Génesis 1:29 - Kashibo-Kakataibo Biblia

²⁹ Usokin pain a ñukama ꞌatankëxun ka Nukën ꞌIbu Diosan kakëxa: Ka is mitsu kana menu kookë ikama ax tuáñu ikama ꞌimainun, ꞌain bimi pitima akamabi ꞌinanin. Akamax ka mitsun piti ꞌiti ꞌikën.

Nukën 'Ibu Diosan ain unikama 'inan ain bana

²⁹ Usokin pain a ñukama 'atankëxun ka Nukën 'Ibu Diosan kakëxa: Ka is mitsu kana menu kookë ikama ax tuáñu ikama 'imainun, 'ain bimi pitima akamabi 'inanin. Akamax ka mitsun piti 'iti 'ikën.

Génesis 1:29 ပူးပေါင်းရင်းမြစ်များ

Génesis 2:16

katankëxun ka ësokinribi kakëxa: Min kamina piti ꞌain kamabi i bimi naësa ënua ꞌikë ënë,

Génesis 6:21

ꞌAnan kamina kamabi ñu min piti ꞌimainun ñuinakaman pitiribi bitankëxun puruti ꞌain, usa ꞌain ka min piti ꞌimainun ñuina kaman pitiribi anu ꞌiti ꞌikën.

Génesis 9:3

ꞌËn kana mi kain kamina kamabi ñuina ꞌimainun ñu ꞌapátankëxun bimia pianan kamina añu kaina pisatanin aribi piti ꞌain. ꞌËn kana akama mi ꞌinanin.

Salmos 115:16

Naí kamë ꞌëo ax ka Nukën ꞌIbunan ꞌikën, ꞌimainun ka uni ainan ꞌinun me ꞌinánkëxa.

Salmos 24:1

Nukën ꞌIbunan ka kamabi me kuainakëa ax ꞌikën, usa ꞌain ka kamabi ñu anu ꞌikë a ꞌimainun, kamabi uni anu tsotia.

Isaías 33:16

akamax ka upitax rakuë́tima tsóti ꞌikën, usai ꞌika ami katamëti achúshi xubu mapara ꞌakë ami katamëanan, aín piti ꞌitsaira ñu ꞌianan, a xëati ꞌumpax ꞌitsairañu ꞌaish ñuñumama ꞌitima ꞌikën.

Oseas 2:8

Aínbi ka xanun ꞌëx kana an ñu ꞌinánkin trigo, uvas baka vino ꞌakë xëni akama pishínmikinma ꞌinánkëxunbi ꞌën ꞌinánkë ka ax ꞌikë kixun ꞌunánma ꞌikën; ꞌën manë uxua ꞌimainun kuri akama cha ꞌinun ꞌinánkëxunbi ka a rabinuxun ñukama tankin uniokëxa.

Mateo 6:11

Camabi nëtë́nmi ꞌacësaribi oquin camina ënë nëtë́nribi nun piti anun nux tsóti a nu ꞌinánti ꞌain.

Hechos 14:17

Usaquin ënquinbi ca, ax ca asérabi Dios ꞌicë quixun ꞌunánun, an ꞌacësabi oquin upí oquinshi camabi menu ꞌicë unicama ꞌaquinquin, ꞌuí ꞌibúmiquin ñu ꞌapácëcamaribi canimiquin bimimia. Usoquin an ꞌimicë cupí cananuna ñu pi nux chuámarua bucuin.

Hechos 17:28

Nucën Papa Dios cupí cananuna tsotin, a cupí cananuna nitsin, a cupí cananuna ënë menu ꞌain. Mistun aintsi raírinëx ca ësai quiacëxa: “Nux cananuna diosan rëbúnqui ꞌain”.

1 Timoteo 4:3

A unicamax ca axa Nucën Papa Diosmi catamëcë unicaman isa xanu bitima ꞌicë quianan bëtsi bëtsi ñuribi pitima ꞌicë quiax quia, an ꞌináncëxun aín unicama an aín bana ꞌunáncë ꞌixun a —asábi ca —caquin piti oquian camabi ñu Nucën Papa Diosan unio ꞌaínbi.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.