Génesis 12:15 - Kashibo-Kakataibo Biblia

¹⁵ Ismainun ka Egiptonu ꞌikë ꞌapu faraón an ñu mëëxunkë unikamanribi isakëxa, isiani ka anu ka achúshi xanu upíira uaxa kixun kai rikiankëxa. Kakëxun ka aín unikama aín ꞌikënu bëtánun kixun kakëxa kakëxun ka aín ꞌikënu.

Nukën 'Ibu Diosan ain unikama 'inan ain bana

¹⁵ Ismainun ka Egiptonu 'ikë 'apu faraón an ñu mëëxunkë unikamanribi isakëxa, isiani ka anu ka achúshi xanu upíira uaxa kixun kai rikiankëxa. Kakëxun ka aín unikama aín 'ikënu bëtánun kixun kakëxa kakëxun ka aín 'ikënu.

Génesis 12:15 ပူးပေါင်းရင်းမြစ်များ

Génesis 12:14

Usokin kabiani kuanx ka Abram Egipto menu bëbakëxa, bëbaia ka anu ꞌikë unikaman aín xanu Sarai axa upíira xanu ꞌikë isakëxa.

Génesis 20:2

A menuax ka Abraham kiakëxa aín, xanu Sara ñui, ënë xanux ka ꞌën xanuma ꞌikën, ax ka ꞌën chirabakë ꞌikën. Kixun a rabë́xunbi sinántankëxun ka, ꞌapu Abimélec paránkëxa, usakin kakian paránkëxun ka ꞌapu Guerarnu ꞌikë, an Sara aín xanu ꞌiti bënun kixun uni xuakëxa;

Génesis 26:7

usai bërutankëx anu tsotia ka anu ꞌikë unikaman aín xanu Rebeca ñuikin Isaac ñukákankëxa, ñukákëxun ka aín xanu ka kixun kati sinani rakuë́kin ax ka ꞌën chirabakë ꞌikë kixun kakëxa. Rebeca upíira xanu ꞌain ka Isaacnën anu ꞌikë unikaman ꞌati sinani rakuë́kin paránti sinánxun kakëxa.

Génesis 40:2

Usa ꞌain ka faraón Egipto menu ꞌikë ꞌapu ax a uni rabë́ ami ꞌaisamairai nishkin an ꞌain xëati iskë aín kushi ꞌimainun an pán ꞌakë iskë aín kushi kuëntankëxun,

Génesis 41:1

Usa ꞌain ka rabë́ baritia inúkëbëtan. Achúshi imë́ faraónën, Nilo kakë baka kuëbi nixun isi pë́kiakëxa,

1 Reyes 3:1

Aín ꞌini bëchikë xanubë birakatankëx ka Egipto menu ꞌikë ꞌapu faraónbë banai kananuna ꞌakananima nuibanani aintsi onantankëx upitax tsóti ꞌai kixun katankëxun, Salomónnën aín xanu anu pain aín papa David ꞌapu ꞌaish ꞌia ëma anu ꞌikinkin uankëxa, uanxun ka anu ꞌapu ꞌiti xubu ꞌimainun anuxun Dios rabiti xubu ꞌanan Jerusalén ëmaribi buinarakin kënëkin sënë́onun ꞌamiakëxa.

2 Reyes 18:21

ꞌËn kana ꞌunanin Egiptonu ꞌikë unikamami kamina mitsux katamëisa tanin. ꞌAínbi ka usama ꞌikën atux ka uníxa tutishan xo tsënkakin bitsibi ami mënaxkikë usaribi ꞌikën. Usa ka ꞌapu faraón Egipto menu ꞌikë ax ami uni katamëisama ꞌikën.

Salmos 105:4

Nukën ꞌIbu Dios kamina ax kushiira ꞌikë barikanti ꞌain; usakin ꞌakin kamina kamabi nëtën Dios barikanti ꞌain.

Éxodo 2:15

Usakian Moisésnën egipcio uni achúshi rëkë a ka faraónën ñuikania kuakëxa, kuaxun ka Moisés aribi ꞌati barimiakëxa; ꞌaínbi ka a bana kuabiani Madián kakë me anu tsóti kuani abákëxa. Usai abáx bëbatankëx ka anua ꞌumpax bikë kini achúshi rapasu tanti tsóakëxa.

Éxodo 2:5

Usakian ꞌakë ꞌaínbi ka a nëtë xupibukëbë Egiptonu ꞌikë ꞌapun bëchikë xanu chipash ꞌimainun an ñu ꞌaxunkë xanukama nashi kuankëxa, kuantankëx baka kuëbí nikinbi ka xanu achúshinën, basion xo chaxkë́bu bakanua kookë tëmú bëspúkë tasá mërakëxa. Usakin mërakin ka an ñu ꞌaxunkë xanu achúshi tasá a bitánun kixun xuakëxa.

Hebreos 13:4

Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.