Gálatas 6:7 - Kashibo-Kakataibo Biblia

⁷ Camina upí oquin ꞌunánti ꞌain, Nucën Papa Dios parani ca uni ami cuaitima ꞌicën. Ënëx ca ësa ꞌicën: An ꞌapácë ñu bëru aín bimibi ca unin biti ꞌicën.

Nukën 'Ibu Diosan ain unikama 'inan ain bana

⁷ Camina upí oquin 'unánti 'ain, Nucën Papa Dios parani ca uni ami cuaitima 'icën. Ënëx ca ësa 'icën: An 'apácë ñu bëru aín bimibi ca unin biti 'icën.

Gálatas 6:7 ပူးပေါင်းရင်းမြစ်များ

Job 4:8

ꞌËn kana ꞌitsa baritia tsókë ꞌixun uisa ñukama karana ꞌakën a ꞌunan, ꞌimainun ka uin kara ꞌatima ñuira ꞌakin a tanti bana ꞌianan, ñu ꞌatimaira ñunshinakëkin ꞌai ꞌaxëkë ꞌikë, a unix ka uin kara ñu ꞌapáxun uiti ꞌitsa kara ꞌapáxa ati ꞌitsabi aín bimi bitsia usaribiti anunbi ꞌatimati tëmërai nuibakatia.

Proverbios 1:31

¡Usaími ꞌikë anbi ka mitsu ꞌupitax ꞌisama okin tëmëramiti ꞌikën! ¡Usaími ꞌikankëbë ka mënioisama mitsúnbi sinánxun ꞌakë ꞌaisama ñukama ax ꞌiti ꞌikën!

Proverbios 6:19

usakinsa ñu ꞌaxa kiax këmëi banakë uni ꞌimainun an aín xukë́nbëbi mëëananti barikë uni akama ka ax ꞌikën.

Jeremías 37:9

ꞌËx mitsun ꞌIbu ꞌain kamina bërúankati ꞌain: mitsúxi paránani kamina ësai kitima ꞌain, Babilonio unikamax ka rikianxa, usa ꞌain ka amiribishi nu ꞌai utëkëntima ꞌikën kiax kamina kitima ꞌain, usai ka ꞌitima ꞌikë usa ꞌain.

Lucas 16:25

Cacëxun ca Abrahamnën ñuñu ꞌiá uni cacëxa: Mix bamacëma pain ꞌaish camina Lázaronëxa ñuñuma ꞌianan ꞌinsíncë ꞌaish nuibacamainun mix ꞌitsa ñuñu ꞌianan ꞌinsíncëma ꞌaish upitax tsoócën. Usai ꞌiá ꞌaíshbi ca bërí mixmi ꞌaisamaira paë tani tëmëramainun Lázaro ax asábiira ꞌicën.

Lucas 21:8

Usaquin ñucácëxun ca Jesusan anun ax utëcënti nëtë ñuixunquin ësaquin cacëxa: —ꞌItsa unix ca: ꞌËx cana Cristo ꞌai, quianan: Jesús utëcë́nti nëtë ca uaxa quiax quiti ꞌicën. Usai quiquian mitsu paránti rabanan camina bërúancati ꞌain. Aín banax ca asérabi ꞌicë quixun camina sinántima ꞌain.

1 Corintios 15:33

ꞌAtimati banacë unínma mi parania ca bërúancat. Ësaía uni quicë bana ax ca asérabi ꞌicën: “Upí ꞌixunbi ꞌatimatia bëtsi banaia cuaquin ca unin ꞌatimaquin sinánquin ñu ꞌatima ꞌati ꞌicën”.

1 Corintios 3:18

Uni itsían mitsu sinanamiti rabanan camina bërúancati ꞌain. Mitsun camina —ꞌënbi ñu ꞌunáncë cana ꞌai —quixun sinántima ꞌain. Usaquin sinanima camina Jesucristonën sinánmicë ꞌinux ñu ꞌunáncëma unisa ꞌiti ꞌain.

1 Corintios 6:9

¿Aín nëtënu abë ꞌiisa ꞌaíshbi ca an ñu ꞌaisama ꞌacë uni aín nëtënu Nucën Papa Diosbë ꞌitima ꞌicë quixun caramina ꞌunaniman? Camina ꞌunánti ꞌain, ainanmabi xanu cuëëncë unicama ꞌimainun an Nucën Papa Diosmi sinánquinma unin ꞌacë ñu rabicë unicama ꞌimainun aín xanuma ꞌaínbi bëtsi unin xanubë ꞌicë uni ꞌimainun xanúxmabi uni itsibë ꞌicë uni,

2 Corintios 9:6

Ësa ca quixun camina sinánti ꞌain, an ñu bëru ꞌitsama ꞌapácë uni, an ca aín bimiribi ꞌitsamaribi bitsia. Usaribi oquin ca an ñu bëru ꞌitsa ꞌapácë uni an aín bimiribi ꞌitsa bitsia.

Gálatas 6:3

Ui unin cara asérabi upí ꞌixunmabi ax isa upí uni ꞌicë quixun sinania, ax ca aín sinanëinshi cëmëia.

Efesios 5:6

Uni raírinëan —ñu ꞌatima ꞌacë ꞌaíshbi camina Nucën Papa Diosan nëtënu ꞌiti ꞌai —quixun cacëxunbi camina mitsun, —cëmëi ca quia —quixun sinánti ꞌain. An aín bana cuaisama tanquin usa ñu ꞌacë unicama a ca ami nishquin Nucën Papa Diosan castícanti ꞌicën.

2 Tesalonicenses 2:3

Usai quicë bana ñuia cuaquinbi camina —asérabi ca —quixun sinántima ꞌain. Jesucristo uti nëtë ucëma pan ꞌain ca ꞌaisamaira unin Nucën Papa Diosan bana cuaisama tanti ꞌicën. Usaía ꞌicëbë ca aínra unicama paránquin aín bana cuanun quixun ꞌaisama ñu ꞌamiti uni achúshi, axa aín ꞌucha cupí ꞌaisamaira oquin castícancë ꞌiti, ax uti ꞌicën.

Santiago 1:22

Usa ꞌain camina mitsun pabitainshi cuaquinma upí oquin sinánquin a bana quicësabi oquin ꞌati ꞌain. Usoquin ꞌacëma ꞌaish camina —ꞌëx cana Nucën Papa Diosnan ꞌai —quixun sinanibi cëmëcë mitsux ꞌiti ꞌain.

Santiago 1:26

Ui unix cara —ꞌëx cana Nucën Papa Diosan bana cuacë ꞌai —quibi sinánxmaishi ꞌaisamairai banaia a unix ca Nucën Papa Diosan bana quicësabi oi ꞌíma cëmëia.

1 Juan 1:8

—ꞌËx cana ꞌuchañuma ꞌai —qui cananuna nuxbi cëmëin. Usa ꞌain ca nun bana asérabima ꞌicën.

1 Juan 3:7

ꞌËn bëchicësa ꞌicë, cana mitsu cain, unin paráncë camina ꞌitima ꞌain. An upí ñu ꞌacë uni ax ca Jesucristosaribi ꞌaish aín nuitu upí ꞌicën.

Judas 1:18

ësaquian mitsu cacë: Jesucristo utëcënti nëtëa ꞌurama ꞌain ca ꞌitsa unin Nucën Papa Diosan banami cuaiquin, aín sináncësa oquinshi ñu ꞌatima ꞌati ꞌicën.