Génesis 16:14 - Kashibo-Kakataibo Biblia

¹⁴ Usa ꞌain ka anua ꞌumpax upíira ꞌikë kini ax ësokin anëkë ꞌikën: ꞌUmpax upíira ñutima oi tsókë an ꞌë iskë ainan ka a ꞌumpax ꞌikën. Ax ka Cadés ꞌimainun Béred kakë ëma an nëbëtsi okin bëarakë ꞌiakëxa.

Nukën 'Ibu Diosan ain unikama 'inan ain bana

¹⁴ Usa 'ain ka anua 'umpax upíira 'ikë kini ax ësokin anëkë 'ikën: 'Umpax upíira ñutima oi tsókë an 'ë iskë ainan ka a 'umpax 'ikën. Ax ka Cadés 'imainun Béred kakë ëma an nëbëtsi okin bëarakë 'iakëxa.

Génesis 16:14 ပူးပေါင်းရင်းမြစ်များ

Génesis 14:7

Usokin ꞌatankëx baitsin amirbishi utëkënkin ka Quedorlaómer ꞌimainun aín suntárukama, ꞌimainun abëa kuankë ꞌapu raíri akamabë En-Mispat, ꞌikëbia Cadés kakë anu bëbakëxa, bëbakiani kuankin ka añu kara bainua mëraia abi ꞌatimonan këñuakëxa, usokin ꞌanan ka kuankinshi anu ꞌikë amalecita aribi ꞌakëxa, ꞌanan ka amorreokamaribi raíri ëmakama ꞌakësaribi okin ꞌabiani kuankëxa, ax ka Hasesón-tamar me ꞌikë anu ꞌiakëxa.

Génesis 16:15

Usakian ángelnën kakëx ka Agar amiribishi an ñu mëëmikë xanu Sarai anu kuantëankëxa, kuantankëx ka anuax Agar aín rëkuë́n tuá bakë́ankëxa, bakënkë ka Abramnën aín bëchikë Ismael kakin anëakëxa.

Génesis 21:19

Ësokin katankëxun ka Nukën ꞌIbu Diosan Agar achúshi ꞌumpax upíira ꞌaish nëmin ꞌinánkëxa usakian ꞌinánkëxun ka ñuina xaká burasa ꞌakë, ami ubakakin bitankëxun aín tuá Ismael xëamiakëxa.

Génesis 21:31

Usokin anuxun a rabë́xunbi ꞌakë kupín ka Beerseba kakin anëakëxa, anuax ka sinanati ꞌitëkëntima oi mëniónankëxa.

Génesis 24:62

Usai atux kuanmainun ka Isaac axribi a nëtën anua ꞌumpax ꞌikë anuax kuankëxa, ax ka ꞌiakëxa axa tsókë ꞌimainun an ꞌë iskë kakin anëkë kini anu ꞌiakëxa, ax ka Négueb kakë me anu tsókë ꞌiakëxa.

Génesis 25:11

Usaia Abraham ñua ꞌain ka Nukën ꞌIbu Diosan Isaac upíokin sinánxuankëxa, usa okían ꞌakëx ka anua ꞌumpax ꞌikë a rapasubi tsóti bërúakëxa. “Ax ka ꞌiakëxa, axa tsókë ꞌimainun an ꞌë iskë kakin anëkë anu.”

Números 13:26

Cadés kakë anu uni ꞌikëma me Parán anubi rikuatsiankëxa. Anu ka Moisés, Aarón ꞌimainun kamabi israel unibu ꞌiakëxa. Anu bëbatankëxun ka uisa kara a mekama ꞌiaxa a ꞌimainun an buánkë bimi akama ismianan a menu ꞌikë unibu isbiankë akamabi Moiséskëñun israel unibu ñuixuankëxa.