Gálatas 6:8 - Kashibo-Kakataibo Biblia

⁸ Usaribiti ca axa aín ꞌuchacama ënima aín cuëëncësa oíshi ꞌicë uni ax ainanma ꞌaish xënibua ꞌaínbi Nucën Papa Diosbë ꞌíma. Usa ꞌaínbi ca an aín Bëru Ñunshin Upitan sinánmicëxun sinánquin ñu upí ꞌacë uni ax Nucën Papa Diosnan ꞌaish xënibua ꞌaínbi abë ꞌia.

Nukën 'Ibu Diosan ain unikama 'inan ain bana

⁸ Usaribiti ca axa aín 'uchacama ënima aín cuëëncësa oíshi 'icë uni ax ainanma 'aish xënibua 'aínbi Nucën Papa Diosbë 'íma. Usa 'aínbi ca an aín Bëru Ñunshin Upitan sinánmicëxun sinánquin ñu upí 'acë uni ax Nucën Papa Diosnan 'aish xënibua 'aínbi abë 'ia.

Gálatas 6:8 ပူးပေါင်းရင်းမြစ်များ

Job 4:8

ꞌËn kana ꞌitsa baritia tsókë ꞌixun uisa ñukama karana ꞌakën a ꞌunan, ꞌimainun ka uin kara ꞌatima ñuira ꞌakin a tanti bana ꞌianan, ñu ꞌatimaira ñunshinakëkin ꞌai ꞌaxëkë ꞌikë, a unix ka uin kara ñu ꞌapáxun uiti ꞌitsa kara ꞌapáxa ati ꞌitsabi aín bimi bitsia usaribiti anunbi ꞌatimati tëmërai nuibakatia.

Eclesiastés 11:6

Min ñu ënxë ꞌapákin kamina ñantámashi ꞌati ꞌain, ꞌapunkin kamina xupinbukëbëtanribi ꞌapáti ꞌain, ꞌaínbi ka uin kara bari kuabuti ñantabukëbëtan ꞌaia an ka aín ñu bëru ꞌapákin këñuima, usa ꞌaínbi ka uínbi ꞌunanima uinu ꞌikë ax pain kara upiti bimiti ꞌikë, a pain ꞌapákë ax ꞌima kara tsiankin ꞌapákë ax ꞌiti ꞌikën, a pain ꞌapákë an ꞌakëbëtanma kara tsiankin ꞌapákë an upíokin tuati ꞌikën, ꞌakima kara ꞌaisamaira ꞌitánun a rabë́xunbi tuati ꞌikë kixun ka ꞌunanima.

Isaías 32:20

Usai ꞌi kamina mitsux chuámarua tsókanti ꞌain, mitsun ñu ꞌapákëa ꞌumpaxan chabókëbë ꞌianan, ka mitsun burro ꞌimainun vaca bënëkaman piti pasto ꞌitsaira ꞌiti ꞌikën.

Mateo 19:29

Ësaquinribi cana mitsu cain, uinu ꞌicë unin cara ꞌëx cuëëncësabi oquin ꞌanuxun aín xucën, aín chirabacë, aín papa, aín tita, aín bëchicë, aín naë, añu ñu cara, abi ëanxa, a unix ca ëncë ñuñu ꞌicësamaira oi ñuñu ꞌiti ꞌicën. ꞌIanan ca Nucën Papa Dios quicësabi oi aín nëtënu abë nëtë́timoi ꞌiti ꞌicën.

Mateo 25:46

Usaquin ꞌën cacëx ca acamax anuxuan xënibua ꞌaínbi tëmërati anu cuanti ꞌicën. Cuancëbë ca ꞌën unicamax Nucën Papa Diosan nëtënu xënibua ꞌaínbi ꞌëbë ꞌi cuanti ꞌicën.

Lucas 18:30

a unix ca a ëncë ñuñu ꞌicësamaira oi ñuñu ꞌiti ꞌicën. Usai ꞌianan ca Nucën Papa Diosan nëtënu ꞌaish abë nëtë́timoi ꞌiti ꞌicën.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 4:36

An uni ꞌëmi catamënun ꞌaquincë uni an ca aín cupí bitsia. A unin ꞌaquincëxa ꞌëmi catamëcë unicama ax ca xënibua ꞌaínbi Nucën Papa Diosnan ꞌia. Usa ꞌain ca an paían ꞌën bana uni ñuixuncë unicamabë an ꞌëmi catamënun uni ꞌaquincë unicamaxribi cuëënti ꞌicën, atúan ꞌënan ꞌinun uni ꞌaquincë cupí.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Romanos 13:14

Usa ñucama ëni camina Nucën ꞌIbu Jesucristonën mitsu usai ꞌinun quixun sinánmicësabi oi ꞌiti ꞌain. Ënë nëtënu ꞌicë ñuishi sináncë uni an ñu ꞌatima ꞌacësaribi oquin ꞌati camina sinántima ꞌain.

Romanos 6:13

Cristonanma ꞌixun uisa ñu cara ꞌatima ꞌicë quixun ꞌunánquinbi ꞌá ꞌaíshbi camina Cristo cupí Nucën Papa Diosan uni ꞌaish usai ꞌiman. Usa ꞌaish camina mitsux Nucën Papa Diosbë ꞌitimoi bamati ꞌiá ꞌaíshbi bërí aín uni ꞌaish ax cuëëncësabi oi ꞌiti ꞌain. Usa ꞌixun camina mitsun mëcën, mitsun taë, mitsun namicama anun ñu ꞌaisama ꞌaquinma Nucën Papa Dios cuëëncë ñuishi ꞌati ꞌain.

