Gálatas 6:12 - Kashibo-Kakataibo Biblia

¹² An —camina ꞌunántioracacë ꞌiti ꞌai —quixun caquin mitsu ꞌunánmicë unicaman ca judíos unicama cuëënmiti cupíshi usaquin ꞌunánmia. I curúsocënua ax bama, Cristo, ami catamëtishi ca uni ië́ti ꞌicë quicë, a bana cupí bëtsi bëtsi ocë ꞌitin rabanan ca —mitsux camina ꞌunántioracacë ꞌiti ꞌai —quia.

Nukën 'Ibu Diosan ain unikama 'inan ain bana

¹² An —camina 'unántioracacë 'iti 'ai —quixun caquin mitsu 'unánmicë unicaman ca judíos unicama cuëënmiti cupíshi usaquin 'unánmia. I curúsocënua ax bama, Cristo, ami catamëtishi ca uni ië́ti 'icë quicë, a bana cupí bëtsi bëtsi ocë 'itin rabanan ca —mitsux camina 'unántioracacë 'iti 'ai —quia.

Gálatas 6:12 ပူးပေါင်းရင်းမြစ်များ

Mateo 23:27

An Moisésnën cuënëo bana ꞌunáncë unicama ꞌimainun fariseo unicama, mitsun camina usabi oquin ꞌacë ꞌixun unicama paranin. Anu uni maíncë me ax ca upí oquin mëníocë ꞌianan ëman upíira upí uxua ꞌinun roncë ꞌaíshbi ꞌucë mëu, uni bamacënën xo ꞌimainun ñu chëquicë ꞌaisama ꞌicën.

Mateo 23:28

Usaribi camina mitsux ꞌain. Mitsúnmi bëtsi bëtsi ñu ꞌacë cupía unin mitsu upí isti ꞌixunbi camina mitsun nuitu upíma ꞌixun atu paranin.

Mateo 23:5

Añu ñu cara ꞌaia a ꞌaquin ca unicaman axira isa upí ꞌicë quixun sinánquinsa unin a rabinun quixun ꞌaia. ꞌAnan ca bëtsi unisama isa ax ꞌicë quixuan camabi unin isnun quixun chupa aín cuëbí chooquin cuëcápuncë pañuia. Pañuanan ca cuënëo bana aín bëmánanu ꞌanan aín pëñan mëmiu tëcërëcaia, a unicamax ca a bana cuacë ꞌicë quixuan unin sinánun quixun.

Mateo 5:10

Nucën Papa Dios cuëëncësabi oi ꞌicë cupía, uni itsin tëmëramicë uni, ax ca —ꞌëx cana Nucën Papa Diosnan ꞌaish aín nëtënu abë ꞌiti ꞌai —quixun sinani chuámarua tani cuëënia.

Mateo 6:16

Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Mateo 6:2

Usa ꞌain camina ñuñuma uni ñu ꞌinánquin an uni paráncë unicaman ꞌacësaribi oquin ꞌatima ꞌain. Unin atu rabiti cuëënquin ca anu judíos unicama timë́ti xubunuxun ñu ꞌinánan bainuxunribi camabi unin isnun ñuñuma uni ñu ꞌinania. Usoquian ꞌinania isquin ca an a iscë unicaman a rabiquin, ax ca upí uni ꞌicë quixun caia. Unicaman usa uni rabiabi ca Nucën Papa Diosan a upí isima.

Mateo 6:5

Mitsux Nucën Papa Diosbë banai camina an uni paráncë unicama ꞌicësa oi ꞌitima ꞌain. Atux ca unían a isnun quiax anua judíos unicama timë́ti xubunuax ꞌianan anun niti bai cuëbí anuaxribi Nucën Papa Diosbë banaia. Asérabi cana mitsu cain, a unicamaxa usai Nucën Papa Diosbë banaia iscë unicaman —ax ca upí uni ꞌicë —quixun sinánquin rabia. Usaquin rabiabi ca Nucën Papa Diosan a upí isima.

Lucas 16:15

ꞌUsáncëxun ꞌunánquin ca Jesusan cacëxa: —Mitsux isamina upí ꞌai quixuan unin isnun quixun camina mitsux cuëëncë ñuishi ꞌain. Usa ꞌaínbi ca Nucën Papa Diosan mitsun nuitu mëúmi sináncë a ꞌunania. Ax isa upí ꞌicë quixuan unin sináncë uni a ca Nucën Papa Diosan aín nuitu ꞌunánquin upíma isia.

Lucas 20:47

Usai ꞌianan ca casunamëcë xanun ñu bicuanquin cëñuia. Cëñuanan ca ax isa upí ꞌicë quixuan unin sinánun quiax, ꞌuran pain Nucën Papa Diosbë banaia. Usa unicama ca Nucën Papa Diosan, axa usai ꞌicëma uni ꞌacësamaira oquin ꞌuchoquin castícanti ꞌicën.

