Génesis 1:28 - Kashibo-Kakataibo Biblia

²⁸ Uniotankëxun ka upíokin sinánxunkin kakëxa: Bakë bëchipati kamina mekama tsitsirui ꞌuákamë ꞌëoti ꞌain; baka mëu ꞌikë ñuinakama ꞌimainun manan nuánkë pëchiñu ñuinakama, ꞌimainun axa men niríkë ñuinakama aín ꞌibu kamina ꞌiti ꞌain.

Nukën 'Ibu Diosan ain unikama 'inan ain bana

²⁸ Uniotankëxun ka upíokin sinánxunkin kakëxa: Bakë bëchipati kamina mekama tsitsirui 'uákamë 'ëoti 'ain; baka mëu 'ikë ñuinakama 'imainun manan nuánkë pëchiñu ñuinakama, 'imainun axa men niríkë ñuinakama aín 'ibu kamina 'iti 'ain.

Génesis 1:28 ပူးပေါင်းရင်းမြစ်များ

Génesis 1:22

usakin ꞌakëxa upí ꞌikë iskin ka Diosan an ꞌakë ñukama upíokin sinánxunkin kakëxa: Parúmpapanu ꞌikë ñuinakama tuapati ka ꞌuakamë ꞌëoi ka kait, ñuina pëchiñukamaribi ka tuapati ꞌitsaira menu ꞌiti ꞌikën.

Génesis 17:16

ꞌËn kana upíokin sinánxunin, usa ꞌain kana achúshi tuá mi ꞌaxúnun ꞌimiti ꞌain. ꞌËn upíokin sinánxunkëx ka kamabi menu ꞌikë unikama aín rëbúnki ꞌiti ꞌikën. ꞌImainun ka aín rëbúnkinëx kamabi menu ꞌikë unikaman ꞌapu ꞌinuxun ꞌaia, kixun ka Nukën ꞌIbu Diosan kakëxa.

Génesis 17:20

Ësokin katankëxun ka aín bëchikë Ismael ñuikinribi ësakin kakëxa, ꞌën kana min bana kuan, usa ꞌain kana upíokin sinánxunuxun ꞌain; ꞌimainun kana ꞌaisamaira aín bëchikë ꞌinun ꞌimiti ꞌain usa ꞌain ka aín rëbúnkinëx ꞌuakamë ꞌëoti ꞌikën. ꞌImainun ka Ismael ax mapai rabë́ ꞌimainun rabë́ ꞌapukaman kushiira aín papa ꞌiti ꞌikën, ꞌimainun kana an achúshi ëma chaiira cha ꞌanun ꞌamiti ꞌain.

Génesis 24:60

Usai kuania ka Rebeca upíokin sinánxunkin ësokin kakëxa: “Nukaman chirabakë, ¡min rëbúnkinëx ka ꞌaisamaira tupuntisama ꞌiti ꞌikën! ¡usa ꞌixun ka min rëbúnki kaman axa ami nishkë unikama abámikin ꞌatankëxun atun ëmakama biti ꞌikën!”

Génesis 26:24

“Anu bëbaxa ñantabukë a imë́ ami mërakin ka Nukën ꞌIbun kakëxa: ꞌËx kana min papa Abraham aín Dios ꞌain. Usa ꞌain kamina rakuë́tima ꞌain; ꞌëx kana mibë ꞌain. Usa ꞌain kana ꞌën uni Abraham a kupín upíokin sinánxunkin, min rëbúnkinëxa ꞌaisamaira ꞌuákamë ꞌëonun ꞌimiti ꞌain.”

Génesis 33:5

Usai ꞌitankëx sënëni chairukinbi ka Esaúnën xanukama ꞌimainun tuákama mërakëxa, mërakin ka ñukákëxa: —Ui kara ¿ënë kamax ꞌik? —Ënëx ka an mi ñu mëëxunti ënën bëchikëkama Diosan ꞌinánkë ꞌikë —kixun ka Jacobnën kakëxa.

