Génesis 14:20 - Kashibo-Kakataibo Biblia

²⁰ ꞌianan ka Nukën ꞌIbu Dios kamabi kushiñu an mi, abëmi ꞌakanankë unikama ꞌanun ꞌamikë ax ꞌupiokin rabikë ꞌiti ꞌikën. Usakian Melquisedecnën kakëxun ka Abramnën an bibiankin buánkë ñukama raíri ꞌinánkëxa.

Nukën 'Ibu Diosan ain unikama 'inan ain bana

²⁰ 'ianan ka Nukën 'Ibu Dios kamabi kushiñu an mi, abëmi 'akanankë unikama 'anun 'amikë ax 'upiokin rabikë 'iti 'ikën. Usakian Melquisedecnën kakëxun ka Abramnën an bibiankin buánkë ñukama raíri 'inánkëxa.

Génesis 14:20 ပူးပေါင်းရင်းမြစ်များ

Génesis 14:21

ꞌInánkëxunbi ka Sodomanu ꞌikë ꞌapun Abram kakëxa: —Unikama ashi ꞌë ꞌinánan kamina min bikë raíri ñukamabi buánti ꞌain.

Génesis 24:27

asabi ka kakin: ¡ꞌËn ꞌibu Abraham aín Dios, ax ka abë upí ꞌianan a nuibakë ꞌixun ꞌëx aín aintsikaman xubunu bëbanun ꞌë bërúanxun bëaxa kiax kiakëxa!

Génesis 28:22

ꞌËn kana uinu karana ënë maxax nankë anubi Nukën ꞌIbu Dios anuxun rabiti ꞌati ꞌain; ꞌimainun kana mi asérabi manukima uisa ñukama kaina ꞌë ꞌinani a mësú mi ꞌinánti ꞌain.

Génesis 47:24

ꞌaínbi kamina faraón ꞌapákëxa tuaia bitankëxun mapai achúshi pisha ꞌinánti ꞌain; ꞌinánkëbëa rabë́ ꞌimainun rabë́ pisha tikikë ax ka ꞌapánan mitsun bëchikëkama ꞌimainun kamabi axa mitsubë tsókë unikamabëtan piti ꞌikën.

Génesis 47:26

Usa ꞌain ka Josénën amiribishi a tanti bana Egipto menu ꞌatëkëankëxa, a banax ka ꞌapu faraón mapai achúshi pisha ꞌinánti kikë ꞌiakëxa. Ënë bana ka bëríbi anu ꞌikën; ꞌaínbi ka sacerdote unikama atun me kupín kupíotima ꞌiakëxa, atun me uínsaranbi ꞌapu faraónan biama ꞌikën.

Génesis 9:26

Usokin ꞌaxa basikëbëtan ka ësokinribi kakëxa: Chúamarua ka Nukën ꞌIbu Semnën Dios ꞌiti ꞌikën, Canaánën bëchikëkama ax ka tëmërakin an uni ñu mëëxunkëishi ꞌiti ꞌikën.

2 Samuel 18:28

Usa ꞌain ka anu nukúkin a ꞌurama oi ami ñanati memi bëtiki ꞌikin Ahimaasnën ꞌapu uisa kaina ꞌai kixun pain kakëxa: —Min ꞌIbu Dios ka upíokin rabikë ꞌiti ꞌikën ax min Dios ꞌixun ka. Axa mimi nishkë unikama min suntárukaman ꞌanun ꞌamiaxa.

Amós 4:4

“Mitsux kamina Betelnu kuanan Guilganuribi kuankan ꞌain, ¡anuax ꞌuchakani kamina mitsux bana kuatima ꞌikësairai ꞌikanti ꞌain! Usai ꞌikin kamina ami pë́karakëma ꞌaínshi xaroti, ꞌimainun mapai rabë́ ꞌikëbi achúshi bikë aribi rabë́ ꞌimainun achúshi nëtë ꞌikëbë ꞌikëbëtan ꞌaíbi kamina ꞌuchakanin.

Malaquías 3:10

Mitsun kamina kamaxunbi anuxun ꞌë rabiti xubunu nankë ñu upíira a kamaira ꞌinankimabi ꞌë ꞌinánti nankë a ꞌë nanxunti ꞌain, usakin ꞌakëbë ka sacerdote ꞌimainun levitakaman piti ꞌitsaira ꞌiti ꞌikën. Usakin a ñu ꞌakin kamina ꞌë tanti ꞌain, tankëxun kana ꞌëx kikësokin ꞌakin naíkamë ꞌëo xëkuëkama xëókikëbë ꞌikësa ꞌinua mitsunu a piti ñu ꞌaisamaira ꞌinun ꞌimiti ꞌain.

Malaquías 3:8

Usa ꞌain kana ꞌëx ësai kin: ¿Achúshi unin kara Dios ꞌikë ꞌë paránkin mëkamaisa tanti ꞌik? ¡Usa ꞌain kamina mitsun ꞌë paránkin mëkaman! Usakin ꞌë ꞌaínbi kamina ñukákanani kikanin: ¿A ñu ꞌakin karanuna mi mëkaman? ¡Mitsun kamina ꞌë kamaira ꞌinankimabi ꞌinánti a ꞌimainun, a ꞌinánti nankë manë kuríki a uiti ꞌitsa ꞌinánti kara atibi ꞌinankima ꞌë mëkaman!

Lucas 18:12

ꞌËx cana camabi semana rabë́ nëtën pima samatin. ꞌËn ñu mëëquin bicë curíquia mëcën rabë́ ꞌicëbi cana acama mësú, décima parte, a anuxun Nucën Papa Dios rabiti xubunu buánquin, sacerdote ꞌinanin.

Romanos 15:16

aín bana judíosma unibu ñuixunun quixun ꞌë cacëxa. Nucën Papa Diosan ca axa Jesucristomi catamëcë unicama ainan ꞌinun ië́mia quixun judíosma uniburibi ꞌunánminun ca an ꞌë ꞌimiacëxa. Nucën Papa Diosan ꞌë usaquin ꞌanun casabi oquin cana judíosma unicama, mitsuribi a bana ñuixunin, aín Bëru Ñunshin Upitan sinánmicëxunmi upiti ami catamëquin a rabinun.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Deuteronomio 12:17

Usa ꞌain kamina anumi ꞌikankë ëma anu xubusa okin ꞌakënuxun rabiti ꞌakë anuxun mitsun trigo ꞌapáxun kamaira ꞌinánkimabi ꞌinánkë a ꞌianan uvas baka, xëni ꞌimainun tuatabakian mitsun ñuinanën tuákë akama ꞌimainun Nukën ꞌIbu ꞌinánuxun nankë ꞌianan a ꞌinánti sinánxun nankë akama pitima ꞌain.