Juan 7:18

Axa anbi sinanx banacë uni ax ca unían a rabinun quixun sinanishi banaia. ꞌAínbi ca an ñuiquin uni canun quixuan a xuá ashia unin rabiti cuëëncë uni an cuni cëmëquin uni paranima.

Hechos 15:1

Usa ꞌain ca judíos uni raíri Judea menuax Antioquíanu cuanxun, axa Jesucristomi catamëcë unicama ësaquin cacëxa: Mitsux asérabi Nucën Papa Diosnan ꞌinux ië́tisa tani camina Moisés quiásabi oi ꞌunánti oracacë ꞌiti ꞌain.

Hechos 15:5

Usa ꞌain ca axa Jesucristomi catamëcë fariseo unicama raírinëx nirui quiacëxa: —Judíosma ꞌaíshbia ax Jesucristomi catamëcë unicamax ca ꞌunántiocë ꞌianan usaía judíos unicama ꞌiti Moisésnën cuënëo bana raíri quicësaribi oi ꞌiti ꞌicë —quiax.

2 Corintios 10:12

An nu ñuicë unicamax ca atúxbi rabiacatia. Usairibi cananuna nux ꞌitima ꞌain. Atun sináncësabi oi ca ꞌia, atux ca bëtsibë tanánantishi cuëënia. Upí oquin sinanima ca usai ꞌia.

2 Corintios 11:13

A unicamax ca —Cristo unicama ñuixunun ca Nucën Papa Diosan nu ꞌimiaxa —quiax quia. Usai quibi ca asérabi usama ꞌicën. Cëmëquinshia an uni paráncë ca atux ꞌicën.

Gálatas 2:14

Acamaxa —judíos uni cupíma Jesucristomi catamëtíshi ca uni ië́ti ꞌicë —quixun ꞌunanibi usai ꞌia isquin cana axa Jesucristomi catamëcë unicama timë́cënuxun Pedro ësaquin cacën: ¿Mix judío uni ꞌaíshbi judíoma uni ꞌicësai ꞌiquinbi caramina uisa cupí judíosma unia judíos unicama ꞌicësai ꞌinun quixun cain?

Gálatas 2:3

ꞌËn usoquin judíosma uni bana ñuixuncë chiquinaxuncëxun ca —asábi ca —quixun sinánquin —griego uni ꞌicë camina Tito judíos unicama ꞌicësaribitia ꞌinun ꞌunántioracamiti ꞌai —quixun ꞌë cáma ꞌicën.

Gálatas 5:11

ꞌËn xucë́antu, cana mitsu cain, ꞌën —Nucën Papa Diosan iscëx upí ꞌinux ca uni ꞌunántioracacë ꞌiti ꞌicë —quixun caquin, unicama bana ñuixuncë ꞌaish cana judíos unicaman bëtsi bëtsi ocëma ꞌitsían. I curúsocënuaxa ax bama, Jesucristo, ami catamëtishi ca uni upí ꞌiti ꞌicë quixun a bana ꞌën ñuicëbëma ca uni ꞌëmi nishtsíanma.

Gálatas 6:13

Axa ꞌunántioracacë unicamanbi ca camabi Moisésnën usai ca judíos unicama ꞌiti ꞌicë quixun cuënëo banacama quicësabi oquiinra ꞌaima. Usa ꞌixunbi ca atun ꞌunánmicë cupí camina mitsux judíos uni ꞌicësaribiti ꞌunántioracacë ꞌai quiax rabiácati sinánquin usaími ꞌinun quixun mitsu ꞌunánmia.

Filipenses 1:15

Usa ꞌain ca raírinën ꞌëmi nutsiquin, ꞌën bana ꞌacësamaira oquin isa unin aín bana cuanun quixun, Cristo ñuiquin bana ñuixunia. Ñuixunmainunbi ca raírinën asérabi, an Jesucristomi catamënun uni ꞌaquinti sinánquin upí oquin bana ñuixunia.

Filipenses 2:4

Mitsúxëshi chuámarua ꞌaish cuëënuxun ñu ꞌatishi sinánquinma camina uni raíriribi chuámarua ꞌi cuëënun ꞌaquinti ꞌain.

Filipenses 3:18

Usaquin caquin cana bëráma ꞌitsa oquin cásaribi oquin bëunan mëscuquin ësaquin mitsu catëcënin, ꞌitsa unin ca ꞌën mitsu cacësabi oi ꞌiquinma axa unin ꞌucha cupí i curúsocënu bama, Cristo, a ñui quicë banacama cuaisama tania quixun.

Colosenses 2:23

—Usaquin ꞌën ñu ꞌacë ax ca asérabi ꞌicë —quixun sinánquin an usashi oquin ñu ꞌacë uni a isquin ca uni itsin sinánti ꞌicën, ax isa asérabi sinánñuira ꞌicë quixun. Usa ꞌaínbi ca usaquin ñu ꞌaíbi aín nuitu usabi upíma ꞌia.