Génesis 15:18 - Kashibo-Kakataibo Biblia

¹⁸ Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Nukën 'Ibu Diosan ain unikama 'inan ain bana

¹⁸ Usa 'ain ka a nëtënbi Nukën 'Ibun Abrambëtan achúshi ñu 'akin kakëxa: —Ënë mekama kana min rëbúnkikama 'inánti 'ain, Egipto bakamiaxa ukë me anuax 'imainun baka chaiira Éufrates kakë anu sënë́nbi kana 'inánti 'ain.

Génesis 15:18 ပူးပေါင်းရင်းမြစ်များ

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 13:15

ꞌën kana kamabi me min iskë ënëkama mi ꞌinánti ꞌain, ax ka minan ꞌianan xënibua ꞌaínbi min rëbúnki kamanan ꞌiti ꞌikën.

Génesis 2:14

Bëtsi baka ka Tigris kakin anëkëribi ꞌiakëxa, ax ka Asiria amiaxa bari urukë ami kikiani kuankëxa. ꞌImainun ka Bëtsi bakaribi ax Éufrate kakë ꞌiakëxa.

Génesis 24:7

Nukën ꞌIbu Dios, naínu ꞌikë an ka ꞌën aintsikaman menua chikinbëtsinkin bëxun ꞌë ꞌimainun ꞌën rëbúnkikama ënë me ꞌinan, an ka aín ángel abë kuantankëxumi achúshi xanu ꞌën bëchikë bixunun mi ꞌakinti ꞌikën.

Génesis 26:4

ꞌAnan kana ꞌën min rëbúnkikamaribi naínua ꞌaisamaira ꞌispa iskësa usaribi ꞌitánun ꞌimiti ꞌain, ꞌimainun kana ënë me kamabi mi ꞌinánti ꞌain. ꞌInánan kana kamabi menu ꞌikë unikamaribi upíokin sinánxunti ꞌain, min rëbúnki kamasaribi ꞌinun,

Génesis 28:4

ꞌImianan ka mi ꞌinánan, min rëbúnkikamaribi upíokin sinánxunkin Abraham kásabiokin, ënë me ꞌibuanun anu nu bërí bëtsi menu ꞌikë uni ꞌikësai tsókë ënë mi ꞌinánti ꞌikën, Nukën ꞌIbu Diosan Abraham ꞌinánuxun kásabiokin.

Génesis 35:12

ꞌËn kana kamabi me ënë min xuta Abraham ꞌimainun min papa Isaac ꞌinánkën, usa ꞌain kana mi ꞌinántankëxun min rëbúnki kamaribi ꞌinánti ꞌain.

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

2 Samuel 23:5

Usa ꞌain ka ꞌën rëbúnkikamax Diosanbi bërúankë unibu ꞌiti ꞌikën, an ka ëbëtan achúshi ñu sinántëkëntima okin ꞌakëxa, anbi ka usokin ꞌati sinánkëxa usa ꞌixun ka an kikësokinbi ꞌati ꞌikën. ꞌAkin ka axa ꞌëmi nishkë unikamabë ꞌakanankin ꞌën ꞌanun ꞌë ꞌamiti ꞌikën, ꞌamianan ka kamabi ꞌën ꞌaisatankë ñukamaribi ꞌanun ꞌë ꞌamiti ꞌikën.

1 Reyes 5:1

Usa ꞌain ka Tiro ëmanu ꞌikë ꞌapu Hiram an bërámabi Salomónnën papa David a ꞌunánkë ꞌiakëxa. Usa ꞌixun ka Salomón ka Israel unikaman aín papa ꞌasaribiokin atun ꞌapu ꞌinun ꞌimiaxa kixun ñuikania kuakëxa, kuaxun ka aín unikama anu kuanxua Israel unikaman bërí anëkë ꞌapu istánun kixun xuakëxa.

Nehemías 9:8

Min iskëx ka ax achúshi uni mimira sinani katamëkë ꞌiakëxa, usa ꞌixun kamina abëtan achúshi ñu ꞌakinmi min rëbúnkikama kana anua cananeos unibu ꞌimainun hititas, amorreos, ferezeos, jebuseos ꞌimainun gergeseos; ¡a unikaman me ꞌinánuxun ꞌai kixunmi kásabiokin ꞌakën, min kamina asérabi mix kikësabiokin ñu ꞌain!

