Gálatas 5:7 - Kashibo-Kakataibo Biblia

⁷ Mitsux camina upiti Jesucristomi sináncën. ¿Ui unin cara Jesusan banami ënun quixun mitsu sinanamiax?

Nukën 'Ibu Diosan ain unikama 'inan ain bana

⁷ Mitsux camina upiti Jesucristomi sináncën. ¿Ui unin cara Jesusan banami ënun quixun mitsu sinanamiax?

Gálatas 5:7 ပူးပေါင်းရင်းမြစ်များ

Mateo 13:21

Usaquin sinánquinbi ca maparañu menu nipacëcë ñu bëru tapun ꞌitsañuma asaribi ꞌixun Nucën Papa Diosan bana ꞌitsama nëtë́inshi sinania. Sinánquinbi ca anbi masáquin sinánan Nucën Papa Diosan bana ꞌacëbë ami nishquian unin ꞌatimocëxun a bana manuquin ënia.

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.

Romanos 10:16

A bana cuënëo ꞌaínbi ca camabi uníinra a bana sináncëma ꞌicën. Ësai ca Isaíasnën cuënëo bana quia: “Camabi uniínrama, ꞌitsama unínshi ca nun ñuixuncë bana cuaquin —ca asérabi ꞌicë —quixun sinania”.

Romanos 15:18

Judíosma unibunën Nucën Papa Diosan bana cuati ami catamënun ca Cristonën ꞌë a banacama ñuixunun ꞌaquianxa. An usaquin ꞌacë ñucamaishi cana unicama ñuixunin. ꞌË cushioquin ca Cristonën aín cushínbi ꞌën judíosma unibu upí oquin bana ñuixuanan atun aín cushi ꞌunánun uni itsin ꞌacëma ñuribi ꞌanun ꞌë ꞌimiaxa.

Romanos 16:26

Nucën Papa Diosan sinánmicëxun ca aín unicaman, Cristo ca uti ꞌicë quixun cuënëocëxa. Usai ca ꞌiti ꞌicë quixun ca Nucën Papa Dios, axa bamatimoi tsócë, an mëníocëxa. A bana cuënëo ꞌicëbi ca uisai quicë cara ax ꞌicë quixun unin ꞌunánma ꞌicën. ꞌUnánma ꞌaínbi ca bërí camabi nëtënu ꞌicë unicaman Cristomi catamëquin aín cuëëncësabi oquin ꞌanuxun ꞌunánti ꞌicën.

Romanos 2:8

Usaquin ꞌimianan ca uicamax cara ami sinántisama tanan aín bana quicësabi oquin ꞌaisama tanquin, atux cuëëncësa oquinshi ñu ꞌatima ꞌaia, a unicama Nucën Papa Diosan ami nishquin castícanti ꞌicën.

Romanos 6:17

Mitsux ñunshin ꞌatimanën ꞌapu cuëëncësa oquinshi ꞌacë ꞌiá ꞌaíshbi camina bërí usama ꞌain. Camina a aín unicaman mitsu ꞌunánmicë bana Cristo ñuicë sinánan a bana quicësabi oquin ꞌain. Mitsun ñu ꞌatima ꞌácama ëncë ꞌixun camina Nucën Papa Dios cuëëncësabi oquin ñu upíshi ꞌain. Usaquinmi ꞌaia mitsu ꞌunánquin cana cuëënquin Nucën Papa Dios —asábi ca —quixun cain.

1 Corintios 9:24

Camina ꞌunanin, cuai ca uni uix pain cara bëbati ꞌicë isnux, camáxbi abatia. Camáxbi abácëbëtanbi ca ax paían bëbacë ainshi ñu bitsia. Usaribiquin camina Jesucristobë tsóti sinani cuëënquin ax quicësabi oquinshi ꞌati ꞌain.

2 Corintios 10:5

Usaribi oquin cananuna unían ꞌatimaquin nu ñuicë bana, ꞌimainun unin anbi sinánquin, Nucën Papa Diosan bana cuaxunma ꞌanun caquin ꞌatimaquin sinánmicë banacamaribi, Nucën Papa Diosan cushínshi ñancáishi ꞌitánun nëtë́nti ꞌain. Usa ꞌain cananuna aín cushínbia ꞌimicëxun Cristo cuëëncësabi oquinshi ꞌati sinanin.

Gálatas 2:2

Nucën Papa Diosan ꞌë sinánmicësabi oi Jerusalénu cuanx bëbax cana anu ꞌicë axa Jesucristomi catamëcë unin cushicamabëshi banacën. Banaquin cana ꞌën judíosma unicama Jesucristo ñuiquin ñuixuncë banacama ñuixuancën, usaquin cana unicama ca quixun caquin. ꞌËn usaquin bana ñuixunti cara atun sináncëx asábi ꞌicë quixun ꞌunánuxun cana ꞌën judíosma uni ñuixuncë banacama chiquinaquin cacën, ꞌën uni ñuixuncë bana axa ꞌëx cëmëi banacësa ꞌaish ñancáishi ꞌitin rabanan.

Gálatas 3:1

Gálatas unicama, mitsux camina sinánñumasa ꞌain. Unin ꞌucha cupía ax i curúsocënu bama Jesucristo ñuiquin cananuna mitsu upí oquin bana ñuixuancën. Ñuixuncëbi ca uni raírinën bëtsi bana ñuixunquin, Jesucristo ñui quicë bana cuaxunma ꞌanun quixun mitsu paránxa.

Gálatas 5:10

Usa ꞌaínbi cana mitsúxmi Nucën ꞌIbu Jesucristomi catamëcë ꞌain ësaquin sinanin, mitsun camina ꞌën ꞌacësaribi oquin —Moisésnëan cuënëo bana cupíma Jesucristomi catamëcë cupíshi cananuna Nucën Papa Diosan iscëx upí ꞌai —quixun ꞌunanin. Usa ꞌaínbi ca an mitsu ꞌatimaquin sinanamisa tancë uni, uisa uni cara, abi Nucën Papa Diosan castícanti ꞌicën.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.

Hebreos 12:1

A unicamaxa ꞌiásaribiquin ca nubë ꞌicë ꞌitsa unin tëmëraquinbi —Nucën Papa Diosan ca asérabi aín quicësabi oquin nu ꞌaquinti ꞌicë —quixun ꞌunánquin ami catamëquin ënima. Atúxa ꞌicësaribiti ꞌinuxun cananuna an nu ꞌatimaquin sinánmicë a ñucama ëanan an usabi ꞌitioquin nu ꞌatima ꞌimicë ñucamaribi ënti ꞌain. Acama ënquin cananuna bënë́quinma añu ñu ꞌën ꞌati cara Nucën Papa Dios cuëënia quixun sinánquin upí oquin ꞌati ꞌain. Cuai bëtsibë upiti abáti cupí ca unin an ië́ocë ñu nania, usaribiquin cananuna upí oquin nun ꞌati ñu ꞌanuxun, uisa ñun cara nu ꞌatimaquin sinánmia, a ënti ꞌain.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.