Génesis 1:31 - Kashibo-Kakataibo Biblia

³¹ usokin ꞌaxun ka Nukën ꞌIbu Diosan an uniokë ñukama upíira upí ꞌikë isakëxa. Usaxa bë́ankionx pë́karatëkënkë ax ka mapai ꞌimainun achúshi nëtë ꞌiakëxa.

Nukën 'Ibu Diosan ain unikama 'inan ain bana

³¹ usokin 'axun ka Nukën 'Ibu Diosan an uniokë ñukama upíira upí 'ikë isakëxa. Usaxa bë́ankionx pë́karatëkënkë ax ka mapai 'imainun achúshi nëtë 'iakëxa.

Génesis 1:31 ပူးပေါင်းရင်းမြစ်များ

Génesis 1:13

Usakin ꞌakë ꞌain bë́ankionx pë́karatëkënkë ax ka rabë́ ꞌimainun achúshi nëtë ꞌiakëxa.

Génesis 1:19

Usakin ꞌakë ꞌain bë́ankionx pë́karatëkënkë ax ka, rabë́ ꞌimainun rabë́ nëtë ꞌiakëxa.

Génesis 1:23

Usakin ꞌakë ꞌain bë́ankionx pë́karatëkënkë ax ka mapai achúshi nëtë ꞌiakëxa.

Génesis 1:5

usai ꞌia ka pë́kikë a nëtë kakin anëakëxa, anëanan ka bëánkibukë a imë́ kakin anëakëxa, usakin ꞌakëbë bëánkionxa pë́karakë ax ka achúshi nëtë ꞌiakëxa.

Génesis 1:8

Xabá chaiira a ka naí kakin anëakëxa. Usakin ꞌakë ꞌain ka bëánkionxa pë́karakë ax rabë́ nëtë ꞌiakëxa.

Génesis 2:2

Mapai achúshi ꞌimainun achúshi nëtën ka Nukën ꞌIbu Diosan an ꞌakë ñukama sënëonkëxa, usokin ꞌatankëx ka tantiakëxa.

Génesis 2:3

Usa ꞌain ka mapai achúshi ꞌimainun rabë́ nëtë a upíokin sinánxuni a nëtëx ka upíira ꞌiti ꞌikë kiax kiakëxa, a nëtën ka kamabi ñukama uniotankëx tantiakëxa.

Job 38:7

ángelkamax kuëënmainun ꞌispakamanribi xabá ꞌitánun pë́kakëbë kantakëx?

Salmos 104:24

¡Uiti ñukamaira kaina mix Dios ꞌixun ꞌakën! A ñukama kamina mix sinánñuira ꞌixun ꞌakën; ¡usa ꞌain ka kamabi menu min ꞌa ñukama ꞌikën!

Salmos 104:28

Usai ꞌikin ka min ꞌinánkëxun atun piti; mëkënan ꞌakësokin bixun piti upíirabu a puchákin pia;

Salmos 104:31

¡Usa ꞌain ka Nukën ꞌIbun kushi ax uínsaranbi këñutima ꞌikën! ¡Nukën ꞌIbu ax ka an unio ñukama a isi ꞌitsaira kuëënia!

Éxodo 20:11

ꞌËn kana mapai achúshi ꞌimainun achúshi nëtë ꞌimikin ꞌëx min ꞌIbu ꞌixun naí ꞌimainun me parúmpapa kamabi anu ꞌikë ñukama uniokën, usakin uniotankëx kia ꞌain ka siete nëtë ꞌikëbë anun uni tantiti ꞌikën, usai ꞌikin kana a upíokin sinánxuni a nëtëx ka bëtsi nëtësama upíira nëtë ꞌiti ꞌikë kiax kana kiakën.

Eclesiastés 3:11

Usa ꞌain ka Diosan ënë nëtë uniotankëxun; kamabi ñu upí ꞌitánun uniokëxa; ꞌanan ka uniribi sinánñu ꞌixúan uisai kara ñukama ꞌiakëxa kixun ꞌunánan, uisai kara bërí ñu ꞌia ꞌunánkin uisai kara ꞌinuxun ꞌaia kixun akama ꞌunántiokin ꞌakëxa, usa ꞌaínbi ka unin uisaira ꞌinun kara Diosan ñu ꞌakëxa kixun ꞌunanima ꞌianan uisokin kara ꞌanuxun ꞌaia kixun kamaira ꞌunanima.

Deuteronomio 32:4

Ax ka an nu bërúankë ꞌikën; an ꞌakë ñux ka upíira upí ꞌikën, an ꞌakë ñux ka asérabi upí ꞌikën. Ax ka Dios ꞌaish këmëima asérabi banaia, ¡an ka uínsaranbi an ñu ꞌatima ꞌakë uni abi ꞌatima oima ꞌaínbi ka ënkinma a unikama ꞌatima onuxun ꞌaia!

1 Timoteo 4:4

Nucën Papa Diosan unio camabi ñux ca upí ꞌicën. Usa ꞌain ca aín unicaman —pitima ca —quixun timaquinma Nucën Papa Dios —asábi ca —caquin piti ꞌicën.

1 Timoteo 4:5

Aín banaxa —asábi ca camabi piti ñu ꞌicë —quiax quicë cupí cananuna an nu ñu ꞌináncëxun, Nucën Papa Dios —asábi ca —quixun caquin piti ꞌain.