Gálatas 6:2 - Kashibo-Kakataibo Biblia

² Min ñuishi ꞌati sinánquinma camina uni raíriribi ami sinánquin ꞌaquinsa ꞌicë ꞌaquinti ꞌain. Usai camina bëtsibë bëtsibë ꞌaquiananti ꞌain. Usai ꞌi camina Cristo quiásabi oi ꞌiti ꞌain.

Nukën 'Ibu Diosan ain unikama 'inan ain bana

² Min ñuishi 'ati sinánquinma camina uni raíriribi ami sinánquin 'aquinsa 'icë 'aquinti 'ain. Usai camina bëtsibë bëtsibë 'aquiananti 'ain. Usai 'i camina Cristo quiásabi oi 'iti 'ain.

Gálatas 6:2 ပူးပေါင်းရင်းမြစ်များ

Isaías 58:6

ꞌAínbi ka usakin ꞌakë ax ꞌën iskëx usama ꞌikën. ꞌËx a isi kuëëntisabi ꞌitánun piti mëti ax ka ësokin ꞌati ꞌikën, bëtsi unikamax ka upíokin nuibakë ꞌiti ꞌikën, usa ꞌaish ka anun uni ñu ꞌatima ꞌakëmabi tëkërëkakë manë risi të́kakë usa ꞌianan, vaca bënë tëatsimixun i anun tëkërëkakë risi churukë usaribi mitsunan ꞌiti ꞌikën; ꞌianan ka bëtsi unin tëmëramikë axribi ñankáishi ꞌitánun këñúkë ꞌiti ꞌikën, usakin ꞌakëx ka ꞌapukamaxa unimi an kuëënkësa okin ꞌakë ax këñúkë ꞌiti ꞌikën;

Mateo 8:17

Isaías quiásabi oquin ca usaquin ꞌacëxa, ësai quicë: “An ca nun ñucë pëxcüanan an nu paëocëcama nu tërë́caxuanxa”.

Lucas 11:46

Quia ca Jesusan cacëxa: —Mitsuribi upíma isquin ca Nucën Papa Diosan uisa cara oti ꞌicë usoquin mitsuribi ꞌati ꞌicën. Moisésnën cuënëo banaishima mitsúnbi sináncë banaribi camina unicamax isa usai ꞌinun quixun ñuixunin. Usaquinmi ñuixuncëxbi ca a banacamax mitsúxmi quicësabi oi ꞌiisama ꞌicën. Mitsúxribi camina usai ꞌiman. Mitsúnmi ñuixuncë bana quicësabi oquian ꞌanun camina unicama ꞌaquiniman.

Juan 13:34

Mitsun ꞌunáncëma bana ió ënëribi cana axa quicësabi oími ꞌinun mitsu cain, mitsúxbi camina bëtsibë bëtsibë nuibananti ꞌain. ꞌËn mitsu nuibacësaribi oi camina micamax bëtsibë bëtsibë upiti nuibananti ꞌain.

Juan 15:12

Ënëx ca asérabi ax quicësaími ꞌicanti bana a ꞌicën: ꞌËn mitsu nuibacësaribiti camina bëtsibë bëtsibë nuibananti ꞌain.

Romanos 15:1

Bëtsi bëtsi ñu ꞌati ca asábi ꞌicë quixun nun ꞌunáncë ꞌixunbi cananuna uni itsían, usa ñu ꞌati ca Nucën Papa Dios cuëënima quixun sináncë cupí a ñu ꞌaisa tanquinbi ꞌatima ꞌain.

Romanos 8:2

Nuxnu ami catamëcë ꞌaish Cristo Jesúsbë achúshisa ꞌicë ca aín Bëru Ñunshin Upí nubë ꞌixun ñu ꞌatima, a ꞌaia uni Nucën Papa Diosbë ꞌitimoi bamati, a ꞌatëcënxunma ꞌanun nu ꞌimiaxa.

1 Corintios 9:21

Usa ꞌaínbi cana judíosma uni, an Moisésnën cuënëo bana ꞌunáncëma, acamabë ꞌixun Jesucristomi sinánun ꞌunánmiti cupí atux ꞌicësaribiti ꞌinux, usaía judíos unicama ꞌinun Moisésnën cuënëo bana manucësa ꞌian. Usai ꞌibi cana Jesucristonan ꞌaish Nucën Papa Diosan bana quicësabi oi ꞌin.

Gálatas 6:5

Cristonan ꞌixun ca unin uisa cara aín sinan ꞌicë quixun sinánan uisa ñu cara ꞌati ꞌicë quixun anbi sinánti ꞌicën.

1 Tesalonicenses 5:14

Nucën xucë́antu, ënë ñucamaribi ꞌanun cananuna mitsu cain, an ñu mëëtisama tanquin uni itsi ubíocë unicama, a camina sinananun ꞌësëti ꞌain. Jesucristonan ꞌaíshbi upiti ami catamëcëma unicama a Jesucristomi upiti catamënun sinánmianan camina an Jesucristonan ꞌixunbi an ñu ꞌatima ꞌati sináncë unicama aribi upí ꞌinun ꞌaquinti ꞌain. ꞌAquianan camina camabi uni ami nishquinma nuibaquin upí ꞌinun ꞌaquinti ꞌain.

Santiago 1:25

Usa ꞌaínbi ca an a bana cuaquin manuquinma sináncë uni, ax a bana quicësabi oquin ënquinma ꞌacë ꞌaish chuámarua tani cuëënti ꞌicën. A banax ca anúnu upí ꞌianan, ñunshin ꞌatima cuëëncësa oi ꞌima Nucën Papa Dios cuëëncësabi oi ꞌinux ië́ti a ꞌicën.

Santiago 2:12

Usa ꞌaínbi camina mitsux Nucën Papa Diosan, anun camabi unían ñu ꞌacë isti nëtën, mitsux caramina Jesucristomi catamëti axa cuëëncësabi oi ꞌia quixun isti cupí, upitishi bananan upíshi ꞌiti ꞌain.

Santiago 2:8

Aín bana raírinëxa quicësoi ꞌicësamaira oi a bana quicësoi ꞌiti Nucën Papa Diosan banax ca ësai quia: “Mixmi upiti bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësabi oquin ꞌacë ꞌixun camina mitsun Nucën Papa Dios cuëëncësabi oquin ꞌain.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.

2 Pedro 2:21

Jesucristomi catamëcë ꞌixunbi ëncë ꞌaish an ꞌunáncëma unicamax ꞌicësamairai ꞌuchatima cupí Jesucristomi sinanima ꞌitibi ca a unicama ꞌia.

2 Pedro 3:2

An Nucën Papa Dios quicë bana uni ñuixuncë unicaman Jesucristo ñui quiá banacama a manuquinma sinánan, camina Nucën ꞌIbu Jesucristo, an Nucën Papa Diosnan ꞌinun uni ië́micë, an aín bana ñuixunun caíscë unicaman mitsu ñuixuncë banaribi manuquinma sinánti ꞌain.

1 Juan 4:21

Ënë bana ca Nucën Papa Diosan nu ꞌináncëxa: axa ami sináncë uni ax ca uni itsimiribi sinánti ꞌicën.