Génesis 17:10 - Kashibo-Kakataibo Biblia

¹⁰ Ënëx ka mitsubëtan ꞌën ꞌakë achúshi ñu ꞌikën, usa ꞌain ka min rëbúnki kamanribi ꞌëx kikësokinbi ꞌati ꞌikën: usa ꞌain ka kamabi unikama mitsubë ꞌikë atux aín nëtokë ñu rëbu tëai ꞌunantiorakakë ꞌiti ꞌikën.

Nukën 'Ibu Diosan ain unikama 'inan ain bana

¹⁰ Ënëx ka mitsubëtan 'ën 'akë achúshi ñu 'ikën, usa 'ain ka min rëbúnki kamanribi 'ëx kikësokinbi 'ati 'ikën: usa 'ain ka kamabi unikama mitsubë 'ikë atux aín nëtokë ñu rëbu tëai 'unantiorakakë 'iti 'ikën.

Génesis 17:10 ပူးပေါင်းရင်းမြစ်များ

Génesis 17:11

ꞌUnántiorakakin kamina aín nëtokë ñu rëbu aín maxaka ꞌikë a tëati ꞌain, ënëx ka ꞌën mibëtan ꞌakë achúshi ñu a ꞌunánti ꞌikën, ësokin ꞌakin kamina ꞌunánti ꞌain nun kananuna achúshi ñu ꞌa kixun.

Génesis 17:23

Usai Nukën ꞌIbu Dios abë banatankëx sënë́nkiani kuankë ꞌain ka a nëtënbi Abrahamnën aín bëchikë Ismael, aín nëtokë ñu maxaka tëakin ꞌunántiokëxa, ꞌanan ka kamabi unikama an ñu mëëxunkë aín xubunuaxa bakënkë akama ꞌimainun aín kuríkinënbia marukë. Unikama aribi unántiokin aín nëtokë ñu rëbu tëaxuankëxa. Usakin ꞌakin ka kamabi uni abëa ꞌikë atun xubunu ꞌixuan an ñu mëëxunkë akamaribi aín nëtokë ñu maxaka tëaxunkin ꞌunántiokëxa, Nukën ꞌIbu Diosan usakin ꞌanun kakësabiokin ka ꞌakëxa.

Génesis 17:27

usai ꞌikin ka Abrahamnën kamabi unikama abë ꞌikë ꞌimainun aín xubunuxua an ñu mëëxunkë unikama a këñun aín xubunuaxa bakënkë ꞌimainun bëtsi menua aín kuríkinënbia marukë akamabi ꞌakëxa.

Génesis 21:4

ꞌimainun ka Abrahamnën aín bëchikë bakënkë mapai achúshi ꞌimainun rabë́ ꞌimainun achúshi nëtë ꞌikëbëtan aín nëtokë ñu maxaka tëakëxa, Nukën ꞌIbu Diosan usokin ꞌanun kakësabiokin.

Génesis 34:15

Usa ꞌain ka asábi ꞌiti ꞌikën. ꞌAínbi kananuna achúshi ñu mitsu kain, kamabi nukëbënë unikaman ka nun ꞌakësaribi okin mitsunribi min nëtokë ñu rëbu aín maxaka tëakë ꞌiti ꞌain.

Génesis 34:22

Usai ꞌi kananuna achúshi ëmaishi ꞌai atubë tsóti ꞌain, ꞌaínbi ka nun achúshi ñu ꞌati kuëënia, atux ka nun aintsi bëbu kamanribi atun ꞌakësaribi okin aín nëtokë ñun maxaka tëati kuëënia.

Éxodo 4:25

Usa ꞌain ka Séforanën achúshi maxá xëtokë bikin anun aín tuákën nëtokë ñu maxaka tëakëxa; tëakinshi ka aín tuákën nëtokë ñu maxaka tëakë anun aín taënu tatikakin Moisés kakëxa: Mix kamina asérabi ꞌën bënë ꞌain, usa ꞌikë kana bamati ꞌikëbi mi ië́mia.

Juan 7:22

Moisésnën ca —judíos unicamax ca chamaratsu ꞌicëishi judío ꞌicë ꞌunántiocë ꞌiti ꞌicë —quixun cuënëocëxa. Cuënëoíbi ca ax pain usai ca uni ꞌiti icë quiax quiáma ꞌicën, aín rarax pain ca usai ca uni ꞌiti ꞌicë quiax quiacëxa. Anun aín bëchicë bacënxancë ꞌunántioti nëtë axa anun ñu mëëtima nëtë ꞌaínbi ca a nëtën unin aín bëchicë ꞌunántioia.

