Génesis 17:17 - Kashibo-Kakataibo Biblia

¹⁷ Usakian Nukën ꞌIbu Diosan kakëx ka Abraham rantipuruni memi bëtiki tsóbuti, ësokin sinani kuaiakëxa: ¿Achúshi unin kara cien baritiañu ꞌixun bëchiti ꞌik? ¿ꞌImainun kara Saran noventa baritiañu ꞌixun achúshi tuá ꞌati ꞌik? Ësakin ka Abrahamnën sinánkëxa.

Nukën 'Ibu Diosan ain unikama 'inan ain bana

¹⁷ Usakian Nukën 'Ibu Diosan kakëx ka Abraham rantipuruni memi bëtiki tsóbuti, ësokin sinani kuaiakëxa: ¿Achúshi unin kara cien baritiañu 'ixun bëchiti 'ik? ¿'Imainun kara Saran noventa baritiañu 'ixun achúshi tuá 'ati 'ik? Ësakin ka Abrahamnën sinánkëxa.

Génesis 17:17 ပူးပေါင်းရင်းမြစ်များ

Génesis 17:18

Usakin sinánkin ka Nukën ꞌIbu Dios kakëxa: —¡Usa ꞌain sapi ka, Ismaelnën rëbúnkikama atux upitax tsóti ꞌikën!

Génesis 17:3

Usakian Nukën ꞌIbu Diosan kakëx ka Abram rantin puruni aín bëmánanën me tikai tsóbuakëxa usai ꞌiaka kakëxa:

Génesis 18:11

Usa ꞌaínbi ka Abraham ax uni apan kaniakëkë ꞌimainun ka aín xanu Sara axribi xanu apan kaniakëkë ꞌiakëxa usa ꞌaish ka Sara bërámabi aín pëi machakë sënë́nkë ꞌiakëxa.

Génesis 18:12

Usa ꞌain ka Saran a ñuia kia kuati aín kuaikë a tënëibi kuëpunchinibi kuëmumëkin tënëakëxa: ¿Uisax karana ꞌëx usai ꞌiti ꞌain? ꞌën bënë ꞌimainun ꞌëx kana bërí kaniakëkë apan ꞌain.

Génesis 21:5

A nëtë kaman Abraham cien baritiañu ꞌain ka aín bëchikë Isaac bakë́ankëxa.

Génesis 21:6

Usai ꞌitankëxun ka Saran sinánkëxa: Nukën ꞌIbu Diosan ka ꞌë kuëënmikin kuaimiaxa, usa ꞌain ka kamabi unin ꞌunánti ꞌikën, ꞌëx kana achúshi tuáñu ꞌai kixun ꞌunáni ka kuëëni ꞌëbë kuaiti ꞌikën.

Génesis 21:7

¿Uin kara Abraham ꞌën kana achúshi tuá ꞌaxúnti ꞌai kixun kakë ꞌitsíanx? Usa ꞌaínbi kana ꞌën achúshi tuá ꞌaxuan axa uni apan ꞌikëbi.

Job 1:20

Usakian kakëx ka Job anua ꞌikë anuax ratuti ꞌitsaira a bana kuati anun paëi niruakëxa, niruxun ka aín tari nitë́xëkin tukakëxa, usokin ꞌanan ka ain bu tëai maxkutankëx Dios rabia ꞌikësabi masá nuituti memi bëtiki ꞌiakëxa.

Ezequiel 1:28

ꞌuí ꞌibúnuxa nëtë kuínu nón bai mërakë usaribi ꞌiaxa, usa ꞌain kana ꞌën Dios ax ka kushiira ꞌikë kixun isan. Usa ꞌikë isi kana ꞌëx rantinpuruni memi bëtiki ꞌian.

