Gálatas 5:18 - Kashibo-Kakataibo Biblia

¹⁸ Mitsun aín Bëru Ñunshin Upitan sinánmicëxun sinánquin ñu ꞌacë ꞌaish camina usai ca uni ꞌiti ꞌicë quixun Moisésnën cuënëo bana quicësamaira oi ꞌicë ꞌaish ꞌuchocëma ꞌiti ꞌain.

Nukën 'Ibu Diosan ain unikama 'inan ain bana

¹⁸ Mitsun aín Bëru Ñunshin Upitan sinánmicëxun sinánquin ñu 'acë 'aish camina usai ca uni 'iti 'icë quixun Moisésnën cuënëo bana quicësamaira oi 'icë 'aish 'uchocëma 'iti 'ain.

Gálatas 5:18 ပူးပေါင်းရင်းမြစ်များ

Proverbios 8:20

ꞌËn kana ñu upí ꞌati sinani bai puntëtan nikësa ꞌixun, upí ñushi ꞌati sinanin.

Ezequiel 36:27

ꞌImianan kana ꞌën Bëru Ñunshin mitsu ꞌinánkin ꞌën bana a tantikama kikësaibimi ꞌinun mitsu ꞌimiti ꞌain,

Juan 16:13

ꞌAínbi ca Nucën Papa Diosan Bëru Ñunshin Upí, an Nucën Papa Diosan sináncë ñucama ꞌunáncë, an mitsubë ꞌixun, ꞌën mitsu ñuixuncë banacama ax cara uisaira quicë ꞌicë quixun mitsu ꞌunánmianan uisa ñucamax cara upí ꞌicë mitsu ꞌunánmiti ꞌicën. An ca anbi sináncësa oquinma, Nucën Papa Diosan cacëxuan cuacë ñucamaishi mitsu ꞌunánmiti ꞌicën. ꞌUnánmianan ca uisai cara ꞌën unicama ënë nëtënuax ꞌianan Nucën Papa Diosan nëtënuaxribi ꞌiti ꞌicë quixun mitsu ꞌunánmiti ꞌicën.

Romanos 7:4

ꞌËn xucë́antu, usaribi camina mitsux ꞌain. Usai uni ꞌiti bana quicësa oíshi ꞌiá ꞌaíshbi camina bërí abë axa bamaxbi baísquicë Cristo ami catamëti, aín bana quicësabi oíshi ꞌin. Usa ꞌixun camina ax cuëëncësabi oi ꞌiquin Nucën Papa Dios cuëënmin.

Romanos 8:12

ꞌËn xucë́antu, mitsu cana cain, nux Jesucristonan ꞌaish aín Bëru Ñunshin Upí nubë ꞌain cananuna ënë nëtënu ꞌicë ñuishi sinani nux cuëëncësa oi ꞌitima ꞌain.

Romanos 8:14

Uicaman cara an sinánmicëxun Nucën Papa Diosan Bëru Ñunshin Upitan sinánmicësabi oquin ꞌaia, acamax ca asérabi Nucën Papa Diosan bëchicë ꞌicën.

Gálatas 5:16

ꞌËn cana mitsu cain, mitsux cuëëncësabi oquin ñu ꞌatima ꞌaquinma camina Nucën Papa Diosan Bëru Ñunshin Upitan sinánmicësa oquinshi sinánquin ñu ꞌati ꞌain.

Gálatas 5:23

rabícëma, aín cuëëncësari ꞌiisa tanquinbi tënëcë. Usa uni ñuia, ax —usai ꞌitima ca —quicë bana ca ꞌaíma ꞌicën.

Gálatas 5:25

Usa ꞌain cananuna nux aín Bëru Ñunshin Upitan ꞌimicëx Nucën Papa Diosan uni ꞌixun, aín Bëru Ñunshin Upitan an nu sinánmicësabi oquin ꞌati ꞌain.

1 Timoteo 1:9

Cananuna ꞌunanin, aín nuitu upí ꞌixun ca unin usai ca uni ꞌitima ꞌicë quixun cuënëo bana isquinmabi ñu ꞌaisama ꞌaima. ꞌAínbi ca an ësa ñu ꞌacë unicaman —usaquin ꞌati ca ꞌaisama ꞌicë —quixun ꞌunánti cuënëo ca a bana ꞌicën: an Nucën Papa Diosan bana cuëëncëma, ꞌimainun an aín bana tancëma, ꞌatima ꞌaish ꞌaisama sinánñu, ꞌuchañuira, an Nucën Papa Diosmi racuë́quinma aín bana quicësabi oquin ꞌacëma, ꞌimainun an aín papa ꞌacë, an aín tita ꞌacë, an uni itsi ꞌacë, acama ꞌimainun,

2 Timoteo 1:7

Ainan ꞌaíshnu racuë́ ꞌinun ca Nucën Papa Diosan nu ꞌimiama ꞌicën. An ca nu ainan ꞌimiacëxa, aín cushiñu ꞌixúnu nuibaquin unicama ꞌaquianan upí oquin sinánquin ñu ꞌanun.