Gálatas 6:9 - Kashibo-Kakataibo Biblia

⁹ Usa ꞌain cananuna Nucën Papa Dios cuëëncësabi oquin ꞌaquin atsánquin ëntima ꞌain. Usoquin ñu upí oquin ꞌai cananuna ax quiásabi oi an ꞌaquincë ꞌianan aín nëtënu abë ꞌiti ꞌain.

Nukën 'Ibu Diosan ain unikama 'inan ain bana

⁹ Usa 'ain cananuna Nucën Papa Dios cuëëncësabi oquin 'aquin atsánquin ëntima 'ain. Usoquin ñu upí oquin 'ai cananuna ax quiásabi oi an 'aquincë 'ianan aín nëtënu abë 'iti 'ain.

Gálatas 6:9 ပူးပေါင်းရင်းမြစ်များ

Génesis 29:7

Ësokian kakëxun ka Jacobnën kakëxa: —Ka kuat, ka xupibuisama pain ꞌikën, bari ka ꞌurapain ꞌikën anun min ꞌarakakë ovejakama kamabi xëputi. ¿Uisa ꞌixun kaina ꞌumpax ꞌamibiankin pasto pinun buaniman?

Salmos 104:27

A ñuinakamax ka min kakësoishi ꞌia, usa ꞌain ka a ñuinakaman anunmi aín piti nëtë ꞌikëbëtan piti ꞌinánti ashi kainia.

Salmos 126:5

Uikaman kara tëmërai nitë́xëkin aín bëunan mëskúkinbi ñu ꞌapatia ax ka aín ñu ꞌapákë tuaia aín bimi bitsi munuma kuëëni kikanti ꞌikën.

Salmos 145:15

Kamabi unin ka anun ꞌinánti nëtë ꞌikëbëtan min ꞌinánkëxun piti binuxun kainia.

Eclesiastés 11:1

Mix bakan nikin nuntin ñu marui tëmërai nikë ꞌixun kamina mix; usai ꞌi tëkë anun karamina ñuñu ꞌi kixun ꞌunánti ꞌain.

Malaquías 1:13

Mitsux kamina ësai kikanin: ¡Nukamax kananuna ësokin ñu ꞌakëkama ënën atsan! Usai kikin ka ꞌë timakania. Usai ꞌikinbi ka ñuina mëkamakë ꞌimainun vaca ꞌatimai nikë ꞌimainun ꞌinsínkë akama ꞌë ꞌinánti bëi ꞌëx isana a ñuinakama ꞌinánkëx kuëënti ꞌai kiax kikania.

Mateo 10:22

Mitsúxmi ꞌëmi sináncëbë ca axa ꞌëmi sináncëma unicamax mitsumi nishti ꞌicën. Usa ꞌaínbi ca an uisa ñu cara ꞌicëbëtanbi ꞌëmi sinánquin ëncëma unicamax Nucën Papa Diosan nëtënu ꞌëbë ꞌiti ꞌicën.

Mateo 24:13

Usai ñu ꞌicëbëtanbia ꞌëmi sinánquin ëncëma unicamax ca Nucën Papa Diosan nëtënu ꞌëbë ꞌiti ꞌicën.

Mateo 25:17

Usaribi oquin ca an ꞌitsatani, rabë́ mil curíqui bicë uni an bëtsi rabë́ mil curíquiribi biaxa.

Mateo 9:19

Cacëx niruia abë cuancëbë ca aín ꞌunánmicë unicamaxribi Jesúsbë cuancëxa.

Marcos 3:3

Bërúancëxunbi ca aín mëcën bamacë uni Jesusan cacëxa: —Nirucuatsini ca nëri ut.

Lucas 18:1

Aín unix ca atsani, abë cana banatisama tani quixun sinanima, nëtë camabi Nucën Papa Diosbë banati ꞌicë quixun ꞌunánmiquin ca bana itsi ñuicësoquin,

Romanos 2:7

Axa —Nucën Papa Diosan ca ꞌë upí isquin abë nëtë́timoi tsónun ꞌimiti ꞌicë —qui cuëëncë uni, an ca ënquinma Nucën Papa Dios cuëëncësabi oquin ñu ꞌaia. Usoquin an ꞌacë uni a ca Nucën Papa Diosan xënibua ꞌaínbi abë ꞌinun ꞌimia.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

2 Corintios 4:16

Usa ꞌain cananuna masá nuituquinma aín bana ñuitiribi ëniman. Nucën nami axa abiira abi xënibucëbëtanbi ca Nucën Papa Diosan camabi nëtën ami catamëti cuëënun nu cushioia.

2 Corintios 9:6

Ësa ca quixun camina sinánti ꞌain, an ñu bëru ꞌitsama ꞌapácë uni, an ca aín bimiribi ꞌitsamaribi bitsia. Usaribi oquin ca an ñu bëru ꞌitsa ꞌapácë uni an aín bimiribi ꞌitsa bitsia.

Efesios 3:13

Usa ꞌain camina ꞌëx mitsu bana ñuixuncë cupí tëmëraia ñuicania cuatíbi racuëti masá nuitutima ꞌain. ꞌËn tëmëraquinbi Cristo ñui quicë banacama mitsu ñuixuncëxmi ami catamëtia Nucën Papa Diosan mitsu ainan ꞌimicë ꞌaish camina masá nuitutíma cuëënti ꞌain.