Génesis 49:25

¡asábi ka Nukën ꞌIbu Dios a ꞌën rabikë, an ka mi ꞌakinuxun ꞌaia; Nukën ꞌIbu Dios kamabi kushiñuira an ka mi upiokin ꞌakinti ꞌikën! ¡Naíkamë ꞌëo manámixunbi ka ꞌuí ꞌibútanun mi upíokin sinánxunti ꞌikën! ¡An ka parúmpapa ꞌukëmëu ꞌikë me anuaxbia ꞌumpax utanun mi upíokin sinánxunti ꞌikën! ¡An ka min ñuinakama tuaia ꞌanan xanu bakënti aribi upíokin sinánxunti ꞌikën!

Génesis 5:2

ꞌakin ka bëbu ꞌimainun xanu ꞌakëxa, ꞌatankëxun ka upíokin sinánxukin kakëxa. A nëtë́an uni uniokë, a nëtën ka Dios kiakëxa: Ënëx ka uni kakin anëkë ꞌikën.

Génesis 6:1

Uni ꞌaisamaira ꞌuakamë ꞌëoi ka me tsitsirui buküakëxa, usai ꞌikin ka unin xanu upíirabu ꞌinun bëchiakëxa,

Génesis 8:17

ꞌImainun kamina mibëa ꞌikë ñuina aribi chikínti ꞌain: ñuina pëchiñu a ꞌarakati ñuinakama, axa men niríkë ñuinakama, anu kuankian tuapati ꞌuákamë ꞌëokin me tsitsirutanun.

Génesis 9:1

Nukën ꞌIbu Diosan ka upíokin sinánxunkin Noé ꞌimainun ain bëchikëkama, ësokin kakëxa: Kamina bëchipati mebi tsitsirui ꞌuákamë ꞌëoti ꞌain.

Génesis 9:7

ꞌAínbi kamina mitsun, ¡ꞌitsaira bëchipakin atubëtan me tsitsirui ꞌuakamë ꞌëoti ꞌain!

Job 39:11

¿Min kaina ax kushiira ꞌixun ka ꞌën tëtikama ꞌë ꞌaxunti ꞌikë kixun sinánkin an mi ꞌaxúnun ënti ꞌain?

Job 42:12

Usa ꞌain ka Diosan upíokin Job sinánxunkin tëmërakëma ꞌaísha ꞌikësamairaia ñuñuira ꞌinun ꞌimikin. Ka catorce mil ovejakama, seis mil camellokama, mil vaca ain bënë rabë́, rabë́, ꞌimainun mil burro aín xanukamañu ꞌinun ꞌimiakëxa.

Salmos 107:38

Usakin ꞌaia ka Diosanbi bakë bëchipatia kaínu ꞌimianan atun ꞌarakakë ñuinakamaribi ꞌaisamaira kaínun ꞌimiakëxa.

Salmos 115:16

Naí kamë ꞌëo ax ka Nukën ꞌIbunan ꞌikën, ꞌimainun ka uni ainan ꞌinun me ꞌinánkëxa.

Salmos 69:34

¡Dios a ka an unio naí me parúmpapa ꞌimainun, kamabi ñukama anbi rabikë ꞌiti ꞌikën!

Salmos 8:6

Usakin ꞌaxun kamina min uniokë kamabi ñun ꞌibu ꞌinun nu ꞌimianan, kamabi ñu a manámi ꞌixun bërúain:

Salmos 8:7

a ñuinakamax ka ovejakama ꞌimainun vaca aín bënëkama ꞌianan ñuina raëkëmakama aribi ꞌianan,

Isaías 45:18

Ësai ka an naíkamë ꞌëo unio, Nukën ꞌIbu Dios ax kia, an ka me ꞌatankëxun anubia ꞌitinu nankëxa, mex ka ñankáishi rakatima ꞌikë anu ka uni ꞌiti ꞌikën: ꞌËx kana Nukën ꞌIbu ꞌain, usa ꞌain ka bëtsi ꞌaíma ꞌikën.

1 Timoteo 4:3

A unicamax ca axa Nucën Papa Diosmi catamëcë unicaman isa xanu bitima ꞌicë quianan bëtsi bëtsi ñuribi pitima ꞌicë quiax quia, an ꞌináncëxun aín unicama an aín bana ꞌunáncë ꞌixun a —asábi ca —caquin piti oquian camabi ñu Nucën Papa Diosan unio ꞌaínbi.