Génesis 15:15 - Kashibo-Kakataibo Biblia

¹⁵ Mix kamina ꞌitsa baritia tsóti kuëënnuxun ꞌain, usai ꞌitankëx kamina xënira ꞌaish ñuti ꞌain, ñutankëx kamina min rara kamabë timë́ti kuanti ꞌain.

Nukën 'Ibu Diosan ain unikama 'inan ain bana

¹⁵ Mix kamina 'itsa baritia tsóti kuëënnuxun 'ain, usai 'itankëx kamina xënira 'aish ñuti 'ain, ñutankëx kamina min rara kamabë timë́ti kuanti 'ain.

Génesis 15:15 ပူးပေါင်းရင်းမြစ်များ

Génesis 23:19

Usokin marutankëxun ka Abrahamnën aín xanu Sara ñukë a Macpelá menu ꞌikë kini anu maíankëxa, au bari urukë Mamré kakë me anu, aín anë itsi ka Hebrón ꞌikëbia, Canaán kakë me anubi ꞌiakëxa.

Génesis 23:4

—Banakin ka ësokin kakëxa, ꞌëx kana bëtsi menu ꞌikë uni ꞌaíshbi mitsunu tsókë uni ꞌain, usa ꞌikëbi kamina anu uni ñuia maínti ꞌakë achúshi anu ꞌën xanu mëníonun ꞌë maruti ꞌain.

Génesis 35:29

Usa ꞌaish ka Isaac uni ꞌikësabi kaniakëti xënira ꞌaish ñuakëxa, ñukiani ka aín chaitiokëkama ñua ꞌaísh anu bukukë abë ꞌi kuankëxa.

Génesis 47:30

Usa ꞌain kamina ꞌën aintsikama ꞌiásaribiti ñuia kamina Egipto me ënu maínti sinánkima anua ꞌën chaitikama maínkë anuribi uanxun maínti ꞌai kixun ka kakëxa. Kakëxun ka Josénën —Asabika min sinánkësa okin kana ꞌati ꞌain —kixun kakëxa.

Génesis 49:29

Achúshi nëtën ka Jacobnën aín bakë bëchikëkama ësokin kakëxa: “Ënuax ꞌitsama nëtë ꞌikëbë kana ñuti ꞌain. Usa ꞌain kamina ꞌë ñuia ënu mainkima anua ꞌën chaitiokëkama maían kini anubi ꞌë maínti ꞌain, ax ka Efrón kakë hitita uni aín me ꞌikën,

Génesis 49:31

Anu ka aín bëchikë kaman Abraham ꞌimainun aín xanu Sara maíankëxa, ꞌimainun ka Isaackëñun aín xanu Rebeca aribi maíankëxa, maínña ꞌaínbi kana ꞌënribi anu ꞌën xanu Lía maíankën.

Génesis 50:13

usakin ꞌatankëxun ka Canaán kakë me anua ꞌikë Macpelá kakë me anua ꞌikë kini, Abrahamnën Efrón kakë uni hitita ainan ꞌikëbi anu aín aintsikama ñuia maínti marua anu maíankëxa. A me ꞌimainun a kinix ka Mamré kakë me amiaxa bari urukë au ꞌiakëxa.

Job 41:32

ꞌIanan ka anua rakákë anuax nirukiani kuani nanë́kiankin aín rani tiríkikë a anubi uxuira ꞌaish chabáchabá kikë a bakanubi ëbiania.

Job 5:26

ꞌIanan kamina min kaniakëti nëtë ꞌikëbë xënibutibi samabuirakëma kushi pain ꞌiti ꞌain, usai ꞌi kamina ñu bimi ꞌapá pëkëtia bikëxa upí ꞌikë usaribi ꞌiti ꞌain.

Salmos 37:37

An ñu ꞌatima ꞌakëma ꞌimainun uisa ñu ꞌatima ꞌaímabi tsókë uni akamina isti ꞌain: Usa ꞌain ka a unin ñu ꞌakëx upí iskë ꞌiti ꞌikën.

Eclesiastés 12:7

Usa ꞌain ka a nëtë ꞌikëbë uni me putu unio ꞌaish mebi ꞌitëkënti ꞌikën, ꞌimainun ka aín bëru ñunshin ax Diosnubi kuantëkënti ꞌikën.

Números 20:24

Aarón ka ñuti ꞌurama ꞌikën, usa ꞌaish ka ꞌën israel unikama ꞌinánti me anu bëbatima ꞌikën, anua ꞌumpax Meribá kakë anuxun kamina ꞌën kakësokin mitsun ꞌakëma ꞌain.

Números 27:13

Usakin a mekama istánkëx kamina min xukë́n Aarón ꞌiásaribiti ñukiani kuantankëx min chaitiokëkaman raraitsibë min raraitsi biranani kuanti ꞌikën,

Mateo 22:32

“ꞌËx cana Abraham, Isaac, Jacob acaman rabicë Dios a ꞌain”. A bana cuënëo isquin cananuna ꞌunanin, Nucën Papa Dios ax ca bama ꞌaísha baísquitima unicaman Diosma ꞌicën. Ax ca camabi aín unicaman rabicë Dios a ꞌicën.

Hechos 13:36

Usaquian Davidnën cuënëo ꞌaínbi cananuna ꞌunanin, Nucën Papa Dios cuëëncësabi oquin ꞌapu ꞌixun aín menu ꞌicë unicama ꞌaquintancëx ca David bamacëxa. Bamacë ca anu aín aintsi maían anuribi maíncancëxa. Maíncëx ca chëquiacëxa.

Deuteronomio 31:16

Usai nirakëan ka anuxun Nukën ꞌIbun Moisés kakëxa: Ënuax ꞌitsama nëtë ꞌikëbë kamina mix ñuti ꞌain, usaími ꞌikëbëtan ka ënë unikaman ꞌën bana kikësabiokin ꞌakima atúan biti me anu ꞌikë unikaman rabikë dios a rabikin ꞌë rabiti ënkin achúshi ñu ꞌën manutima okin atu ꞌaxunkëkama manukin bëtsi ñu ꞌati ꞌikën.

Jueces 2:10

ꞌImainun ka Israelkama axa Josué tsókëpan ꞌain tsóa atúxribi ñuakëxa. Usa ꞌain ka bëría bakënkëkama atun ka uisaxunbi Nukën ꞌIbu ꞌunánan an israel unikama ꞌaxuan ñukama abi ꞌunánma ꞌikën.