Génesis 15:14 - Kashibo-Kakataibo Biblia

¹⁴ ꞌAínbi kana ꞌënribi a ëmanu ꞌikë unikama an atu bëtsi bëtsi okin tëmëramikë aribi ꞌatima okin tëraminuxun ꞌain, usakin ꞌakë ꞌain ka min rëbúnki kamax ꞌaisamaira ñuñu ꞌaish chikinuxun ꞌaia.

Nukën 'Ibu Diosan ain unikama 'inan ain bana

¹⁴ 'Aínbi kana 'ënribi a ëmanu 'ikë unikama an atu bëtsi bëtsi okin tëmëramikë aribi 'atima okin tëraminuxun 'ain, usakin 'akë 'ain ka min rëbúnki kamax 'aisamaira ñuñu 'aish chikinuxun 'aia.

Génesis 15:14 ပူးပေါင်းရင်းမြစ်များ

Génesis 48:21

Usakin katankëx sënë́nkin ka José kakëxa: —Ka kuat, ꞌëx kana ñuti ꞌurama ꞌain; usa ꞌaínbi ka Nukën ꞌIbu Dios ax mitsubë ꞌixun ka amiribishi min chaitiokëkama anu tsóa me anubi mi buántëkënti ꞌikën.

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

Salmos 105:42

Usakin ꞌakin ka Diosan uínsaranbi manukinma usakin ñu upí ꞌaxunuxua, aín uni Abraham ka a sinánkëxa.

Salmos 51:4

Mimi kana ꞌëx ꞌuchan, usai ꞌikin kana, a ꞌaia min uni ꞌaisama iskë ñu a ꞌan, usa ꞌain ka min bana usakin ñu ꞌakatsimi kikë ax asérabi ꞌikën.

Éxodo 12:29

A imë́ naëx ka Nukën ꞌIbun egipcio unikaman rëkuë́n bëchikëkama këñumiakëxa faraónën rëkuë́n bëchikë aín papa ꞌikësaribitia ꞌapu ꞌiti aribi amiakëxa, ꞌimainun ka sipunu ꞌikë unin rëkuë́n bëchikë kamakëñunbi ꞌain ñuinanën rëkuë́n tuákamaribi këñumiakëxa.

Éxodo 3:10

Usa ꞌain kamina, mi kuanun mëníokati ꞌain, ꞌën kana faraónnu kuantanun mi xuti ꞌain, usa ꞌain kamina ꞌën uni Israelkama Egipto menua chikini kuanti ꞌain.

Hechos 7:7

Ësaquinribi ca Nucën Papa Diosan Abraham cacëxa: “Cuatrocientos baritia ꞌicëbëtan cana an min rëbúnquicama bëtsi bëtsi oquin ñu mëëmicë cupí, anu ꞌicë unicama tëmëraminuxun ꞌain. Usocëxun ca a menuax cuanun min rëbúnqui xuti ꞌicën. Xucëx ënë menu uxun ca ꞌë rabiti ꞌicën”.

Deuteronomio 4:20

Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.

Deuteronomio 6:22

Nukaman kananuna isakën bëtsi bëtsi ñu chaiirabu ꞌakian Nukën ꞌIbun Egipto menu ꞌikë ꞌapu aín xubunubi bëtsi bëtsi ñu ꞌaia isakën;

Josué 24:17

Nukën ꞌIbu an ka chikínbëtsinkin nukama ꞌimainun nun chaitiokëkama Egipto menuxun tëmërakin ñu mëëiabi nu bëakëxa. An ka ꞌaisamaira ñu ꞌakin nun ismainunbi ꞌakëxa, ꞌimainun ka bëtsi bëtsi ëma inubiani kuania nu bërúankin ꞌakiankëxa.

1 Samuel 12:8

Jacob ꞌimainun aín aintsikamaxa Egipto menu tsóti kuankë ka a menuxun egipcio unikaman nun chaitiokëma ꞌaisamaira okin ñu mëëmikëx Diosan ꞌakinun kiax kikankëxa, usai ꞌikëbëtan ka Nukën ꞌIbun Moisés ꞌimainun Aarón an atu Egipto menua chikínun kixun ꞌamiakëxa, usakin ꞌakëx ka utankëx anunu bërí nux tsókë ënë menu atux pain tsókankëxa.