Génesis 14:8 - Kashibo-Kakataibo Biblia

⁸ Usa ꞌain ka Sodoma, Gomorra, Admá, Seboím, ꞌimainun Belanu ꞌikë ꞌapukama ax me sapan Sidim kakë anuax ꞌakanani kuankëxa.

Nukën 'Ibu Diosan ain unikama 'inan ain bana

⁸ Usa 'ain ka Sodoma, Gomorra, Admá, Seboím, 'imainun Belanu 'ikë 'apukama ax me sapan Sidim kakë anuax 'akanani kuankëxa.

Génesis 14:8 ပူးပေါင်းရင်းမြစ်များ

Génesis 10:19

Usa ꞌain ka cananeo unikama me ax Guerar kakë me ami kikiani Sidón kakë ëma, anuax kuanx Gaza kakë ëma chukúma anu sënën ꞌiakëxa, ꞌimainun ka Sodoma, Gomorra, Admá ꞌimainun Seboím, kakë anuxunbi Lesa kakë ëma anu bërunkin bikë ꞌiakëxa.

Génesis 13:10

Usakian Abramnën kakëxun ka Lotnën me upí anu ꞌiisa Jordán kakë baka ꞌurama anua ꞌumpax ꞌitsaira ꞌikë a isakëxa, iskin ka Sóar ꞌurama ꞌikë ëma chukúma aribi isakëxa, usa ꞌain ka a menu ꞌitsaira ꞌumpax ꞌimainun naësa me chaiira ꞌikë isakëxa. Ax ka Egipto me iskësa ꞌiakëxa. (Ënëx ka Nukën ꞌIbun Sodoma ꞌimainun Gomorra ëma këñutisama pain ꞌain ꞌiakëxa.)

Génesis 14:10

Kamabi Sidim kakë me sapan anu ka chua me pëan pëánkikë anubia unia ꞌiakëxa, usa ꞌain ka Sodoma ꞌimainun Gomorranu ꞌikë ꞌapu ꞌakanankënuax ꞌiakëti kuaníbi anu nanëakëxa. Usai ꞌimainun ka raíri ꞌapukamax ninu abákëxa.

Génesis 14:9

Anuax ka ënë mapai achúshi ꞌapukama Quedorlaómer Amrafel ꞌimainun Arioc abë ꞌakanankëxa, ënë rabë́ ꞌimainun rabë́ ꞌapukamax ka Elam, Goím, Sinar ꞌimainun Elasar a ëma kamanu ꞌikë ꞌiakëxa.

Génesis 19:20

Ka kuat, ënë ꞌurama ka achúshi ëma chukúma ꞌikën, anu kana abáti ꞌain. ¡Anu ië́ti kuantanun kamina ꞌë ënti ꞌain, ax ka ëma chukúmara asérabi ꞌikën!

Génesis 19:22

usa ꞌain kamina ¡Bëríbi ënuax kuanti ꞌain! bënëtishi ka kuantan, mix a ëmanu bëbakëma pain ꞌain kana uisa ñubi ꞌatima ꞌain. Usa ꞌain ka a ëma Sóar kakin anëakëxa.

Oseas 11:8

“¿Uisa ꞌixun karana ꞌën Efraín ënti ꞌain? ¿Uisa ꞌaish karana ꞌëx Israel unikamami manuti ꞌain? ¿Admá kakë ëma ꞌásaribiokin karana mi masókin ꞌati ꞌain, ꞌanan karana mi Seboím ꞌasaribiokin ꞌati ꞌain? ¡ꞌËn mitsumi ꞌitsaira sinánkë an ka ꞌitsaira mitsu nuibanun ꞌë ꞌimia!