Génesis 13:2 - Kashibo-Kakataibo Biblia

² Abram ax ka ꞌiakëxa uni ñuñuira, usa ꞌaish ka kuri ꞌimainun manë uxua kuríkiñu ꞌianan, ꞌitsaira aín ñuina ꞌarakakëñu ꞌiakëxa.

Nukën 'Ibu Diosan ain unikama 'inan ain bana

² Abram ax ka 'iakëxa uni ñuñuira, usa 'aish ka kuri 'imainun manë uxua kuríkiñu 'ianan, 'itsaira aín ñuina 'arakakëñu 'iakëxa.

Génesis 13:2 ပူးပေါင်းရင်းမြစ်များ

Génesis 12:16

Usa iskin ka faraónën Sarai kupí, Abram upíokin ꞌakinkin ꞌinaishiakëxa oveja, vaca ꞌimainun uni an ñu mëëxunti ꞌimainun xanu an ñu ꞌaxúnti akama ꞌinánkin asno, ꞌimainun camello akamaribi ꞌinánkëxa.

Génesis 13:6

ꞌaínbi ka anua atux ꞌikë anu aín ñuina ꞌitsaira ꞌain ñuinakaman pasto piti sënë́nma ꞌiakëxa. Usa ꞌain ka a rabëtax anu ꞌisama ꞌain,

Génesis 24:1

Usa ꞌain ka Abraham ax kaniakëkë ꞌikë, Nukën ꞌIbu an ꞌati kamabi ñu sinánxunkë ꞌiakëxa.

Génesis 24:35

Nukën ꞌIbun an ka an ꞌë ñu mëëmikë uni ꞌitsaira ñuñu ꞌinun ꞌimiaxa: usa ꞌixun ka ꞌinánxa ovejakama, vaca, kuri ꞌimainun manë panshian, uni an ñu mëëxunti, xanu an ñu ꞌaxúnti akama ꞌinánan ka camello ꞌimainun asno akama ꞌinánxa.

Génesis 26:14

ꞌImainun ka ꞌitsaira ovejañu ꞌianan, vaca ꞌimainun an ñu mëëxunkë uniñuribi ꞌiakëxa, usa ꞌain ka ax ñuñuira ꞌain, anu ꞌikë filisteo unikama nutsi ami nishkin ꞌatima okëxa.

Génesis 30:43

Usokin ñu ꞌai ka Jacob ax ꞌaisamaira ñuñu ꞌaish kuríkiñuira ꞌianan, an ñu mëëxunkë uni ꞌimainun an ñu ꞌaxunkë xanu ꞌimainun an ꞌarakakë ñuina ovejakama, camello ꞌimainun asno ñuinakama ainan ꞌitsaira ꞌiakëxa.

Job 1:10

¿Min kamina uínbia ꞌatima onun ënima ꞌianan aín aintsi ꞌibukamaxribia uisaibi ꞌiaxma ꞌinun ënima? Min kamina an ꞌakë ñukamaxa upí ꞌinun upíokin sinánxunin usa ꞌaish ka a unix an ꞌarakakë vaca axa kaikëbë anunbi ñuñuira ꞌi ënë menu ꞌikë bëtsi unikamasamaira ꞌikën.

Job 1:3

ꞌimainun ka ax siete mil ovejakama ꞌianan tres mil camello, ꞌimainun a ñu mëëmikë vaca bënë rabë́, rabë́ ax quinientas ꞌiakëxa, ꞌimainun ka burro aín xanu kamañuribi ꞌiakëxa. ꞌIanan ka an ñu mëëxunkë unikama ꞌimainun xanukama an ñu ꞌaxunkë kamañuribi ꞌiakëxa. Usa ꞌaish ka ax ñuñuira uni a menu ꞌiakëxa.

Mateo 6:33

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

Deuteronomio 8:18

Usa ꞌain kamina mitsun Diosmishi sinánti ꞌain, an ka kushi okin mitsux mi kamabi ñu binux kushinun mitsu ꞌimiaxa, ꞌimikin ka ax kikësabiokin achúshiñu nukën chaitiokë kamabëtan ꞌasaribiokin ꞌaxa.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

1 Samuel 2:7

Nukën ꞌIbun ka nu ñuñu ꞌimianan ñuñuma ꞌinun ꞌimia; ꞌimainun ka nu ꞌuchaiabi, nuibakin ꞌakinia.