Génesis 17:20 - Kashibo-Kakataibo Biblia

²⁰ Ësokin katankëxun ka aín bëchikë Ismael ñuikinribi ësakin kakëxa, ꞌën kana min bana kuan, usa ꞌain kana upíokin sinánxunuxun ꞌain; ꞌimainun kana ꞌaisamaira aín bëchikë ꞌinun ꞌimiti ꞌain usa ꞌain ka aín rëbúnkinëx ꞌuakamë ꞌëoti ꞌikën. ꞌImainun ka Ismael ax mapai rabë́ ꞌimainun rabë́ ꞌapukaman kushiira aín papa ꞌiti ꞌikën, ꞌimainun kana an achúshi ëma chaiira cha ꞌanun ꞌamiti ꞌain.

Nukën 'Ibu Diosan ain unikama 'inan ain bana

²⁰ Ësokin katankëxun ka aín bëchikë Ismael ñuikinribi ësakin kakëxa, 'ën kana min bana kuan, usa 'ain kana upíokin sinánxunuxun 'ain; 'imainun kana 'aisamaira aín bëchikë 'inun 'imiti 'ain usa 'ain ka aín rëbúnkinëx 'uakamë 'ëoti 'ikën. 'Imainun ka Ismael ax mapai rabë́ 'imainun rabë́ 'apukaman kushiira aín papa 'iti 'ikën, 'imainun kana an achúshi ëma chaiira cha 'anun 'amiti 'ain.

Génesis 17:20 ပူးပေါင်းရင်းမြစ်များ

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

Génesis 21:13

ꞌImainun ka an ñu ꞌaxunkë xanu aín tuá, aribi ñuikin ësokin kakëxa: ꞌËn kana aín rëbúnkinëxa achúshi ëma chaiira ꞌinun ꞌimiti ꞌain ax ka min bëchikëbi ꞌikë usa ꞌain.

Génesis 21:18

Bënëtishi nirukiani, kuanxun kamina min tuá barikin bitankëxun aín mëkënan mëinti ꞌain, ꞌën kana aín rëbúnkinëxa achúshi ëma chaiira ꞌinun ꞌiminuxun ꞌain.

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Salmos 107:38

Usakin ꞌaia ka Diosanbi bakë bëchipatia kaínu ꞌimianan atun ꞌarakakë ñuinakamaribi ꞌaisamaira kaínun ꞌimiakëxa.