Gálatas 5:22 - Kashibo-Kakataibo Biblia

²² Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Nukën 'Ibu Diosan ain unikama 'inan ain bana

²² Usa 'aínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai 'ia: unicama nuibacë, chuámarua 'aish cuëëncë, uisa ñu cara 'icëbëbi chuámarua 'aish bënë́cëma, an 'atimocëxunbi uni cupicëma, cuëmëninínshi banacë, upí nuituñu, 'imainun Jesucristomi upiti catamëcë,

Gálatas 5:22 ပူးပေါင်းရင်းမြစ်များ

Salmos 1:3

A unix ka baka ꞌurama nikë i aín tapun me ꞌukëmëu kuani nikë axa tuákësa ꞌianan, uínsarabi aín pëchi chushi rëukukëma usaribi ꞌikën. ¡Usa ꞌain ka kamabi an ꞌakë ñukamax upí ꞌia!

Oseas 14:8

Usa ꞌain ka Israel unikama kiti ꞌikën: ¿Uisati karana a rabinuxun ꞌakë ñukama ꞌën kuëënti ꞌain? ¡ꞌËx kana an ꞌën unikama ꞌakianan bërúankë ꞌain! ꞌËx kana pino kakë ꞌi paxaira ꞌain pëchi usaribi ꞌain, usa ꞌain ka atux ꞌën ꞌakinkëx upiti tsóti ꞌikën, kiax ka Dios kiakëxa.

Mateo 12:33

Ca ësa ꞌicën: Upí i ꞌapácëx ca aín bimi upí ꞌiti ꞌicën. I ꞌaisama ꞌapácëx ca aín bimi ꞌaisama ꞌiti ꞌicën. Aín bimi isquin ca unin ꞌunánti ꞌicën, a i cara upí ꞌicë, cara ꞌaisama ꞌicë quixun. Usaribi oquin camina ꞌën ñu ꞌaia isquin ꞌunánti ꞌain, uin cushin carana ñu ꞌai quixun.

Lucas 13:9

Usaquin ꞌacëxun sapi ca bari itsin tuati ꞌicën. ꞌAcëxunbia tuaíama camina ꞌë rëmiti ꞌain.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Juan 15:5

ꞌËx cana uvas aín i rarasaribi ꞌain. Aín pëñánsaribi camina mitsux ꞌain. Usa ꞌaish camina ꞌëmi catamëanan ꞌëmi upiti sinánan ꞌëx mibë ꞌain, min sinan ꞌën sinánsaribi ꞌaish ꞌëx cuëëncësabi oquin ꞌanan ꞌën bana quicësabi oi ꞌiti ꞌain. ꞌËx mitsubëma ꞌain camina ꞌëx cuëëncësa oi ꞌitima ꞌain.

Romanos 14:17

Aín ñu picë cupíma ꞌimainun aín ñu picëma cupíma ca uni Nucën Papa Diosbë upí ꞌicën. Aín Bëru Ñunshin Upitan sinánmicë cupíshi ca unin Nucën Papa Diosnan ꞌixun upí ñu ꞌanan, bëtsibë nishananíma nuibananan cuëëni upí oquin sinani tsotia.

Romanos 15:14

ꞌËn xucë́antu, ꞌën cana ꞌunanin, mitsun camina bëtsibë bëtsibë nuibanani ꞌaquiananquin Nucën Papa Diosan bana Cristonën ñuicë a upí oquin ꞌunanin. ꞌUnánan camina ami cushicë ꞌinux raíri unibë ꞌësëanánti ꞌunanin.

Romanos 15:3

Usaribi ca Cristo ꞌiacëxa. Ax cuëëncësa oi ꞌiti sinanima ca aín Papa Dios cuëëncësabi oíshi ꞌiacëxa. Nucën Papa Diosan bana quicësa oía aín Papabë banai Jesucristo ësai quicë ax ca asérabi ꞌicën: “Mimia ꞌatimati banaa usaribiti ca unicama ꞌëmiribi ꞌatimati banaxa”.

Romanos 15:30

ꞌËn xucë́antu, ꞌëx ꞌicësaribitimi mitsux Nucën ꞌIbu Jesucristonan ꞌianan aín Bëru Ñunshin Upitan ꞌunánmicë ꞌaish ꞌëbë nuibanancë ꞌicë cana mitsu cain, Cristomi catamëcëma ꞌianan Nucën Papa Diosan bana cuacëma ꞌaish ca ꞌitsa uni ꞌëmi nishia. Usa ꞌain camina asérabi ami cushicë ꞌixun ꞌë Nucën Papa Dios ñucáxunti ꞌain.

