ꞌikëishi uisai kara tsóti ꞌikë kixun ꞌunánmiti ꞌain, usokin ꞌunánmikëxun ka kaniakëkinbi sinánkin min ꞌunánmia bana a manutima ꞌikën.

Amós 3:2

“ꞌËn kana kamabi menu ꞌikë unikama ꞌakima mitsuishi kaisakën. Usa ꞌikë kana uisa ñu ꞌatimakama kaina ꞌakan usakinbi a kupín mitsu tëmëramiti ꞌain.”

Mateo 25:17

Usaribi oquin ca an ꞌitsatani, rabë́ mil curíqui bicë uni an bëtsi rabë́ mil curíquiribi biaxa.

Juan 10:14

ꞌËx cana ainra carnero upí oquin bërúancë a ꞌain. ꞌËn Papan ca ꞌë ꞌunánxa, ꞌënribi cana a ꞌunan. Usaribi oquin cana ꞌën carnerocamaribi ꞌën ꞌunanin, atúnribi ca ꞌë ꞌunania. Usa ꞌaish cana ꞌëx bamatsianxmabi anun rabanan bamati ꞌain.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Hechos 27:31

Usoquian a unicaman ꞌaia oquin ca Pablonën Capitán Juliocëñun aín suntárucama cacëxa: —Ënë unicama manë nuntinu bërúcëbëma camina mitsux bacamiquiti ꞌain.

Efesios 6:4

Bëchicëñu unicama, mitsuribi cana cain, min bëchicë camina nishmitima ꞌain. Min bana parë́quinma min cacësabi oquin ꞌanun camina canioti ꞌain. Usoquin canioquin camina a ñuixunquin Nucën ꞌIbu Jesucristo cuëëncësabi oquian ꞌanun ꞌunánmiti ꞌain.

Deuteronomio 32:46

Usai kantai sënë́nxun ka Israel unikama kakëxa: Bërí kamina ꞌën mitsu kakë banakama upíokin sinánkin mitsun bakë bëchikëkama ꞌunánmikin ñuixunti ꞌain, atúnribia a tanti banakama kikësaibi ꞌiti ꞌunánun.

1 Timoteo 3:12

An axa Jesucristomi catamëcë unicama ꞌaquincë unix ca achúshi xanuñuishi ꞌiti ꞌicën. Aín bëchicë ꞌimainun aín xubunu ꞌicë aín aintsicama upí ꞌinun bërúanti ca ꞌunánti ꞌicën.

2 Timoteo 1:5

ꞌImainun cana mixmi asérabi Jesucristomi sinania ꞌën mi iscë a manuiman. Min chichi, Loida, ꞌimainun min tita, Eunice, axa ꞌicësaribiti camina mix asérabi Jesucristomi sináncë ꞌai quixun cana ꞌunanin.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.

2 Timoteo 3:15

Chamará ꞌixunbi ꞌá ꞌixun camina Nucën Papa Diosan bana ꞌunanin. A banacama ꞌunánquin camina uisai caramina ꞌiti ꞌai quixun ꞌunánan, uisari caramina Jesucristomi catamëti Nucën Papa Diosnan ꞌinux ië́ti ꞌai quixun ꞌunánti ꞌain.

Josué 24:15

Usa ꞌain kamina mitsun Nukën ꞌIbu rabitisama tani, bëríbi uisa dios kaina mitsun rabitisatani kiax kiti ꞌain: Kaina mitsun chaitiokëkaman Éufrates kakë baka kuëbí pain tsókë ꞌixun rabia dios, a rabiti ꞌain ꞌakima karamina anumi bërí tsókë amorreo unibunën me anu ꞌikë dios akama rabiti ꞌai kiax kamina kiti ꞌain. ꞌAínbi kana ꞌën, xanu ꞌën bakë bëchikëkamabëbi Nukën ꞌIbu kuëënkësa oíshi ꞌiti ꞌain.

Jueces 13:12

Ësokin kakëxun ka Manoanën kakëxa: Minmi nu kakë usaibi ꞌikëbëtan, ¿karana uisokin a tuá kanioti ꞌain? ¿uisa karanuna a tuá oti ꞌain?