Gálatas 6:16 - Kashibo-Kakataibo Biblia

¹⁶ Axa usai ꞌicë unicamacëñuan uicamax cara asérabi aín uni ꞌicë, acama Nucën Papa Diosan nuibaquin aín ꞌucha tërë́anan chuámashirua ꞌimiti cana cuëënin.

Nukën 'Ibu Diosan ain unikama 'inan ain bana

¹⁶ Axa usai 'icë unicamacëñuan uicamax cara asérabi aín uni 'icë, acama Nucën Papa Diosan nuibaquin aín 'ucha tërë́anan chuámashirua 'imiti cana cuëënin.

Gálatas 6:16 ပူးပေါင်းရင်းမြစ်များ

Salmos 73:1

¡Dios ax ka Israel unikamabë upí ꞌianan, uin kara ꞌain nuitunën upíokin ami sinania a unikamabëribi upí ꞌikën!

Isaías 45:25

Asábi ka ꞌën ꞌakë ñukama kupín ka kamabi Israel unikama ami nishkë unikama kanankin ꞌatankëx, ꞌën ꞌakë ñukama ñui anun rabikanti ꞌikën.”

Oseas 1:10

“Usa ꞌain ka Israel unikama achúshi nëtën parúmpapa masi iskësaira ꞌaish, uínbi uiti ꞌitsaira kara kixun tupuntisama ꞌiti ꞌikën. Usa ꞌikë ka mitsux kamina ꞌën unima ꞌain kakima Diosan mitsu kati ꞌikën, mitsux kamina axa bamatima oi tsókë Dios ain bëchikë ꞌai kixun kati ꞌikën.”

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

Juan 14:27

ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

Romanos 4:12

Judíos unicamax Abraham ꞌiásaribiti ꞌunántioracacë ꞌaíshbi ca axa Abraham ꞌiásaribiti Nucën Papa Diosmi catamëcëcama axëshi asérabi Abrahamnën rëbúnqui ꞌicën.

Gálatas 1:3

Nucën Papa Diosbëtan Nucën ꞌIbu Jesucristonën mitsu nuibaquin ꞌaquincëxmi chuámarua ꞌaish bucucanti cana cuëënin.

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.

Gálatas 5:16

ꞌËn cana mitsu cain, mitsux cuëëncësabi oquin ñu ꞌatima ꞌaquinma camina Nucën Papa Diosan Bëru Ñunshin Upitan sinánmicësa oquinshi sinánquin ñu ꞌati ꞌain.

Gálatas 5:25

Usa ꞌain cananuna nux aín Bëru Ñunshin Upitan ꞌimicëx Nucën Papa Diosan uni ꞌixun, aín Bëru Ñunshin Upitan an nu sinánmicësabi oquin ꞌati ꞌain.

Efesios 6:23

Nucën Papa Diosbëtan Nucën ꞌIbu Jesucristonën ꞌimicë́xmi mitsux ꞌëx ꞌicësaribiti ami catamëcë ꞌaish ami sinánan bëtsibë bëtsibë nuibanani chuámarua ꞌaish upitax bucuti cana cuëënin.

Filipenses 3:16

Usa ꞌain cananuna uisai ꞌinun cara Nucën Papa Diosan nu ꞌunánmiaxa, usai ꞌiti ꞌain.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Filipenses 4:7

Usaquinmi cacëxun cuaquin ca Nucën Papa Diosan mitsu nuibaquin bënëtima chuámarua ꞌinun mitsu ꞌimiti ꞌicën, uisa ꞌaish cara aín uni usai ꞌia quixuan uni raírinën ꞌunáncëbëtanmabi. Usaquin ꞌimianan ca Jesucristobë ꞌicë mitsun sinan ꞌimainun mitsun nuitu upí ꞌinun bërúanti ꞌicën.

1 Pedro 1:3

Nucën Papa Dios, ax Nucën ꞌIbu Jesucristonën Dios ꞌianan aín Paparibi, a cananuna rabiti ꞌain. An ca nu nuibaquin bamaxbia baísquia Jesucristo an nun ꞌuchacama tërë́ncëxnu bacë́ntëcëncësa ꞌaish, ainan ꞌinun nu ꞌimiaxa, ënë nëtënuax ainan ꞌaíshnu aín nëtënuribi ꞌinun.

Judas 1:2

Nucën Papa Diosan nuibacëxmi mitsun ꞌuchacama tërë́ncë ꞌianan bëtsibë nuibanani chuámarua ꞌaish bucucanti cana cuëënin.