Números 14:5

Ësai atux kia kuati ka Moisés ꞌimainun Aarón rantinpuruni atubë kuëbikanantisama tani aín bëmánanën me tikai anua Israel unibu timë́kë atun ismainunbi ꞌiakëxa,

Mateo 2:11

Cuanx a manámia ꞌispa niracëcë xubu anu atsínxun ca anua a tuá Jesús aín tita Maríabë ꞌicë mëracëxa. Mërai rantin puruni tsóbuquin ca Jesús rabiacëxa. Rabiquin ca atun bunánti bacáxun anua buáncë curi ꞌimainun tsëpasa ñu ꞌaíshbi nëëncëx sanuira a ꞌimainun i baca sanuira acama ꞌináncëxa.

Lucas 1:18

Angelnën cacëxun ca Zacaríasnën cacëxa: —ꞌËx cana xëniira ꞌain, ꞌën xanuribi ca xëniira ꞌicën. ¿Usa ꞌain carana uisaxun ꞌunánti ꞌain, min ꞌë cacësabi oi ca asérabi ꞌiti ꞌicë quixun?

Juan 8:56

Mitsun rara Abrahamnëx ca ꞌëx aia isti sinani cuëëancëxa. Usai ca ꞌëx aia isi cuëëinra cuëëancëxa.

Deuteronomio 9:18

Usokin ꞌatankëx kana Nukën ꞌIbu ismainunbi menu rantipuruni ꞌëx bëráma ꞌikësaibi ꞌiakën, ꞌi kana cuarenta nëtë ꞌimainun cuarenta imë́ añubi pima ꞌianan xëaima ꞌiakën, mitsux ñu ꞌatima ꞌai ꞌuchakin Nukën ꞌIbu nishmikë kupí kana usai ꞌiakën.

Deuteronomio 9:25

ꞌËn mitsu ñuixunkë usokian Nukën ꞌIbun mitsu këñutisa tankëbë kana, ꞌëx rabuxunën menu rantipuruni tsóbutankëx cuarenta nëtë ꞌimainun cuarenta imë́ ꞌiakën,

Josué 5:14

—ꞌËx kana axa mimi nishkë uni a ꞌianan axa mibë ꞌikë uni ama ꞌain —kixun ka axa ami mërakë uni an kakëxa—. ꞌËx kana Nukën ꞌIbun suntárukama aín ꞌapu ꞌain. Ësakian uni an kakëxun ka Josuénën rantinpuruni aín bëmánanën me tikai tsóbukin ñukákëxa: —¿Añu ꞌaxúnumi ꞌë kanun kara Diosan mi xuax?

Apocalipsis 11:16

Usai banacëbë ca caniacëcë unicama mëcën rabë́ ꞌimainun taë rabë́ ꞌimainun rabë́ ꞌimainun rabë́, axa anu Nucën Papa Dios ꞌicë, a bëmánon tsócë, acaman rantin puruni racábuti meu bësuquin Nucën Papa Dios rabiaxa.

Apocalipsis 5:8

Bicëbë ca ꞌitsa bëruñu rabë́ ꞌimainun rabë́ ñu, axribia bamatimoi tsócë, acama ꞌimainun mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicamaribi, Carnero ꞌicësaribitia unin ꞌucha cupí bama ami bësucë ꞌaish a rabi rantin purúanxa. A caniacëcë unicaman ca arpa cacë ñu a ꞌai cuëëni cantati, a ꞌimainun curi ꞌacë manë xanpa anua sanutanun nëënti tsëpasa ñu ꞌicë, acama tuíanxa. A xanpanuax cuin tëxë́quianxa ꞌirucë, ax ca aín unicaman Nucën Papa Dios rabianan ñucácë banacama a ꞌiaxa.

Jueces 13:20

ꞌaxunkëbëa tsi rëkirui rëarukësa a nëbë́tsia anun Nukën ꞌIbun ángel naínu kuania ka Manoa ꞌimainun ain xanun isakëxa. Usai ꞌia isi ka rabëtaxbi aín bëmánanën me tikai tsóbuakëxa.