Génesis 10:19 - Kashibo-Kakataibo Biblia

¹⁹ Usa ꞌain ka cananeo unikama me ax Guerar kakë me ami kikiani Sidón kakë ëma, anuax kuanx Gaza kakë ëma chukúma anu sënën ꞌiakëxa, ꞌimainun ka Sodoma, Gomorra, Admá ꞌimainun Seboím, kakë anuxunbi Lesa kakë ëma anu bërunkin bikë ꞌiakëxa.

Nukën 'Ibu Diosan ain unikama 'inan ain bana

¹⁹ Usa 'ain ka cananeo unikama me ax Guerar kakë me ami kikiani Sidón kakë ëma, anuax kuanx Gaza kakë ëma chukúma anu sënën 'iakëxa, 'imainun ka Sodoma, Gomorra, Admá 'imainun Seboím, kakë anuxunbi Lesa kakë ëma anu bërunkin bikë 'iakëxa.

Génesis 10:19 ပူးပေါင်းရင်းမြစ်များ

Génesis 10:18

arvadeo, semareo ꞌimainun hamateo ꞌiakëxa. Usai ꞌikë ꞌitsa baritia ꞌinúkëbë ka cananeonën rëbúnkikama ax mekama mekama nu kuankëxa.

Génesis 10:20

Ënë unikamax ka Camnën rëbúnki ꞌiakëxa, achúshi achúshi ëmax ka aín aintsibë aín menubi tsóti ꞌain bananbi banakëxa.

Génesis 14:2

Ënë ꞌapukamax ka ꞌapu Bera, Sodoma kakë ëmanu ꞌikë abë ꞌakanankëxa, abë ꞌianan ka ꞌapu Birsá Gomorra kakë ëmanu ꞌikë abë ꞌianan, ka ꞌapu itsi Sinab Admá kakë ëmanu ꞌikë ꞌapu abë ꞌianan, Seméber kakë ꞌapu Seboím kakë ëmanu ꞌikë ꞌimainun, ꞌapu itsi axa Bela kakë ëmanu ꞌikë abëribi ꞌakanankëxa, a ëmabi ka Sóar kakinribi anëakëxa.

Génesis 14:3

Ënë mapai achúshi ꞌapukaman ka aín suntárukama Sidim kakë me sapan anu timë́akëxa, anu ka parúmpapa bamakë kakë ax ꞌiakëxa.

Génesis 18:20

Ësakin ka Nukën ꞌIbun kakëxa: —Ësai ka Sodoma ꞌimainun Gomorra ëmanu ꞌikë unikama ñui uni kia, atux ꞌatima ñuira ꞌai ꞌuchakë, ax ka ꞌucha chaiira ꞌikën,

Génesis 20:1

Usa ꞌain ka anu pain ꞌikë me anuax Abraham Négueb kakë me, ami kikiani kuankëxa, kuantankëx ka Guerar kakë ëma ꞌimainua Cadés kakë ëman nëbëtsiokë me aín rëbumi ꞌikë me anu kuainbëkinishi bëtsi me kamanu tsókë uni ꞌaish usai ꞌiakëxa.

Génesis 26:1

Usa ꞌain ka Isaac ax anu ꞌumpax ꞌikë anu tsóakëxa, ax ka anu tsókë kakë ꞌimainun an iskë kakin anëkë ꞌiakëxa, a rapasu ꞌaínbi ka Abraham anu tsótan ꞌiásaribiti a piti ꞌaíma ꞌinun ñu ꞌapákëxbi ꞌiruama ꞌikën. Usaia ꞌikëbë ka panani Isaac aín xanu Rebecabë kanankiani an ñumëmikë unikama ꞌimainun aín ñukamabi buani anua Abimélec filisteokaman ꞌapu ꞌikë Guerar kakë ëma anu kuankëxa.

Job 38:20

¿Min kaina uinu kara me sënë́ankëxa anu buánxun, nëtë xabá ꞌimainun imë́ bëánkibukë anua ꞌikë aín xubunua uni ukësa Kuatsinia anubi bëtëkënti ꞌunán?

Oseas 11:8

“¿Uisa ꞌixun karana ꞌën Efraín ënti ꞌain? ¿Uisa ꞌaish karana ꞌëx Israel unikamami manuti ꞌain? ¿Admá kakë ëma ꞌásaribiokin karana mi masókin ꞌati ꞌain, ꞌanan karana mi Seboím ꞌasaribiokin ꞌati ꞌain? ¡ꞌËn mitsumi ꞌitsaira sinánkë an ka ꞌitsaira mitsu nuibanun ꞌë ꞌimia!

Hechos 8:26

Usaía ꞌian ca Nucën ꞌIbu Diosan xucëxun ángelnën Felipe cacëxa: —Jerusalénuax anun Gaza cacë ëmanu cuanti bai anu camina cuanti ꞌain. Usoquian ángelnën anu cuantánun quixun cacë bai ax ca anun anu uni ꞌicëma menu cuanti bai ꞌiacëxa.

Deuteronomio 32:8

Achúshi okin ka Diosan ax kushiira ꞌixun unikama amanu amanu kuani bëtsi bëtsi menu tsóti kuanun ꞌimiakëxa, ꞌimianan ka uinu kara atun me sënë́nti ꞌikë aribi kamabi menu ꞌikë unikama ꞌunánmiakëxa. ꞌAínbi ka usakin atu ꞌanan Israel unibu aín uni ꞌiti kaisakëxa,

Jueces 16:1

Achúshi nëtën ka Sansón Gaza kakë ëmanu nitsi kuankëxa. Kuanxun ka anua achúshi xanu bëtsi bëtsi unin aín nami ꞌakë mërax aín xubunu abë a imë́ ꞌi bërúakëxa.

Jueces 6:4

Abámitankëxun ka Israelkama anu ꞌikë me anu ꞌixun atún ñu ꞌapákë masókin, Gaza kakë me anu kuainakëkë anubi sënë́onkin israel unibunën piti ꞌaíma ꞌitánun ꞌanan atun oveja, asno, ꞌimainun vaca ain bënëkama abi mëkamakëxa.

1 Samuel 13:18

kuantamainun ka bëtsix Bet-horón ꞌikë abu kikiani kuankëxa, bëtsix ka anua me sapan ꞌianan ꞌain bashi chairukë Seboím kakin anëkë anu uni ꞌikëma me abu kikiani kuankëxa.