Génesis 13:15 - Kashibo-Kakataibo Biblia

¹⁵ ꞌën kana kamabi me min iskë ënëkama mi ꞌinánti ꞌain, ax ka minan ꞌianan xënibua ꞌaínbi min rëbúnki kamanan ꞌiti ꞌikën.

Nukën 'Ibu Diosan ain unikama 'inan ain bana

¹⁵ 'ën kana kamabi me min iskë ënëkama mi 'inánti 'ain, ax ka minan 'ianan xënibua 'aínbi min rëbúnki kamanan 'iti 'ikën.

Génesis 13:15 ပူးပေါင်းရင်းမြစ်များ

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 13:17

¡Usa ꞌain kamina bërí nirukiani kuanxun ꞌën mi ꞌinánuxun kakë me a pain isi kuanti ꞌain, iskin kamina aín chaxkë́ ꞌimainun aín pampa, akama pain isikuanti ꞌain akama kana mi ꞌinánti ꞌain!

Génesis 15:18

Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Génesis 15:7

Ësakinribi ka kakëxa: —ꞌËx kana min ꞌIbu ꞌain; usa ꞌixun kana ꞌën mi Ur kakë me anua caldeo unibu tsókë anua chikiankën, ënë me xënibua ꞌaínbi minanbi ꞌinun ꞌinánuxun.

Génesis 18:18

ax ka kamabi unin chaitiokë ꞌaish achúshi ëma chaiira ꞌimainun kushiira ꞌiti ꞌikën. ꞌËn kana a kupín kamabi menu ꞌikë ëmakamanu ꞌikë unikama upíokin sinánxunti ꞌai kixun kana kan.

Génesis 24:7

Nukën ꞌIbu Dios, naínu ꞌikë an ka ꞌën aintsikaman menua chikinbëtsinkin bëxun ꞌë ꞌimainun ꞌën rëbúnkikama ënë me ꞌinan, an ka aín ángel abë kuantankëxumi achúshi xanu ꞌën bëchikë bixunun mi ꞌakinti ꞌikën.

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 28:14

Usa ꞌain ka atux ꞌaisamaira ꞌuakamë ꞌëoi me putu iskësaira ꞌi aín tsipumiki ꞌimainun aín rëbumiki kuanan amiaxa bari urukë au ꞌimainun amia bari kuabúkë amiki amami amami kuankanti ꞌikën, usa ꞌain ka kamabi menu ꞌikë unikama upíokin sinánxunkë ꞌiti ꞌikën mi ꞌimainun min rëbúnkikama kupí.

Génesis 28:4

ꞌImianan ka mi ꞌinánan, min rëbúnkikamaribi upíokin sinánxunkin Abraham kásabiokin, ënë me ꞌibuanun anu nu bërí bëtsi menu ꞌikë uni ꞌikësai tsókë ënë mi ꞌinánti ꞌikën, Nukën ꞌIbu Diosan Abraham ꞌinánuxun kásabiokin.

Génesis 35:12

ꞌËn kana kamabi me ënë min xuta Abraham ꞌimainun min papa Isaac ꞌinánkën, usa ꞌain kana mi ꞌinántankëxun min rëbúnki kamaribi ꞌinánti ꞌain.

Génesis 48:4

ënë bana ꞌë kakëxa: Ka kuat, ꞌën kana mixmi ꞌaisamaira min bakë bëchikë ꞌimainun min rëbúnki kamaxribi amami amami ëma oi bukunun ꞌimiti ꞌain. Usai ꞌia ꞌikë kana min rëbúnkikama ënë me ꞌinánti ꞌain. Atunan ka ënë me xënibua ꞌaínbi ꞌinuxun ꞌaia.

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

Salmos 37:22

Uikamax kara Nukën ꞌIbun upíokin sinánxunkë ꞌikë akamax ka Nukën ꞌIbun ꞌinánti me anu ꞌiti ꞌikën, ꞌaínbi ka Nukën ꞌIbun upíokin sinánxukëma unikama ax ꞌatima okin masókë ꞌiti ꞌikën.

Salmos 37:29

An ñu upí ꞌakë unikama a ka Nukën ꞌIbun nuibakin, me anua xënibua ꞌaínbi tsóti ꞌinánti ꞌikën.

Éxodo 32:13

Min uni ꞌiakama Abraham, Isaac ꞌimainun Jacob akama kaimi kia bana akamina sinánti ꞌain, ꞌën kana min rëbúnkinëxa naínu ꞌikë ꞌispa tupuribi ꞌitánun, ꞌuákamë ꞌëomikin ꞌën mi ñuixunkë mekama min rëbúnki ꞌinánti ꞌain kixun kamina atu kakën.

Éxodo 33:1

Usotankëxun ka Nukën ꞌIbun Moisés anu kuantëkënkë kakëxa: —Ënuax kuankin kamina Egipto menuami chikínbëtsinkin bëkë unikama buánti ꞌain, ꞌën min chaitiokë Abraham, Isaac ꞌimainun Jacob akama aín rëbúnki ꞌinánuxun ká me anu kamina kuanti ꞌain.

Isaías 63:18

¡Usa ꞌain ka ꞌitsama barishi ka min unikama upíira anua ꞌikë atun menu tsóakëxa! Axa numi nishkë unikaman ka anuxun mi rabiti xubu rurupakëxa.

Mateo 5:5

Axa cëruti banacëma uni ax ca Nucën Papa Diosan ꞌinánti ñucamañu ꞌiti ꞌicën, an cacësabi oi. Usai ca ꞌiti ꞌicë quixun ꞌunani ca chuámarua cuëënia.

Hechos 7:5

Usaía ucëbi ca ainanbia ꞌinun me Nucën Papa Diosan ꞌinánma ꞌicën, anua aín taën amátiratsubi. ꞌInánquinmabi ca sinanatëcënuxunma ësaquin Abraham cacëxa: “Ënë mecama cana mi ꞌimainun min rëbúnquicamaribi ꞌinánti ꞌain”. Bëchicëñuma pain ꞌicë ca Nucën Papa Diosan usaquin Abraham cacëxa.

Deuteronomio 34:4

Ismikin ka Nukën ꞌIbun ësokin kakëxa: Ënë mekama ñuikin kana ꞌën min chaitiokë Abraham, Isaac ꞌimainun Jacob akama kakën, a me kama kana min rëbúnki ꞌinánuxun ꞌain kixun. Usa ꞌain kana anu bëbanuxumabi min bërúnbi isti ꞌën kuëëan.

Deuteronomio 9:5

Usa ꞌain ka mitsun upí ꞌixun biti kupíma a memi binun; atun ꞌucha kupín mitsun ismainunbi atun menua a unikama Nukën ꞌIbun chikínti ꞌikën, ꞌimainun ka anbia nun chaitiokë Abraham Isaac ꞌimainun Jacob akama kásabiokin ꞌati ꞌikën.