Hechos 7:8

Usaquin caxun ca Nucën Papa Diosan Abraham ësaquinribi cacëxa: “Mi ꞌimainun min rëbúnquicamaribi ꞌënan ꞌicë ꞌunánti oquin camina min bëbu tuácama aín inshú maxacara tëati ꞌain”. Usa ꞌain ca Nucën Papa Diosan cacësabi oquin Abrahamnën Isaac bëchitancëxun achúshi semana aín bacë́ncë nëtë ꞌicëbëtan ꞌunántiocëxa. Usaribi oquin ca Isaacnënribishi Jacob bëchitancëxun ꞌunántiocëxa. Usa ꞌixun ca Jacobnënribi mëcën rabë́ ꞌimainun rabë́ oquin bëchitancëxun a camabi ꞌunántiocëxa. Jacobnën bëchicë mëcën rabë́ ꞌimainun rabë́ acamax ca nucën raracama ꞌiacëxa.

Romanos 2:28

ꞌUnántioracacë cupíshima ca uni judío uni ꞌicën. ꞌImainun ca ꞌunántioracacë uni, ax ꞌunántioracacëishima asérabi Nucën Papa Diosmi catamëcë ꞌiti ꞌicën.

Romanos 3:25

Ami catamëtía, uni aín ꞌuchacama tërë́ncë ꞌinun ca camabi unin ꞌucha cupía Cristo bamanun Nucën Papa Diosan mëníocëxa. An Jesucristo bamati mënío ꞌixun ca bëráma ꞌiá uniribi, axa sinanatia Nucën Papa Diosan aín ꞌuchacama ashiquin manumiacëxa. Usaquin an ꞌá cupí ca camabi unin ꞌunánti ꞌicën, Nucën Papa Diosan ca asérabi upíira upí ꞌixun an usai ca ꞌiti ꞌicë quixun mëníosabi oquin ꞌaia quixun.

Romanos 3:28

Cananuna ꞌunanin, aín ñu upí ꞌacë cupíma, Jesucristomi sinani ami catamëcë cupíshi ca uni Nucën Papa Diosan aín ꞌuchacama tërë́nquin an iscëx upí ꞌinun ꞌimia quixun.

Romanos 3:30

Nucën Papa Dios ax ca achúshi ꞌicën. An ca judíos unicama ꞌacësaribi oquin judíosma uniribi Jesucristomi catamëcë cupíshi, an iscëx aín nuitu upí ꞌinun ꞌimia.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Gálatas 6:12

An —camina ꞌunántioracacë ꞌiti ꞌai —quixun caquin mitsu ꞌunánmicë unicaman ca judíos unicama cuëënmiti cupíshi usaquin ꞌunánmia. I curúsocënua ax bama, Cristo, ami catamëtishi ca uni ië́ti ꞌicë quicë, a bana cupí bëtsi bëtsi ocë ꞌitin rabanan ca —mitsux camina ꞌunántioracacë ꞌiti ꞌai —quia.

Efesios 2:11

Usa ꞌain camina manútima ꞌain, mitsux judíos unima, uni itsi ꞌaish camina axa ꞌunántioracacë judíos unicaman —a unibunëx ca ꞌunántioracacëma ꞌicë —quixun ñuicë ꞌiacën.

Deuteronomio 10:16

Usa ꞌain kamina achúshi ñu ꞌakë kikë bana manukin mitsun nuitu iruakinma sinánti ꞌain,

Deuteronomio 30:6

Usa ꞌain ka Diosan mitsun nuitu mëníokin sinánmianan mitsun bakë bëchikëkamaribi ꞌati ꞌikën, an ka aín bana ꞌunámianan uisakin karamina mitsun a asérabi nuibati ꞌai kixun ꞌunánmiti ꞌikën usa ꞌain ka a aín nuitubëtanbi sinánkin a menu atux upitax ꞌitsa bari ꞌimi tsóti ꞌikën.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Josué 5:2

Bëtsi nëtën ka anuxun Nukën ꞌIbun Josué kakëxa, ꞌitsamashi maxá kuënukin ꞌatankëxun kamina anun amiribishi israel unibukama aín nëtokë ñu maxaka tëakin ꞌunánti opabuinti ꞌain.

Josué 5:4

Usakin ka aín nëtokë ñu rëbu maxaka tëakankëxa, kamabi ax suntáru ꞌiisa nukëbënë unikama ax Egipto menuax ai anu uni ꞌikëma me anuax këñuti maëi në́a ꞌain.