Génesis 1:6 - Kashibo-Kakataibo Biblia

⁶ Usakin ꞌatankëx ka Nukën ꞌIbu Dios kiakëxa: Ka achúshi xabá chaiiracha an ꞌumpaxkama ënananmiti ꞌiti ꞌikën. Kikëbëshi ka usai ꞌiakëxa.

Nukën 'Ibu Diosan ain unikama 'inan ain bana

⁶ Usakin 'atankëx ka Nukën 'Ibu Dios kiakëxa: Ka achúshi xabá chaiiracha an 'umpaxkama ënananmiti 'iti 'ikën. Kikëbëshi ka usai 'iakëxa.

Génesis 1:6 ပူးပေါင်းရင်းမြစ်များ

Génesis 1:14

Usa ꞌain ka Nukën ꞌIbu Dios kiakëxa: Naí xabá chaiira kuman batsisa anu ka an me pë́katikama ꞌiti ꞌikën, an imë́ ꞌikëbi xabá ꞌinun nëtë ꞌimikë, ax ka anun nëtëkama ꞌunánti ꞌianan, baritiakama ꞌunánan uisa nëtëkama kara ꞌia kixun ꞌunánti ꞌikën. Kikëbë ka usai ꞌiakëxa.

Génesis 1:20

Usakin ꞌatankëx ka Nukën ꞌIbu Dios kiakëxa: Baka ꞌukëmëu ka bëtsi bëtsi ñuina ꞌaisamaira ꞌuakamë ꞌëoti ꞌikën, ꞌimainun ka me manánmi nuanti pëchiñu ñuinakama uniti ꞌikën. Kikëbë ka usai ꞌiakëxa.

Salmos 104:2

ꞌianan kamina tirítan pëkakë chupan rabumëkësaira ꞌain. ¡Min kamina chupa pëninkësa usa okinshi naí kamë ꞌëo uniokën!

Salmos 148:4

¡Naíkamë ꞌëo manami ꞌikë anribi ꞌamainun ka a manami ꞌikë ꞌumpax a kamanribi, naínuxunbi rabiti ꞌikën!

Salmos 150:1

¡Usa ꞌain kananuna ashi ësokin rabiti ꞌain! ¡Rabikin aín xubunuxunbi rabikë ka Dios ꞌiti ꞌikën! ¡Rabikin naíkamë ꞌëo kuman batsisa ꞌitanua unio anuxunbi rabikë ka ꞌiti ꞌikën!

Salmos 19:1

Naíkamë ꞌëo an ka Dios ax ka chaiira ꞌikë kixun unin ꞌakësa okin ñuia; ꞌimainun ka an unio naíkamë ꞌëo kuman batsisa anribi a ñukama ñuikin nu ꞌunánmia.

Salmos 19:2

Achúshi nëtë an ka bëtsi nëtë aribi unin ꞌakësa ꞌinun kaia; ꞌimainun ka imë́ anribi bëtsi imë́ ꞌiti aribi unin ꞌakësa ꞌinun kaia.

Salmos 33:6

Diosan ka aín banan ishi naíkamë ꞌëo uniokëxa, ꞌanan ka bari ꞌuxë ꞌispa akamaribi uniokëxa.

Salmos 33:9

An ka aín banakë anuinshia kamabi ñu uninun ꞌimiakëxa; ꞌianan ka ax usai ka ꞌiti ꞌikë kikëbë ñukamax usaibi ꞌiakëxa.

Eclesiastés 11:3

Nëtë kuin tunan kuatsinkë ax ka menu ꞌuí ꞌibúnuxa ꞌikë ꞌikën. ꞌIanan ka i aín tsipumiu ki bëukutia ꞌikatsi aín rëbumi ki bëukutia, ax uimiu kara bëukuaxa anubi rakatia.

Isaías 40:22

Dios ax ka an me bëararakë kuman batsisa naí meu ꞌikë a manámi tsótaxa, usa ꞌixun ka kamabi uni champura ꞌakësa okinshi isia. An ka chupa ꞌakësokinshi naíkamë ꞌëo pëokaia, ꞌanan ka anu ꞌiti chupa këxtú pëokakin pëninkësa okinshi ꞌaia.

2 Pedro 3:5

A unicaman ca sinántisama tania, Nucën Papa Diosan usai ca ꞌiti ꞌicë quixun cacëxëshi ca naicamëꞌëo ꞌimainun bacacama, anua racátinubi racámainun, mecamaribi anubia ꞌiti anu ꞌiacëxa.