Gálatas 6:18 - Kashibo-Kakataibo Biblia

¹⁸ ꞌËn xucë́antu, Nucën ꞌIbu Jesucristonëan nuibaquin mitsu asaribi ꞌaíshmi upí ꞌinun ꞌaquinti cana cuëënin. Usai ca ꞌiti ꞌicën. Ashi, Pablo.

Nukën 'Ibu Diosan ain unikama 'inan ain bana

¹⁸ 'Ën xucë́antu, Nucën 'Ibu Jesucristonëan nuibaquin mitsu asaribi 'aíshmi upí 'inun 'aquinti cana cuëënin. Usai ca 'iti 'icën. Ashi, Pablo.

Gálatas 6:18 ပူးပေါင်းရင်းမြစ်များ

Hechos 1:15

Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

Romanos 1:13

ꞌËn xucë́antu, cuainsa taníbi cana cuancëma ꞌain. ꞌItsai cana mitsu isi cuainsa tan quixunmi ꞌunánti cana cuëënin. Mitsúxmi Jesucristomi catamënun, bëtsi menu ꞌicë unicama ꞌaquincësaribi oquin mitsu ꞌaquini cuainsa cana tan.

Romanos 16:20

Usoquin mitsun ꞌacëbëtan ca Nucën Papa Dios, an aín unicama chuámarua ꞌimiti, an ñunshin ꞌatimanën ꞌapu mitsu ubíotëcënxunma ꞌanun bënë́nquinshi ñusmamiti ꞌicën. Nucën ꞌIbu Jesucristonën mitsu nuibaquin ꞌaquincëx mitsux upí ꞌiti cana cuëënin.

Romanos 16:23

ꞌËx cana Gayonën xubunu ꞌin. Ënë xubunu ca axa Jesucristomi catamëcë unicama timëtia. Gayo, anribi Jesucristonan ꞌixun ca bërúanxmi ꞌinun mitsu canun quixun ꞌë caxa. Erasto, an ënë ëmanu ꞌicë curíqui anun uni cupíoti a bërúancë uni, a ꞌimainun nucën xucën, Cuarto, anribi ca mitsúxmi bërúanx ꞌinun quixun mitsu canun ꞌë caxa.

2 Corintios 13:14

Mitsux ꞌuchacëbi Nucën ꞌIbu Jesucristonën nuibaquin ië́micë ꞌicëa Nucën Papa Diosanribi nuibamainuan aín Bëru Ñunshin Upí axribi mitsubë ꞌicëbëmi chuámarua bucucanti cana cuëënin. Ashi, Pablo.

Gálatas 3:15

ꞌËn xucë́antu, ësa ca ënë bana ꞌicën. Achúshi unían, usa ca ënë ñu ꞌiti ꞌicë quixun quiricanu cuënëocë ꞌicë ca uinu ꞌicë unínbi a bana tërë́caquin bëtsi otëcëntima ꞌicën.

Gálatas 4:12

ꞌËn xucë́antu, mitsux judíos unima ꞌixun camina Moisésnëan cuënëo bana ꞌunáncëma ꞌixun a bana quicësabi oquin ꞌama ꞌain. ꞌËnribi cana —a bana quicësabi oquin ꞌacë cupí cana Nucën Papa Diosan iscëx upí ꞌai —quixun bërí sinaniman. Usa ꞌain camina mitsúxribi ꞌëx ꞌicësaribiti Nucën Papa Diosan iscëx upí ꞌinux asérabi Jesucristomishi catamëti ꞌain. ꞌËx mitsubë ꞌain camina ꞌëmi ꞌicëma ꞌain.

Gálatas 4:28

ꞌËn xucë́antu, Nucën Papa Diosan Abraham cacësabi oquin ca Isaac aín titan tuacëxa. Usaribiti cananuna nux Nucën Papa Diosan mëníosabi oi Cristo cupí ainan ꞌain.

Gálatas 6:1

ꞌËn xucë́antu, axa Jesucristomi catamëcë unían manúxun ñu ꞌaisama ꞌaia camina mitsux asérabi Nucën Papa Diosan Bëru Ñunshin Upitan sinánmicë ꞌixun axa upí ꞌinun quixun nuibaquin ꞌaquinti ꞌain, rabíquin —ꞌëx cana ꞌuchañuma ꞌai —quixun sinánquinma. Mixribi usai ꞌitin rabanan camina bërúancati ꞌain.

2 Timoteo 4:22

Mibë ꞌixuan Nucën ꞌIbu Jesucristonën mi cushiomainuan Nucën Papa Diosan mibë ꞌicëcamacëñun mi nuibaquin ꞌaquincëx camina bërúanx ꞌiti ꞌain. Ashi, Pablo.

Filemón 1:25

Nucën ꞌIbu Jesucristonëan nuibaquin ꞌaquincëxmi min sinan upí ꞌaish chuámarua ꞌiti cana cuëënin. Ashi, Pablo.

Apocalipsis 22:21

Nucën ꞌIbu Jesucristonën aín uni ꞌicë mitsu nuibaquin ꞌaquincëxmi upí ꞌiti cana cuëënin. Usai ꞌiti cana cuëënin. Ashi.