Romanos 6:23

Aín ꞌucha cupí ca uni ië́timoi bamati ꞌicën. Usa ꞌaínbi ca axa aín ꞌucha tërë́nun Nucën ꞌIbu Jesucristomi catamëcë unicama a abë xenibua ꞌaínbi ꞌinun Nucën Papa Diosan ië́mia.

Romanos 8:11

Nucën Papa Dios, an Jesús bamacëbi baísquimia, aín Bëru Ñunshin Upí mitsubë ꞌixun ca an Cristo Jesús bamacëbi baísquimia anbi mitsuribi bamacëbi Cristo utëcëncëbëtan baísquimiti ꞌicën, aín Bëru Ñunshin Upí mitsubë ꞌain.

Romanos 8:13

Axa ënë nëtënu ꞌicë ñuishi sinani aín cuëëncësa oíshi ꞌicë uni ax ca Nucën Papa Diosnanma ꞌaish abë ꞌitima ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oquin ñu ꞌatima ꞌati ëncë uni, ax cuni ainan ꞌaish Nucën Papa Diosbë ꞌiti ꞌicën.

Romanos 8:6

An Nucën Papa Dios cuëëncësoi ꞌiti sinánquinma ënë nëtënu ꞌicë ñuishi sináncë uni, ax Nucën Papa Diosnanma ꞌaish abë ꞌitimoi bamati ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oíshi ꞌiti sináncë uni, ax Nucën Papa Diosbë upí ꞌaish abë nëtë́timoi tsóti sinani chuámarua tani cuëënia.

1 Corintios 15:42

Usaribiti ca uni bama ꞌaish baísquicë, ax bamacëma pain ꞌaish uni ꞌicësaribiti ꞌitima ꞌicën. Uni bamacë maíncë ax ca aín nami, aín xo acamax chëquia. Usa ꞌaíshbi ca baísquitancëx chëquitëcënux bamatëcëntima ꞌicën.

Gálatas 6:7

Camina upí oquin ꞌunánti ꞌain, Nucën Papa Dios parani ca uni ami cuaitima ꞌicën. Ënëx ca ësa ꞌicën: An ꞌapácë ñu bëru aín bimibi ca unin biti ꞌicën.

1 Timoteo 1:16

ꞌËx ꞌuchañuira ꞌicëbia Jesucristonën ꞌëmi nishquinma ainan ꞌë ꞌimicë cupí ca axa ami catamëti xënibua ꞌaínbi Nucën Papa Diosbë ꞌiti unicaman ꞌunánti ꞌicën, usaribi oquin ca Jesucristonën aribi Nucën Papa Diosnan ꞌinun ꞌimiti ꞌicë quixun. Atúan usaquin ꞌunánun ca Nucën Papa Diosan nuibaquin ꞌë ainan ꞌimiacëxa.

Tito 3:7

Usa ꞌixun cananuna anbia nuibaquin nu ꞌaquinquin upí ꞌimicë cupí, abënu xënibua ꞌaínbi tsóti, a caínti ꞌain.

Santiago 3:18

Axa unibë nishananima upitishi banacë unicama an ca chuámarua ꞌixun upí ñuishi ꞌaquin uni raíriribi chuámarua ꞌinun ꞌimia.

2 Pedro 2:12

Ënë unicamax ca sinánñuma ꞌixuan ñuinacan, uisa cara oia quixun sinánquinmabi, ñu ꞌacësaribi oquin ꞌanan ñuinanëxa mëraquian unin ꞌanúnbi nicësa, usaribi ꞌicën. Atux ca an ꞌunáncëma ñu ñui ꞌatimati banaia. Usa ꞌaish ca ñuina bamacësaribi bamati ꞌicën.

2 Pedro 2:19

Usoquin ꞌaquin ca caia, uisari caramina ꞌiisa tani usai camina ꞌiti ꞌain. Usaími ꞌiabi ca Nucën Papa Diosan mi uisabi oima. Usai quicë ꞌixunbi ca atun ñu upí ꞌaisa tanquinbi ꞌatima ꞌicën, atun sinan upíma ꞌixun. Aín sinan upí ꞌixun ca unin aín ꞌacësabi oquin upí ñu ꞌaia. Usa ꞌaínbi ca aín sinan ꞌaisama ꞌixun unin usabi ꞌatima ñu ꞌaia.

Judas 1:21

Nucën Papa Diosan mitsu nuibacëx camina ami manutima camabi nëtën ax cuëëncësabi oi ꞌiti ꞌain. ꞌIanan camina a nëtë anuan nuibaquin Nucën ꞌIbu Jesucristonën utëcënquin aín nëtënunu xënibua ꞌaínbi abë ꞌinun nu ꞌimiti, a caínti ꞌain.

Apocalipsis 22:11

A nëtë ꞌurama ꞌaínbi ca an ñu ꞌatima ꞌacë unicaman an ꞌacësabi oquin ꞌati ꞌicën, axa ꞌuchacë unix ca usabii ꞌuchati ꞌicën, an upí ñu ꞌacë unin ca an ꞌacësabi oquin ꞌati ꞌicën, ax Nucën Papa Dios cuëëncësabi oi ꞌicë unix ca usabi ꞌiti ꞌicën.