Génesis 14:19 - Kashibo-Kakataibo Biblia

¹⁹ Upíokin sinánxunkin Abram ësokin kakëxa: Mi ka Nukën ꞌIbu Dios naí manámi ꞌikë an naí ꞌimainun mekama unio an ꞌupiokin sinánxunti ꞌikën;

Nukën 'Ibu Diosan ain unikama 'inan ain bana

¹⁹ Upíokin sinánxunkin Abram ësokin kakëxa: Mi ka Nukën 'Ibu Dios naí manámi 'ikë an naí 'imainun mekama unio an 'upiokin sinánxunti 'ikën;

Génesis 14:19 ပူးပေါင်းရင်းမြစ်များ

Génesis 14:22

Usokin kakëxunbi ka Abramnën ësokin kakëxa: —ꞌËn kana ësokin kana ꞌanuxun ꞌai kixun Nukën ꞌIbu kushiira an naíkëñun me unio a kan,

Génesis 24:3

sinanatëkëntima okin Nukën ꞌIbu naí ꞌimainun ënë me bërúankë an ka ꞌën bëchikë Isaacnën ënë menu ꞌikë xanukama binun ëntima ꞌikën, anu ꞌëx tsókë Canaán kakë me ënua,

Génesis 27:4

ꞌAbëtsinxun kamina nëishokin ꞌarubëtsinkin, uisakin ꞌarukë karana písa tani usakin ꞌabëtsinkin ꞌë bëxúnti ꞌain. Usokin ꞌabëtsinkin bëkë pitankëxun ñukëmapain ꞌixun kana mi upíokin sinánxunti ꞌain.

Génesis 47:10

Ësakin faraón katankëx ka Jacob ꞌimainun aín bëchikë José anuaxa banakë anuax kana kuani kabiani chikíakëxa.

Génesis 47:7

Usa ꞌain ka Josénën aín papa Jacob aribi ꞌapu faraón a ꞌunánmikin aín xubunu uankëxa. Uankëxun ka ꞌurama okin Jacobnën upiokinshi kakin faraón ꞌurama okëxa,

Génesis 49:28

Ënëkamax ka mapai rabë́ ꞌimainun rabë́ ñaká Jacobnën bakë bëchikëkama ꞌiakëxa, usa ꞌikë ka aín papan achúshi achúshi upíokin sinánxunkin kakëxa.

2 Samuel 2:5

kakëxun ka Davidtan anu ꞌikë unikama kamikin ësokia katánun uni xukin kamiakëxa: “Diosan ka mitsu ꞌupiokin nuibakin ꞌakinti ꞌikën, mitsun kamina Saúl ñukë ꞌikë upíokin mainkakën.

Salmos 115:15

¡ꞌËn kana kuëënin Dios an me, ꞌimainun naí kamë ꞌëo unio an ka upíokin sinánxunkin mitsu ꞌakinti ꞌikën!

Salmos 115:16

Naí kamë ꞌëo ax ka Nukën ꞌIbunan ꞌikën, ꞌimainun ka uni ainan ꞌinun me ꞌinánkëxa.

Salmos 24:1

Nukën ꞌIbunan ka kamabi me kuainakëa ax ꞌikën, usa ꞌain ka kamabi ñu anu ꞌikë a ꞌimainun, kamabi uni anu tsotia.

Miqueas 6:6

¿Uisa ñu uani kuanxun karanuna, Nukën ꞌIbu Dios manámi ꞌikë a rabiti ꞌain? ¿ꞌIanan karana vaca bakë achúshi baritiañukama ꞌaímai këñutanu xaroxunti ꞌain?

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Marcos 10:16

Usaquin caquin ca tuácama ꞌicúquin biquin ramëquin Nucën Papa Dios ñucáxuancëxa.

Lucas 10:21

Usaquin catancëxun ca Jesusan, aín Bëru Ñunshin Upitan sinánmicëx upiti cuëënquin, aín Papa Dios cacëxa: —Ën Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Hechos 16:17

A xanu xuntacunëx ca Pablocëñun nu nuibiani munuma banai quiacëxa: —Ënë unicaman ca Dios, naínu ꞌicë ꞌApuira a ñu ꞌaxunia. Usa ꞌixun ca anúnmi mitsun ꞌuchacama tërë́ncë ꞌaish ainan ꞌiti bana mitsu ñuixunia.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Deuteronomio 10:14

ꞌAínbi kamina mitsun sinánti ꞌain Nukën ꞌIbu Diosnan ka naíkamë ꞌëo ꞌimainun a ꞌurira ꞌikë ñukama ꞌimainun menu ꞌikë ñukamaxribi ka ainan ꞌikën.

Rut 3:10

Kakëxun ka —¡Nukën ꞌIbun ka! ¡Mi upíokin ꞌakinti ꞌikë! —kixun Booznën kakëxa—. Kanan ka bërí kamina uinsaranbimi min bënë ñukë ꞌain usai ꞌikëma anun ësai ꞌia kixun ka kakëxa. Usa ꞌain sapi kamina ꞌësama bëná uni barianan ñuñuira barikimabi ñuñuma unibi bariti ꞌian. ꞌAínbi kamina ꞌakëma ꞌain kixun kakëxa.

1 Samuel 15:13

Usakian kakëx ka Samuel uimi kara Saúl kuanxa anuabi bari kuankëxa, kuankian nukukëxun ka kakëxa: —Nukën ꞌIbun ka mi ꞌakinti ꞌikën. ꞌËn kana kamabi Nukën ꞌIbun ꞌanun kakëkama ꞌan.