Romanos 6:22

Mitsúnmi ñu ꞌatima ꞌatëcënxunma ꞌanun Nucën Papa Diosan ꞌimicë ꞌixun camina ax cuëëncësabi oquin ꞌain. Usoquin ꞌaia ca Nucën Papa Diosan mitsu an iscëxmi upí ꞌinun ꞌimia. ꞌImianan ca nëtë́timoimi abë ꞌinun mitsu ꞌimia.

Romanos 7:4

ꞌËn xucë́antu, usaribi camina mitsux ꞌain. Usai uni ꞌiti bana quicësa oíshi ꞌiá ꞌaíshbi camina bërí abë axa bamaxbi baísquicë Cristo ami catamëti, aín bana quicësabi oíshi ꞌin. Usa ꞌixun camina ax cuëëncësabi oi ꞌiquin Nucën Papa Dios cuëënmin.

Romanos 8:5

An Jesucristomi sinánquinma aín cuëëncësa oquinshi ꞌati sináncë unin ca ënë nëtënu ꞌicë ñuishi ꞌati sinania. Usa ꞌaínbi ca axa Jesucristomi sináncë unin Nucën Papa Diosan Bëru Ñunshin Upitan sinánmicë ꞌixun an sinánmicësabi oíshi ꞌiti sinania.

1 Corintios 13:13

Bëtsi ñucama cëñúcëbëbi cananuna nux cëñútimoi abë ꞌaish Nucën Papa Diosmi catamëti ꞌain. —Cananuna ënë Nucën Papa Diosan nëtënuax cëñútimoi ꞌiti ꞌai —quixun ꞌunani cananuna cuëëinra cuëënti ꞌain. Anu ꞌaish cananuna camáxbi cëñútimoi bëtsibë nuibananti ꞌain. Nucën Papa Diosmi catamëti cuëëanan abë nëtë́timoi ꞌiti sinani cuëëníbi cananuna bëtsibë nuibanancë cupíira cuëëinra cuëënti ꞌain.

Gálatas 5:13

ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.

Efesios 4:23

A ëni camina Nucën Papa Diosan ꞌimicëx bëtsi sinánñu ꞌiti ꞌain.

Efesios 5:9

Nucën ꞌIbu Jesucristonan ꞌaish ca uni upí sinánñu ꞌianan asérabi banáinshi bananan ñu upíshi ꞌaia. Usaribi camina mitsux ꞌiti ꞌain.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

2 Tesalonicenses 3:2

ꞌImainun camina an ꞌatima ñu ꞌacë ꞌaisama unicaman nu ubíoxunma ꞌanun Nucën Papa Dios nu ñucáxunti ꞌain. Camabi uníxira ca Jesucristomi catamëcëma ꞌicën,

1 Timoteo 3:11

An axa Jesucristomi catamëcë unicama ꞌaquincë unin xanux ca —upí xanu ca —quixuan camabi unin ꞌunáncë ꞌiti ꞌicën, ca cëmëi bëtsimi manáncëma ꞌiti ꞌicën, paë́ncëma ꞌianan ca aín ñu ꞌati upí oquin ꞌacë ꞌiti ꞌicën.

1 Timoteo 4:12

Usoquin ꞌanan camina mix mëcó unima cupía unin timaquin min bana cuaisama tanti rabanan upí uni ꞌiti ꞌain. Mixmi ꞌicësaribitia axa Jesucristomi catamëcë unicamaxribi upí ꞌinun camina upiti bananan, upitishi ꞌianan, unicama nuibanan, uisa ñu cara ꞌicëbëbi Jesucristomi catamëanan, min xanuma ꞌain xanubë ꞌitima ꞌain.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Pedro 1:8

A isúnmabi camina mitsun Jesucristo sinanin. Usa ꞌain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana ꞌaíma ꞌaínbi.

1 Pedro 5:12

Nucën xucën Silvano, ax ca ꞌën iscëx upiti Jesucristomi sináncë ꞌicën. Usa ꞌain cana an mitsu buánxunun ënë quirica mitsu ꞌaxuan. Ënë quiricanu ꞌësë́anan cana mitsu cain, an mitsu upí oquin cushionan ꞌaquincë cupí camina asérabi ꞌunánti ꞌain, uisaira oquin cara Nucën Papa Diosan mitsu nuibatia quixun. A ënima camina mixmi ꞌicësabi oi ami upiti catamëti ꞌain.