Génesis 17:16 - Kashibo-Kakataibo Biblia

¹⁶ ꞌËn kana upíokin sinánxunin, usa ꞌain kana achúshi tuá mi ꞌaxúnun ꞌimiti ꞌain. ꞌËn upíokin sinánxunkëx ka kamabi menu ꞌikë unikama aín rëbúnki ꞌiti ꞌikën. ꞌImainun ka aín rëbúnkinëx kamabi menu ꞌikë unikaman ꞌapu ꞌinuxun ꞌaia, kixun ka Nukën ꞌIbu Diosan kakëxa.

Nukën 'Ibu Diosan ain unikama 'inan ain bana

¹⁶ 'Ën kana upíokin sinánxunin, usa 'ain kana achúshi tuá mi 'axúnun 'imiti 'ain. 'Ën upíokin sinánxunkëx ka kamabi menu 'ikë unikama aín rëbúnki 'iti 'ikën. 'Imainun ka aín rëbúnkinëx kamabi menu 'ikë unikaman 'apu 'inuxun 'aia, kixun ka Nukën 'Ibu Diosan kakëxa.

Génesis 17:16 ပူးပေါင်းရင်းမြစ်များ

Génesis 1:28

Uniotankëxun ka upíokin sinánxunkin kakëxa: Bakë bëchipati kamina mekama tsitsirui ꞌuákamë ꞌëoti ꞌain; baka mëu ꞌikë ñuinakama ꞌimainun manan nuánkë pëchiñu ñuinakama, ꞌimainun axa men niríkë ñuinakama aín ꞌibu kamina ꞌiti ꞌain.

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

Génesis 15:4

Ësokin kakëxun ka Nukën ꞌIbun kakëxa: —Ësakin min bëchikënënbi ka mix ñukëbëtan min ñukamabi biti ꞌikën, bëtsi unin ka min ñu bitima ꞌikën.

Génesis 17:15

Usakin katankëxun ka Nukën ꞌIbu Diosan ësokinribi Abraham kakëxa: —Bërí ka min xanu ax Sarai kakin anëkë ꞌitima ꞌikën. Aín anë ka bërí Sara kakin anëkë ꞌiti ꞌikën.

Génesis 17:19

Kakëxun ka Nukën ꞌIbu Diosan kakëxa: —ꞌËn mi kakë ax ka ësakin mi kakë ꞌiaxa min xanu Sara ax ka achúshi bëbu tuá bakënti ꞌikën, bakënia kamina min a tuá Isaac kakin anëti ꞌain. Abëtan kana ꞌën achúshi ñu asérabi ꞌati ꞌain, ax ka xënibua ꞌaínbia sinánun aín rëbúnki kamabëtan ꞌakë ꞌiti ꞌikën.

Génesis 17:6

ꞌËn kana min rëbúnkinëxa ꞌaisamaira ꞌinun ꞌiminuxun ꞌain; min rëbúnki raírinëx ka ꞌapu bëtsi bëtsi ëmanu ꞌinuxun ꞌaia.

Génesis 21:1

Usa ꞌain ka ax kikësabi oia ꞌinun Sara Nukën ꞌIbun bërúankëxa, usokëx ka ax kikësabi oi ꞌiakëxa,

Génesis 24:60

Usai kuania ka Rebeca upíokin sinánxunkin ësokin kakëxa: “Nukaman chirabakë, ¡min rëbúnkinëx ka ꞌaisamaira tupuntisama ꞌiti ꞌikën! ¡usa ꞌixun ka min rëbúnki kaman axa ami nishkë unikama abámikin ꞌatankëxun atun ëmakama biti ꞌikën!”

Génesis 25:23

usakian ñukákëxun an kakëxa: “Min pukumëu ka tuá rabë́ ꞌikën, ax ka rabë́ ëma ꞌiti ꞌikën, usa ꞌaish bakënkëma ꞌaíshbi ubionania. Achúshinëx ka kushiira ꞌaish bëtsisama ꞌiti ꞌikën, aín apan ax ka aín ꞌanáka meu ꞌiti ꞌikën, usa ꞌain ka ꞌanáka ax kushiira ꞌinuxun ꞌaia.”

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Génesis 36:31

Ënë unikamax ka Edom kakë me anu ꞌapu ꞌiakëxa, israel unikamaxa atun ꞌapuñu ꞌisama pain ꞌain.

Isaías 49:23

ꞌApukaman ka kanioti atu biti ꞌikën, ꞌimainun ꞌapun xubunu ꞌikë xanu upíbu akamaxribi ka an tuá xukama bërúankë ꞌiti ꞌikën. Usakin ꞌai ka mitsu bëtánain ñanati ꞌikë ax mitsun kakësabi oi kananuna ꞌiti ꞌai kixun sinania ꞌikë ꞌiti ꞌikën. Usai ꞌikin ka ꞌëx kana Nukën ꞌIbu ꞌai kixun ꞌunánan, uix kara ꞌëmi katamëtia ax ka uínbi paránkëma ꞌiti ꞌikë kiax kiakëxa.”

Romanos 9:9

Ënëx ca Nucën Papa Diosan, Isaac bëchitisama pain ꞌicë, Abraham cá bana a ꞌicën: “Achúshi baritia ꞌicëbëa Sara tuáñu ꞌain cana minu utëcënin”.

Gálatas 4:23

An Abrahamnën xanu ñu mëëxuncë xanun tuacëx ca camabi tuásaribi ꞌaish unin bëchicëishi ꞌiacëxa. Usa ꞌaínbi ca bëtsix Abrahamnën xanu, Sara, ax tuacëma ꞌaíshbi Nucën Papa Diosan Abraham cásabi oi tutancëx bacë́ancëxa.

1 Pedro 3:6

Usaribi oquin ca Saran aín bënë Abraham cuëëncësabi oquin ꞌanan aín bënë ꞌicëbi —ꞌën ꞌibu —cacëxa. Mitsúxribi ñu upíshi ꞌanan, Nucën Papa Diosmi catamëti, uisa ñu cara ꞌicëbëbi racuë́cëma ꞌaish camina Sara ꞌiásaribi ꞌiti ꞌain.