Gálatas 5:3 - Kashibo-Kakataibo Biblia

³ Cana mitsu catëcënin, uicaman cara —ꞌunántioracacëma ꞌaish cana Nucën Papa Diosan iscëx ꞌën nuitu upí ꞌinux ꞌunántioracacë ꞌiti ꞌai —quixun sinania, a unicaman ca ꞌunántioracacë ꞌiti ashima camabi usai ca judíos unicama ꞌiti ꞌicë quixun Moisésnën cuënëo bana quicësabi oquin ꞌati sinánti ꞌicën.

Nukën 'Ibu Diosan ain unikama 'inan ain bana

³ Cana mitsu catëcënin, uicaman cara —'unántioracacëma 'aish cana Nucën Papa Diosan iscëx 'ën nuitu upí 'inux 'unántioracacë 'iti 'ai —quixun sinania, a unicaman ca 'unántioracacë 'iti ashima camabi usai ca judíos unicama 'iti 'icë quixun Moisésnën cuënëo bana quicësabi oquin 'ati sinánti 'icën.

Gálatas 5:3 ပူးပေါင်းရင်းမြစ်များ

Nehemías 9:34

Usa ꞌaínbi ka nun ꞌapukama ꞌimainun aín kushikama ꞌianan sacerdotekama, ꞌimainun nun chaitiokë kamanbi ka min bana a tanti bana kikësokinbi ꞌama ꞌikën.

Mateo 23:16

Mitsun Nucën Papa Diosan bana unicama ꞌunánmiti ꞌixunbi camina a bana uisai quicë cara quixun ꞌunaniman. Bëxuñu unin ca uni itsi anun cuanti bai ꞌunánmima. Usaribi camina mitsux ꞌain. Mitsux camina ësai quin: Anuxun Nucën Papa Dios rabiti xubu sinánquin cana asérabi ꞌën mi cacësabi oquin ꞌati ꞌai quiax quiquinbi ca unin ꞌaisama tanquin ꞌatima ꞌicën. Usa ꞌaínbi ca unin —curi anuxun Nucën Papa Dios rabiti xubunu ꞌicë a sinánquin cana asérabi ꞌën mi cacësabi oquin ꞌati ꞌai —quiax quiquin asérabi ꞌati ꞌicën.

Mateo 23:18

Usaribiti camina mitsux ësai quin: Anuxun Nucën Papa Dios rabiquin ꞌaracacë ñuina xarotia maxax bucúncë, a sinánquin cana asérabi ꞌën mi cacësabi oquin ꞌati ꞌai quiax quiquinbi ca unin ꞌaisama tanquin ꞌatima ꞌicën. Usa ꞌaínbi ca unin —anuxun Nucën Papa Dios rabiquin ñuina xaroti maxax bucúncë, anu ꞌicë ñuina sinánquin cana asérabi ꞌën mi cacësabi oquin ꞌati ꞌai —quiax quiquin asérabi ꞌati ꞌicën.

Lucas 16:28

ꞌËx cana mëcën achúshi xucë́nñu ꞌain. Atúxribi ënu paë tani tëmërai uaxma ꞌinuan, uisa cara ënu ꞌicë quixun atu canun camina Lázaro xuti ꞌain.

Hechos 15:1

Usa ꞌain ca judíos uni raíri Judea menuax Antioquíanu cuanxun, axa Jesucristomi catamëcë unicama ësaquin cacëxa: Mitsux asérabi Nucën Papa Diosnan ꞌinux ië́tisa tani camina Moisés quiásabi oi ꞌunánti oracacë ꞌiti ꞌain.

Hechos 2:40

Usoquin canan ca bana raíriribi ñuixunquin Pedronën ꞌësëquin cacëxa: —Ënë nëtënu ꞌicë unían a ꞌunáncëma ꞌaínbi camina mitsux Jesucristomi sinanati Nucën Papa Diosnan ꞌinux ië́ti ꞌain.

Hechos 20:21

Ñuixunquin cana judíos unicama ꞌimainun judíosma unicamaribi Nucën Papa Dios cuëëncësa oi ꞌinux sinanatía Nucën ꞌIbu Jesucristomi catamënun quixun can.

Romanos 2:25

Mitsun Nucën Papa Diosan bana Moisésnën cuënëo quicësabi oquin asérabi ꞌacë ꞌain ca mitsúxmi ꞌunántioraca ax asábi ꞌicën. Usa ꞌaínbi ca a bana quicësabi oquinmi ꞌacëma ꞌain, mitsúxmi ꞌunántioraca ax ñancáishi ꞌicën.

Gálatas 3:10

Usa ꞌaínbi ca ësairibi a bana usai ca judíos unicama ꞌiti ꞌicë quixun cuënëo ax quia: “Ui unicaman cara camabi cuënëo bana quicësabi oquinra ꞌacëma a ca Nucën Papa Diosan uisa cara oti ꞌicë usoquin ꞌati ꞌicën”. A bana asérabi ꞌain cananuna ꞌunanin, a bana quicësabi oquin ꞌacë ꞌaish cana Nucën Papa Diosan iscëx ꞌuchañuma ꞌai quixun sináncë unix ca a banacama quicësabi oquinra ꞌacëma ꞌicë Nucën Papa Diosan uisa cara oti ꞌicë usoquin ꞌacë ꞌiti ꞌicën.

Gálatas 5:2

Pablo ꞌixun ꞌën mitsu camainun ca cuat, Nucën Papa Diosnan ꞌinux cana judíos unicama ꞌicësai ꞌunántioracati ꞌai quixun sinanibi camina Cristomi catamëcëma ꞌaish Nucën Papa Diosnan ꞌitima ꞌain.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Efesios 4:17

Nucën ꞌIbu Jesucristonën ꞌë sinánmicësabi oquin cana mitsu cain, axa Nucën Papa Diosmi sináncëma uníxa ꞌicësaribiti ꞌiá ꞌaíshbi camina usai ꞌitëcëntima ꞌain. A unicamax ca Nucën Papa Dios cuëëncësa oíma atúnbia sináncësa oíshi ꞌi bucuia.

Deuteronomio 31:21

Uínsaran kara ꞌën ꞌimikëx ꞌaisamaira masátënëi bënëtia anun ka ënë kanta atun sinánti ꞌikën, usa ꞌain ka atun rëbúnki kamaxribi a kanta sinani anun kantati ꞌikën; ꞌën bërámabi a ꞌinánuxun ka me anu atsínxumabi ꞌatima ñuira ꞌati sinania kana atu ꞌunanin.

Deuteronomio 8:19

Aínbi ka Nukën ꞌIbu Diosmi manukuainxun mitsun, bëtsi dioskama rabia ꞌën sinánkëxun mitsu ꞌatima okin këñuti ꞌikën.

1 Tesalonicenses 4:6

ꞌianan aín xanubë ꞌi bëtsi unimi ꞌuchatima. Usaía ax ꞌicë uni a ca aín ꞌucha cupí, Nucën ꞌIbu Jesucristonën uisa cara oti ꞌicë usoquin ꞌati ꞌicën, nun mitsu ñuixuncësabi oquin.

1 Juan 4:14

Nunbi cananuna, an atun ꞌucha tërë́nquin ënë menu ꞌicë unicama ainan ꞌinun ië́minuan Nucën Papa Diosan xuá, aín Bëchicë a isacën. Isá ꞌixun cananuna a ñuiquin mitsu cain.