2 Tesalonicenses 3:13

Nucën xucë́antu, camina unicamaxa chuámarua bucunun ñu upí ꞌati, a ꞌaisama tanquin ëntima ꞌain.

Hebreos 12:3

Tëmëraquin —axa ami sináncëma unicaman ca ꞌëx Jesucristonan ꞌicë cupí ꞌë bëtsi bëtsi oia —quixun sinánquin ami catamëti ëntin rabanan camina —usaribi oquian ami nishquin unin ꞌacëxunbi ca Jesucristonën tanshiacëxa —quixun sinánti ꞌain. Usaquin sinani camina ami catamëtia unin bëtsi bëtsi ocëxun oquin a ënti sinanima ami cushiti ꞌain.

Hebreos 12:5

¿A bana mitsúxmi aín bëchicë ꞌicëa ꞌësëquin Nucën Papa Diosan cacë a caramina manuan? ësai quicë: ꞌËn bëchicë ꞌicë cana mi cain, Nucën ꞌIbu Diosan ca an nuibacë unicama ꞌixunbia ñu ꞌatima ꞌaia oquin amiribishi ꞌatëcënxunma ꞌanun quixun ꞌunánmiquin uisoquin cara ꞌati ꞌicë usoquin ꞌaia. Uicama cara aín bëchicë ꞌinun ꞌimiaxa acama ca usoquin ꞌaia. Usa ꞌain camina ñu ꞌaisama ꞌaia Nucën ꞌIbu Diosan mi uisa cara mi ocëxbi aín bana cuaisama tani bënë́tima ꞌain. ꞌIanan camina masá nuituti sináncasmaquin, uisai carana ꞌiti ꞌai quixun sinántima ꞌain.

Hebreos 3:14

Anun nux aín nëtënu ꞌiti nëtë sënë́ntamainun cananuna ami catamëtabatínu ꞌiásabi ꞌi ami catamëti ꞌain. Usai ꞌi cananuna camabi nëtën Cristobë ꞌain.

Hebreos 3:6

Usa ꞌaínbi ca Nucën Papa Diosan unicaman cushi ax aín Bëchicë, Cristo, an aín Papa Dios cuëëncësabi oquin ꞌacë, a ꞌicën. Usa ꞌaish ca Cristo ax nun cushiribi ꞌicën, nun nu ami catamëti ënquinma cuëënquin abë aín nëtënu ꞌiti sináncë ꞌain.

Santiago 5:7

ꞌËn xucë́antu, Nucën ꞌIbu Jesucristo utámainun camina tëmëraibi bënë́quinma anúan uti nëtë caínti ꞌain. An ñu ꞌapácë unin ca ñu ꞌapátancëxun anun aín bimi biti nëtë sënë́ntamainun cainia. Usa ꞌixun ca mitabutancëxa sënë́ncëbëtan ñu ꞌapátancëxun bënë́quinma canitancëxuan tuaia aín bimi binuxun cainia.

1 Pedro 2:15

Mitsúnmi upí ñuishi ꞌati ca Nucën Papa Dios cuëënia. Usaquinmi ꞌaia isi ca an Nucën Papa Diosan bana ꞌunáncëma ꞌixun an upí oquin sináncëma unicama ax mitsumi uisaíbi banatima ꞌicën.

1 Pedro 3:17

Axa cuëëncëbëa, Nucën Papa Diosan uni aín ñu upí ꞌacë, a cupí tëmërati asábi ꞌaínbi ca an ñu ꞌatima ꞌacë cupía uni tëmërati ax aín ꞌuchabi ꞌicën.

1 Pedro 4:19

Usa ꞌain camina tëmëraibi —Nucën Papa Dios cuëëncëbë cana ësai ꞌi —quixun sinánquin mitsun ꞌacësabi oquin upí ñuishi ꞌanan Nucën Papa Dios, an mitsu unio, an bërúanun ami catamëti ꞌain, an ca aín quicësabi oquin ꞌë bërúanti ꞌicë quixun ꞌunani.

Apocalipsis 2:17

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma unicama cana anúan masá nuitutíma upitax ꞌiti a ꞌinánti ꞌain. Bëráma Nucën Papa Diosan camabi nëtën maná cacë piti judíos unicama ꞌinánsaribi oquin cana maná, ꞌën nëtënu unëcë, a unicama ꞌinánti ꞌain. ꞌInánan cana maxax uxua, a unicama achúshi achúshi, anu aín anë itsi cuënëocë, a ꞌinánti ꞌain. Uni itsían ꞌunaniamabi ca acama achúshi achúshinënshi aín anë ꞌunánti ꞌicën.

Apocalipsis 2:3

Usai tëmëraquinbi camina mitsun ꞌëmi sinánti ëncëma ꞌain. ꞌËnan ꞌicë cupí unin ꞌatimocëxunbi camina ënquinma ꞌëmi sinánquin ꞌëx cuëëncësabi oquin ꞌan.

Apocalipsis 2:7

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, a cana Nucën Papa Diosan nëtënu ꞌicë i, aín bimi a cüax bamatima, a cunun ꞌinánti ꞌain.