Gálatas 5:5 - Kashibo-Kakataibo Biblia

⁵ Usa ꞌaínbi cananuna nun, ami catamëti ënquinma aín Bëru Ñunshin Upitan ꞌimicëx cananuna Nucën Papa Diosan iscëx upí ꞌiti ꞌai quixun sinanin.

Nukën 'Ibu Diosan ain unikama 'inan ain bana

⁵ Usa 'aínbi cananuna nun, ami catamëti ënquinma aín Bëru Ñunshin Upitan 'imicëx cananuna Nucën Papa Diosan iscëx upí 'iti 'ai quixun sinanin.

Gálatas 5:5 ပူးပေါင်းရင်းမြစ်များ

Génesis 49:18

¡Nukën ꞌIbu minmi ꞌë ië́miti kana kuëënin! ësokin ka Nukën ꞌIbu Dios ñukákin Jacobnën kakëxa.

Salmos 130:5

ꞌËn bëru ñunshin bëtanbi kana Dios kainin, usakin ꞌai kana ain bana kuati ami katamëtin.

Romanos 5:21

Usoquin mëníocëx ca camabi uni aín ꞌucha cupí Nucën Papa Diosbë ꞌitimoi bamati ꞌaíshbi Nucën ꞌIbu Jesucristo cupí aín ꞌucha tërë́ncë ꞌianan bëtsi sinánñu ꞌixun upí ñu ꞌatancëx Nucën Papa Diosan nëtënu abë xënibua ꞌaínbi ꞌiti ꞌicën.

1 Corintios 1:7

Usa ꞌixunmi Nucën ꞌIbu Jesucristo utëcënti nëtë cainia ca Nucën Papa Diosan aín unicama ꞌaquincësaribi oquin ami ꞌunánun mitsu ꞌaquinia.

Efesios 2:18

Usai Cristomi catamëti Nucën Papa Diosan Bëru Ñunshin Upíñu ꞌaish cananuna camáxbi, judíos uni ucën Papa Diosnan ꞌiti mëníocëxa. Usoquin ca nux judíos unꞌimainun judíosma uníxribi, Nucën Papa Diosbë banati ꞌain.

Filipenses 3:9

Usa ꞌaish cana usai judíos unicama ꞌiti Moisésnën cuënëo bana quicësabi oquin ꞌacë cupíma axa ꞌëbë ꞌinun Cristomi catamëcë cupíshi Nucën Papa Diosan iscëx upí ꞌain. Usa ꞌicë ca an axa Cristomi catamëcë aín unicama ꞌacësaribi oquin Nucën Papa Diosan ꞌë upí isia.

1 Tesalonicenses 1:10

Acama ñuianan ca mitsun camina Nucën Papa Diosan Bëchicë Jesús bamacëbia anbi baísquimia, axa naínuax uti caini quixunribi ñuia. Ax ca an Nucën Papa Diosan, uni aín ꞌucha cupí castícancëbëtanbi, ainan ꞌicë nu ië́miti a ꞌicën.

2 Tesalonicenses 3:5

Nucën ꞌIbu Jesucristonëan —Nucën Papa Diosan ca asérabi mitsu nuibatia —quixun upí oquin ꞌunánan, ax ꞌicësaribiti uisa ñu cara ꞌicëbëbi bënë́quinma tanshiti ꞌunánun mitsu ꞌaquinti cananuna cuëënin.

2 Timoteo 4:8

Usa ꞌixun cana Nucën ꞌIbu Jesucristonën utancëxun, upí oquin ax cuëëncësabi oquin ꞌën ꞌacë cupí cara uisaira ꞌë ꞌimiti ꞌicë quixun isti ꞌain. An ca asérabi aín quicësabi oquin ꞌati ꞌicën. Usa ꞌixun ca ꞌëishima, an axa uti cuëënquin caíncë unicamaribi, utancëxun uisaira oquin cara aturibi ꞌimiti ꞌicë usoquin ꞌimiti ꞌicën.

Tito 2:13

Usaquin ꞌunánmianan ca nu ꞌunánmia, nux ainan ꞌixun cananuna ax quiásabi oía an nu ië́micë Jesucristo, ax Nucën Papa Diosribi ꞌaish, aín cushibëbi utëcënti nëtë caínti ꞌai quixun.