Génesis 13:18 - Kashibo-Kakataibo Biblia

¹⁸ Usa ꞌain ka Abram anua ꞌikë anuax aín ñukama mëniobiani niñu me Mamré kakë uni ainan ꞌain Hebrón kakë ëma ꞌurama ꞌikë anu ꞌi kuankëxa. Anuxun maxax bukunrukin ꞌatankëxun Nukën ꞌIbu rabiakëxa.

Nukën 'Ibu Diosan ain unikama 'inan ain bana

¹⁸ Usa 'ain ka Abram anua 'ikë anuax aín ñukama mëniobiani niñu me Mamré kakë uni ainan 'ain Hebrón kakë ëma 'urama 'ikë anu 'i kuankëxa. Anuxun maxax bukunrukin 'atankëxun Nukën 'Ibu rabiakëxa.

Génesis 13:18 ပူးပေါင်းရင်းမြစ်များ

Génesis 13:4

A mex ka anu paian anuxun Nukën ꞌIbu Dios rabiti maxá bukunrukin ꞌakë a ꞌiakëxa, anuxun ka Nukën ꞌIbu rabiakëxa.

Génesis 14:13

Usakian ꞌakëbë ka uni achúshi abákëxa, abaxun ka usaía ꞌikë Abram hebreo uni a ñuixuankëxa, ax ka uni achúshi Mamré aín menu tsókë ꞌiakëxa, a unix ka amorreo unibu ꞌiakëxa, Mamré ax ka Escol ꞌimainun Aner aín xukë́n ꞌiakëxa, usa ꞌaish ka a unikamax Abrambë nuibanankë ꞌiakëxa.

Génesis 18:1

Usa ꞌain ka Nukën ꞌIbu Abrahammi anua Mamré kakë uni aín me ni ꞌikë anuax mërakëxa, mëramainun ka Abraham bari xamaruti ꞌurama ꞌain aín chupa këxtú xubusa okin ꞌakë aín xëkuë rapasu, tsókë ꞌiakëxa.

Génesis 22:9

Anu kuanuan Nukën ꞌIbu Diosan kakë matá me anu bëbaxun, ka Abrahamnën anuxun ñuina xaroti maxax bukunruakëxa; usakin bukunrutankëxun ka karuribishi tíkati mabukuntankëxun aín bëchikë Isaac aribi nëakëxa, nëaxun ka anu ñuina xarotinu nankë karu kamanan;

Génesis 23:2

ati baritia tsótankëx ka ñuakëxa Quiriat-arbá, kakëbia Hebrón kakin anëkë ëma anuax, ka Canaán me anu ꞌiakëxa. Usa ꞌain ka Abraham aín xanu ñukë ꞌain ꞌitsaira masá sinani iakëxa.

Génesis 26:25

Ësokian kakëxun ka Isaacnën anuxun rabiti maxax maburukin ꞌatankëxun, asábi ka kakin Nukën ꞌIbu rabiakëxa. Usokin ꞌatankëx ka a menubi ꞌi bërúakëxa, bërúkin ka anu achúshi kini anua ꞌumpax biti an ñu mëëmikë unikama ꞌamiakëxa.

Génesis 35:27

Achúshi nëtën ka Jacob aín papa Isaac isi Mamré kakë ëma ꞌikëbia Arbá kakin anëanan Hebrón kakinribi anëkë anu kuankëxa. A menu ka Abraham ꞌimainun Isaac tsóakëxa.

Génesis 37:14

—Kakëxun ka Jacobnën asábi ka kixun kakëxa. Ka istan uisa kara min xukë́nkama ꞌikën, ꞌimainun nun ꞌarakakë ovejakama kara uisa ꞌikë kamina isi kuanti ꞌain, isbëtsini kamina ꞌë kai uti ꞌain. Ësokin kaxun ka Jacobnën aín bëchikë José Hebrón kakë me anuxun xuakëxa, xukëx kuanx ka Siquem kakë me anu bëbakëxa,

Génesis 8:20

Usai chikítankëxun ka Noénën anuxun Nukën ꞌIbu, rabikin asábi ka kakin kati maxáx maburukin ꞌatankëxun anuxun ñuina upíbushi ꞌimainun ñuina pëchiñu upíira, akama achúshi achúshi bitankëxun Nukën ꞌIbu asábi ka kakin ꞌaímai këñutanun xaroxuankëxa.

2 Samuel 2:1

Usai kitankëxun ka Davidtan Dios abë banakin kakëxa: —¿Judá menu ꞌikë ëma achúshinu karana ꞌëx kuantima ꞌain? Kakëxun ka Diosan kakëxa: —Kamina kuanti ꞌai kixun kakëxa. Kixuan kakëxun ka Davidtan ñukákëxa: —¿Uinu karana kuanti ꞌain? Kixun ñukákëxun ka Diosan kakëxa: —Hebrón kakë menu kamina kuanti ꞌain.

Salmos 16:8

ꞌëx kana uínsaranbi ami manutima Diosmi sinanin; usa ꞌain kana axa ꞌë rapasu ꞌikëbëtan, uisa ñu kara ꞌikëbëbi ami katamëti tsóti ëniman.

1 Timoteo 2:8

Ësa cana ꞌëx cuëënin, uinu cara axa Jesucristomi catamëcë unicama timëtia anuax ca nucë bënë unix upí oquin sinani, unimi nishi abë cuëbicananima, aín mëcën manámi oi Nucën Papa Diosbë banati ꞌicën.

Hebreos 11:9

Nucën Papa Diosmi catamëcë ꞌaish ca Abraham a me, a Nucën Papa Diosan a ñuixuncë, anu bëbatancëx anu tsoócëxa. Anu ꞌaísh ca aín menumabia uni tsócësa ꞌiacëxa. Anu ꞌaíshbi ca upí oquin xubuoíma, chupa ꞌacë xubunuishi ꞌiacëxa. Usaribiti ca aín bëchicë Isaac ꞌimainun Isaacnën bëchicë Jacob, acamaxribi ꞌiacëxa. —Abraham, mix camina ꞌënan ꞌiti ꞌain, min rëbúnquicamaribi ca ꞌën uni ꞌiti ꞌicë —quixun ca Nucën Papa Diosan Abraham cacëxa. Usaribi oquin ca Nucën Papa Diosan Abrahamnën bëchicë, Isaac, ꞌimainun Isaacnën bëchicë, Jacob, cacëxa.