Génesis 14:7 - Kashibo-Kakataibo Biblia

⁷ Usokin ꞌatankëx baitsin amirbishi utëkënkin ka Quedorlaómer ꞌimainun aín suntárukama, ꞌimainun abëa kuankë ꞌapu raíri akamabë En-Mispat, ꞌikëbia Cadés kakë anu bëbakëxa, bëbakiani kuankin ka añu kara bainua mëraia abi ꞌatimonan këñuakëxa, usokin ꞌanan ka kuankinshi anu ꞌikë amalecita aribi ꞌakëxa, ꞌanan ka amorreokamaribi raíri ëmakama ꞌakësaribi okin ꞌabiani kuankëxa, ax ka Hasesón-tamar me ꞌikë anu ꞌiakëxa.

Nukën 'Ibu Diosan ain unikama 'inan ain bana

⁷ Usokin 'atankëx baitsin amirbishi utëkënkin ka Quedorlaómer 'imainun aín suntárukama, 'imainun abëa kuankë 'apu raíri akamabë En-Mispat, 'ikëbia Cadés kakë anu bëbakëxa, bëbakiani kuankin ka añu kara bainua mëraia abi 'atimonan këñuakëxa, usokin 'anan ka kuankinshi anu 'ikë amalecita aribi 'akëxa, 'anan ka amorreokamaribi raíri ëmakama 'akësaribi okin 'abiani kuankëxa, ax ka Hasesón-tamar me 'ikë anu 'iakëxa.

Génesis 14:7 ပူးပေါင်းရင်းမြစ်များ

Génesis 16:14

Usa ꞌain ka anua ꞌumpax upíira ꞌikë kini ax ësokin anëkë ꞌikën: ꞌUmpax upíira ñutima oi tsókë an ꞌë iskë ainan ka a ꞌumpax ꞌikën. Ax ka Cadés ꞌimainun Béred kakë ëma an nëbëtsi okin bëarakë ꞌiakëxa.

Génesis 20:1

Usa ꞌain ka anu pain ꞌikë me anuax Abraham Négueb kakë me, ami kikiani kuankëxa, kuantankëx ka Guerar kakë ëma ꞌimainua Cadés kakë ëman nëbëtsiokë me aín rëbumi ꞌikë me anu kuainbëkinishi bëtsi me kamanu tsókë uni ꞌaish usai ꞌiakëxa.

Génesis 36:12

Elifaz ax ka achúshi xanu an ñu ꞌaxunkë Timná kakin anëkë ꞌiakëxa; an ka achúshi tuá ꞌaxuntankëxun Amalec kakin anëakëxa. Ënë kamax ka Esaúnën aín xanu Adá ami bakë bëchipa aín rëbúnkikama ꞌiakëxa.

Génesis 36:16

Coré, Gatam ꞌimainun Amalec. Ënë kamax ka Elefaznën aintsikaman ꞌapu Edom kakë me anu ꞌiakëxa, usa ꞌaish ka ënë unikamax Adá aín rëbúnki ꞌiakëxa.

Números 13:26

Cadés kakë anu uni ꞌikëma me Parán anubi rikuatsiankëxa. Anu ka Moisés, Aarón ꞌimainun kamabi israel unibu ꞌiakëxa. Anu bëbatankëxun ka uisa kara a mekama ꞌiaxa a ꞌimainun an buánkë bimi akama ismianan a menu ꞌikë unibu isbiankë akamabi Moiséskëñun israel unibu ñuixuankëxa.

Números 14:43

Anun mi kuankanti anuxun ka amalecita ꞌimainun cananeo unikaman, kuania ꞌakanankinuxun mitsu kainia. Usa ꞌaínbi kamina Nukën ꞌIbun kakësokin mitsun ꞌaisamatan, usa ꞌain ka an bërí mitsu ꞌakintima ꞌikën.

Números 14:45

Usai bana purábiani kuaniabi ka amalecita ꞌimainun cananeo unikaman a menu tsókë atun, Israel unibu ꞌakëxa, ꞌakëxa abatia nuibiankin ka Hormá kakë ëmanubi bëbarukin ꞌaisamaira këñutisa okin ꞌakëxa.

Números 20:1

Anúan baritia ꞌirutabakë ꞌuxë achúshi ꞌirukë anun ka israel unibu anu uni ꞌikëma me Sin kakë anu bëbakëxa, bëbatankëx ka ꞌitsama nëtë́ishi Cadés kakë anu bërúakëxa. Anu atux aínbi ñuia ka María anubi maínkankëxa.

Números 24:20

Ësai kitankëx ami bësukin Amalecnën rëbúnkikama isi ka Balaam ësairibi kiakëxa: Amalec ax ka achúshi ëma chaiira ꞌaish kushiira ꞌikën, usa ꞌikëbi ka ami nishkë unikaman këñukin achúshirabi bërutanuma atu ꞌati ꞌikën.