Gálatas 5:25 - Kashibo-Kakataibo Biblia

²⁵ Usa ꞌain cananuna nux aín Bëru Ñunshin Upitan ꞌimicëx Nucën Papa Diosan uni ꞌixun, aín Bëru Ñunshin Upitan an nu sinánmicësabi oquin ꞌati ꞌain.

Nukën 'Ibu Diosan ain unikama 'inan ain bana

²⁵ Usa 'ain cananuna nux aín Bëru Ñunshin Upitan 'imicëx Nucën Papa Diosan uni 'ixun, aín Bëru Ñunshin Upitan an nu sinánmicësabi oquin 'ati 'ain.

Gálatas 5:25 ပူးပေါင်းရင်းမြစ်များ

Juan 6:63

ꞌËx ënë menu ꞌaish uni ꞌicë cupíshima ꞌëx bamatancëx baísquiti cupí camina ainan ꞌaish xënibua ꞌaínbi Nucën Papa Diosbë ꞌiti ꞌain. ꞌËn a ñuiquin mitsu cacë ñucama ax ca anúnmi ꞌëmi catamëti ꞌën sinánsaribi ꞌaish xënibua ꞌaínbi Nucën Papa Diosbë ꞌiti, a ꞌicën.

Romanos 8:10

Aín ꞌucha cupí ca camabi uni bamaia. Usa ꞌaínbi camina mitsux, Cristo mitsubë cupí, Nucën Papa Diosan iscëx upí ꞌain. Usa ꞌain ca mitsun namíxa bamacëbëbi mitsun bëru ñunshin bamatimoi Nucën Papa Diosbë ꞌiti ꞌicën.

Romanos 8:2

Nuxnu ami catamëcë ꞌaish Cristo Jesúsbë achúshisa ꞌicë ca aín Bëru Ñunshin Upí nubë ꞌixun ñu ꞌatima, a ꞌaia uni Nucën Papa Diosbë ꞌitimoi bamati, a ꞌatëcënxunma ꞌanun nu ꞌimiaxa.

1 Corintios 15:45

Acama ñui ca Nucën Papa Diosan bana cuënëo ësai quia: “Nucën Papa Diosan a pain unio uni, Adán, ax ca sinánñu ꞌianan banañu ꞌianan an ñu ꞌati ꞌiacëxa”. Usa ꞌaínbi ca Cristo, Adánsaribi uni ꞌixunbi an Nucën Papa Diosnan ꞌinun uni ië́miquin abë chëquítimoi nëtë́timoia tsónun ꞌimiti, a ꞌicën.

2 Corintios 3:6

Moisésnën usaía judíos unicama ꞌiti ñuiquin cuënëo bana ca quia, a bana quicësabi oi ꞌicëma ꞌaish ca uni Nucën Papa Diosbë ꞌitimoi bamati ꞌicën. Usa ꞌaínbi ca a banama bana ió, a ñuixunun Nucën Papa Diosan nu ꞌimiaxa. A banax ca quia, aín Bëru Ñunshin Upitan ꞌimicëx ca uni ainan ꞌaish xënibua ꞌaínbi Nucën Papa Diosbë upí ꞌiti ꞌicën.

Gálatas 5:16

ꞌËn cana mitsu cain, mitsux cuëëncësabi oquin ñu ꞌatima ꞌaquinma camina Nucën Papa Diosan Bëru Ñunshin Upitan sinánmicësa oquinshi sinánquin ñu ꞌati ꞌain.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

1 Pedro 4:6

Usai ca ꞌiti ꞌicë quixuan ꞌunánun ca bamacëma pain ꞌixuan unicaman cuanun aín unicaman Cristo ñui quicë bana ñuixunia. A bana cuati Jesucristomi catamëcë ꞌaish ca aín unicama, camabi uni ꞌicësaribiti bamati ꞌaíshbi, Nucën Papa Dios ꞌicësaribiti nëtë́timoi tsóti ꞌicën.

Apocalipsis 11:11

Rabë́ ꞌimainun achúshi nëtë ꞌimainun nëtë itsi bari xamárucëbë ca a rabëtax bamaxbi Nucën Papa Diosan ꞌimicëx uinacëtëcëni niruaxa. Nirucëbë ca an atu iscë unicama ratuti racuë́ira racuë́axa.