Salmos 105:11

usa ꞌain ka ësai kiakëxa: ꞌËn kana Canaán kakë me bëtsinanpan ꞌiá ꞌaísha ainan ꞌitánun ꞌinánti ꞌai kiakëxa.

Éxodo 2:24

Usai atux kia kuakin ka Diosan achúshi ñua Abraham, Isaac ꞌimainun Jacob akamabëtan ꞌa a sinánkin ꞌakiankëxa.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Éxodo 32:13

Min uni ꞌiakama Abraham, Isaac ꞌimainun Jacob akama kaimi kia bana akamina sinánti ꞌain, ꞌën kana min rëbúnkinëxa naínu ꞌikë ꞌispa tupuribi ꞌitánun, ꞌuákamë ꞌëomikin ꞌën mi ñuixunkë mekama min rëbúnki ꞌinánti ꞌain kixun kamina atu kakën.

Éxodo 34:11

ꞌËn kakësokinmi bërí mitsun ꞌakëbëtan kana mitsun ismainunbi anumi tsóti kuankanti me anu ꞌikë unikama kuantanun chikínti ꞌain, ax ka amorreos, cananeos, hititas, ferezeos, heveos ꞌimainun jebuseos unikama a ꞌikën.

Éxodo 34:24

ꞌËn kana mitsun ismainunbi anumi kuankanti menu ꞌikë bëtsi unikama chikínti ꞌain, chikínxun kana a me mitsunan ꞌinun ꞌinánti ꞌain. Usa ꞌain ka uinu ꞌikë unínbi mitsun me bikatsi ꞌitima ꞌikën, anuxun kamina achúshi baritia ꞌikëtibi ꞌë rabë́ ꞌimainun achúshi okin rabiti ꞌain.

Éxodo 6:4

Usa ꞌixun kana këñutima okin achúshi ñu atu ꞌaxuan, ꞌakin kana Canaán kakë me a ꞌinánuxun atu kakën, ax ka anu paian bëtsi menu ꞌikë unikama ꞌikësai ꞌitsama baritia anu tsóa a ꞌiakëxa.

Éxodo 6:8

Usa ꞌain kana a me ꞌinánuxun ꞌën Abraham, Isaac ꞌimainun Jacob akama ká me mitsunanbi ꞌinun ꞌinánti ꞌain. ꞌËx kana mitsun ꞌIbu ꞌain.

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Hechos 7:5

Usaía ucëbi ca ainanbia ꞌinun me Nucën Papa Diosan ꞌinánma ꞌicën, anua aín taën amátiratsubi. ꞌInánquinmabi ca sinanatëcënuxunma ësaquin Abraham cacëxa: “Ënë mecama cana mi ꞌimainun min rëbúnquicamaribi ꞌinánti ꞌain”. Bëchicëñuma pain ꞌicë ca Nucën Papa Diosan usaquin Abraham cacëxa.

Deuteronomio 12:20

Uínsaran kara Diosan anumi mitsux ꞌikankë me a cha ꞌinun ax kiásabiokin ꞌinántëkënia anuxun kamina uínsaran kaina, nami písa tani anun mitsun kuëënkësa okin nami piti ꞌain.

Deuteronomio 34:4

Ismikin ka Nukën ꞌIbun ësokin kakëxa: Ënë mekama ñuikin kana ꞌën min chaitiokë Abraham, Isaac ꞌimainun Jacob akama kakën, a me kama kana min rëbúnki ꞌinánuxun ꞌain kixun. Usa ꞌain kana anu bëbanuxumabi min bërúnbi isti ꞌën kuëëan.

Deuteronomio 7:1

Nukën ꞌIbu Dios an ka a ꞌinánkatsia kia me anu mitsux bëbai kuankëbëtan, mapai achúshi ꞌimainun rabë́ ëmakama mitsubëtan sënë́nma kushiirabu a mitsun ismainunbi chikínti ꞌikën: Ax ka hititas, gergeseos, amorreos, cananeos, ferezeos, heveos ꞌimainun jebuseos, akama ꞌikën.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

Apocalipsis 9:14

Banaquin an bërí manë banañu banocë ángel a caía, ësai quia cana cuan: —Camina Eufrates cacë baca rapasunuxuan nëacë rabë́ ꞌimainun rabë́ ángel a tubuxun ënti ꞌain.